Што му прави една цигара на вашето тело? - Канал 5

Здравје

Што му прави една цигара на вашето тело?

Секој пушач сонува што поскоро да се откаже од пушењето, но секој кој некогаш се обидел да се ослободи од оваа лоша навика сфатил дека тоа воопшто не е лесно.

Што му прави една цигара на вашето тело?

Информациите кои веќе неколку години стојат на кутиите цигари се чини дека се недоволни, па расте бројот на пушачи ширум светот, а загрижувачки е што оваа нездрава навика започнува сè порано.

Некои се обидуваат да го намалат бројот на испушени цигари, за да заштедат пари, но и, како што веруваат, помалку да му наштетат на здравјето.

Сепак, заблуда е дека здравјето ќе се подобри со намалување на бројот на испушени цигари.

Навистина нема голема разлика дали пушите 10 цигари или кутија дневно, секако го оштетувате вашето здравје.

Ризикот од астма се зголемува

Пушењето може да биде поттикнувач за астма, дури и кај луѓе кои немаат генетска предиспозиција за оваа болест. Главниот симптом на оваа болест е грчење на мускулите кои ги обложуваат дишните патишта, таканаречен бронхоспазам. Така се јавува свиреж во градите при краток здив, а како чадот продолжува низ белите дробови, може да доведе и до други проблеми.

Во едно истражување, запалена цигара била закачена за цилиндар наполнет со бел памук, а резултатите покажале дека по само една цигара, памукот почнал да ја менува бојата. По неколку цигари, памукот целосно ја изгубил белата боја, а по 300 цигари добил боја на рѓа и станал како гума од катранот.

Срцето работи понапорно

Пушењето ги нарушува процесите кои влијаат на разградувањето на телесните масти.

Никотинот ја нарушува способноста на телото правилно да ги разградува липопротеините со мала густина (ЛДЛ), што овозможува штетниот холестерол непречено да поминува низ телото. Овие холестероли лесно може да се згуснат и да доведат до наслаги во крвните садови.

Навистина, наслагите од лоши масти не можат да се формираат веднаш, и за нив е потребно време. Сепак, нивото на лош холестерол почнува да расте по првата цигара.

Покрај тоа, пушењето ги уништува нивоата на корисни ензими и протеини кои ја поттикнуваат функцијата на добриот холестерол, чија улога во отстранувањето на лошиот холестерол е огромна.

Ја стимулира киселината и го оштетува желудникот

Никотинот ја намалува јачината на заштитната обвивка на желудникот, а една цигара е доволна да предизвика рефлукс на желудочната киселина. Пушењето ја зголемува можноста желудочната киселина да стигне до хранопроводникот, што доведува до болна иритација.

Тоа се случува затоа што пушењето ја спречува работата на мембраната која го штити хранопроводникот од делувањето на киселината.

Покрај тоа што желудникот е „зафатен“ со исфрлање на киселината, не може да ги апсорбира витамините Ц и Е и другите хранливи материи, тоа доведува до чувство на слабост.

Не смирува туку вознемирува

Иако многумина веруваат дека цигарите се одличен начин за намалување на стресот и сузбивање на нервозата, овој став е сосема погрешен. Вистина е дека никотинот брзо стигнува до мозокот и влијае на центарот за емоции, но овој ефект е многу краток.

Кога неговото дејство ќе помине, настанува „состојба на повлекување“, што доведува до чувство на анксиозност.

Секое вовлекување чад од цигара предизвикува изумирање на рецепторите за допамин во мозокот, кои влијаат на тоа како се чувствувате добро и задоволно.

Предизвикува назални инфекции

Синусите се обложени со ситни влакненца кои се наоѓаат и во белите дробови, а чија задача е да ја спречат заштитната слуз да стигне до белите дробови. Кога чадот од цигарите ќе стигне до носот, влакненцата се вкочануваат и слузта почнува да се таложи во синусите, многу повеќе од нормалното.

Ова го зголемува ризикот од воспаление и инфекција, а затнатиот нос лесно може да предизвика главоболки.

