Шоу биз

Што му се случило на познатиот британски шармер од „Господар на прстените“, не се препознава

Го гледавме во „План за летање“ каде играше шармантен капетан на екипажот, а потоа и во многу други продукции каде Шон Бин (65), покрај неговите актерски способности, покажа и дека го има она за што жените паѓаа.

Сепак, годините минуваат, сите се менуваме, старееме, па така и овој славен Британец.

Неговите најнови фотографии покажуваат дека тој драстично се променил.

Ѕвездата на филмовите „Троја“ и „Господарот на прстените“ се уште е активен како актер, но и на социјалните мрежи и со својот изглед изненади многумина, а можеме да кажеме и разочара. Изгледа запуштено и несредено, а пред само неколку години глумеше заводници и шармери.

Ја пуштил косата, а со неа се „совпадна“ и долгата брада, па на крајот доби запуштен изглед. Можеби тоа е поради некоја следна улога што му е планирана, но во секој случај, навистина не сме навикнати да гледаме ваков изглед од Британецот. На лицето му се очигледни и брчките, што е знак дека природно старее и дека не дозволува разни естетски интервенции да го спречат во тоа.

Свет

Душчик: Белорусија планира „жешка гранична и миграциска криза“

Неговата изјава уследи откако полскиот премиер Доналд Туск пред неколку дена го најави планот за суспендирање на правото на азил.

Плановите на Полска привремено да го суспендира правото на азил се засноваат на претпоставката дека соседна Белорусија се обидува да прати голем број мигранти кон заедничката граница, изјави денеска полскиот заменик-министер за внатрешни работи Мачеј Душчик.

- Информациите што ги имаме за различни сценарија, кои се развиваат во Белорусија и Русија го оправдуваат таков сигурносен вентил. Белорусија работеше на жешка гранична и миграциска криза, планирајќи насилно да принуди стотици луѓе кон надворешната граница на ЕУ, за да ја дестабилизира ситуацијата во Полска, посочи Душчик.

Неговата изјава уследи откако полскиот премиер Доналд Туск пред неколку дена го најави планот за суспендирање на правото на азил.

Полска и ЕУ ги обвинуваат рускиот и белорускиот претседател, Владимир Путин и Александар Лукашенко дека ги туркаат мигрантите од кризните региони кон надворешната граница на ЕУ со цел да извршат притисок врз Западот.

И покрај изградбата на ограда висока 5,5 метри и електронски систем за надзор долж полската граница, мигрантите сè уште секојдневно се обидуваат илегално да ја преминат границата. Од почетокот на годината, полските граничари веќе регистрирале речиси 28.000 такви обиди. /МИА

Фудбал

Марко: Верстапен ќе стане шампион бидејќи Норис има психолошки слабости

Советникот на Ред Бул, Хелмут Марко објасни зошто е уверен дека Макс Верстапен ќе ја освои титулата, а не Ландо Норис од Мекларен.

-Макс е најдобар, тој е најбрз и пред се е ментално силен да се бори за светската титула. Во ова тој е супериорен во однос на Шарл Леклер и Ландо Норис. Знаеме дека Норис има некои психолошки слабости. Прочитав дека треба да прави некои ритуали за да се претстави добро на денот на трката, изјави Марко.

Верстапен претходно изјави дека крајот на тековната сезона, според него, нема да биде толку напнат поради борбата со Норис како што беше со Луис Хамилтон од Мерцедес во 2021 година.

Во моментов предноста на Верстапен во однос на Норис е 52 бода. Остануваат уште шест трки до крајот на сезоната 2024.

Следната етапа од Формула 1 шампионатот е од 18 до 20 октомври во Остин (САД). /МИА

Свет

СЗО: Во Појасот Газа напредува вториот круг вакцинација против детска парализа

Повеќе од 92.000 деца во Појасот Газа ја примиле втората доза на вакцина против детска парализа откако вчера почна новиот круг вакцинација, соопшти денеска Светската здравствена организација во Женева.

Израел се согласи да паузира во борбите за да ја олесни кампањата за вакцинација, како што тоа го направи во текот на првиот круг во септември, откако во Газа беше откриен првиот случај на полио во последните 25 години.

СЗО моментално работи со партнерски организации во центарот на крајбрежната област за да се дистрибуираат новите дози.

Тимовите за вакцинација потоа ќе се преселат на југ пред да заминат на север за да вакцинираат вкупно повеќе од 590.000 деца под 10-годишна возраст во вториот и последен круг. Децата тогаш треба да имаат целосна заштита од болеста.

Детската парализа има тенденција да се шири каде што многу луѓе живеат заедно под лоши хигиенски услови.

Едногодишната офанзива на Израел против милитантите на Хамас уништи огромни области на Газа и остави голем дел од здравствената инфраструктура во урнатини.

Стотици илјади луѓе побараа засолниште во кампови со шатори и сместување во итни случаи.

Првиот случај на детска парализа во последните 25 години е регистриран во Појасот Газа летото. Болеста може да предизвика трајна парализа, па дури и смрт. /МИА

притисни ентер