Се создава притисок во ушите

Чадот од тутунот влегува и во ушите, спречувајќи ги природно да се чистат. Ова предизвикува акумулација на течност во средното уво, што може да предизвика болка.

извор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Шпагети со сирење

Во петок (23.10.2026) во емисијата гостин ни бeше Марио Стојановски

„Гответе со Дракче“ - Шпагети со сирење

Состојки за денешниот рецепт:

250 гр. шпагети

150 гр. сирење

150 гр. кечап

масло

сол и малку магдонос

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Започна евакуацијата на жителуте на Олешки во регионот Херсон

Евакуацијата започна, подготвени се 25 автобуси, оние што сакаат да заминат имаат рок до 14:00 часот. 

Видео: Започна евакуацијата на жителуте на Олешки во регионот Херсон

Во градот Олешки, во регионот Херсон, започна голема хуманитарна операција, јавуваат руските медиуми. За евакуација на цивилното население обезбедени се 25 автобуси со најмалку 750 седишта.

Рускиот комесар за човекови права, Јана Лантратова, изјави дека се обезбедени сите неопходни безбедносни услови за евакуација, а жителите што сакаат да го напуштат градот ќе можат да го сторат тоа до 14:00 часот, по што ќе започне распределбата на хуманитарна помош.

Во операцијата учествуваат повеќе од 50 медицински експерти, додека во градот пристигнаа и над 50 новинари од различни земји, вклучително и од Соединетите Држави, за да го следат спроведувањето на хуманитарната мисија.

„Американски новинари, новинари од различни земји, вкупно повеќе од 50 претставници на медиумите. Токму затоа сè се одвива отворено, што е многу важно“, изјави Лантратова, пренесува „Спутник“.

Таа потврди дека режимот на прекин на огнот во зоната на хуманитарната операција сè уште се почитува и дека не се забележани никакви инциденти.

„Режимот на прекин на огнот во областа на хуманитарната мисија во Олешки се одржува. Немаше инциденти. Руската и украинската страна целосно ги исполнуваат своите обврски“, напиша исто така Лантратова на платформата „Макс“.

Комесарката исто така најави дека патува во тој град заедно со украинскиот омбудсман, Дмитриј Лубинец, за да ја координира хуманитарната операција. „На пат сме кон Олешки со комесарот на Врховната рада на Украина за човекови права, Дмитриј Лубинец. Заедно ја координираме реализацијата на договорите постигнати со посредување и координација на првата дама на САД, Меланија Трамп“, изјави таа.

Олешки се наоѓа на левиот брег на Днепар, спроти градот Херсон, кој е под контрола на украинските сили. Според руската страна, во градот настанала тешка хуманитарна ситуација поради дејствијата на украинската војска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Муцунски за Ива Михаилова вели „Непристојно е земја членка на ЕУ да стане прибежиште за бегалци од правдата" - а за Груевски?

Муцунски за Ива Михаилова вели „Непристојно е земја членка на ЕУ да стане прибежиште за бегалци од правдата" - а може ли истото да го порача Тимчо и до Будимпешта? Да го врати Груевски?

СДСМ: Муцунски за Ива Михаилова вели „Непристојно е земја членка на ЕУ да стане прибежиште за бегалци од правдата" - а за Груевски?

Зошто до денес не се пратени сите потребни документи за екстрадиција до новата влада во Унгарија?

Зошто човекот што побегна од правда, благодарение на системот што го постави тогашниот ВМРО-ОКГ, сè уште е во Унгарија? Зошто до Будимпешта нема остра порака, а до Софија има?

Истиот министер што сега бара стандарди од ЕУ за бегалци од правда, претходно молчеше кога Груевски си замина. Молчи и кога Панче Тошковски пропушта преку граница луѓе без евиденција.

Молчи и кога пет тони дрога поминаа граница кон сестринската СНС во Србија.

За Ива Михаилова - непристојно, а за Груевски - тишина. За Тошковски - хиперхлорирање. За петте тони - нема одговор.

СДСМ не бара двојни стандарди, бараме исти. Ако е непристојно Софија да биде прибежиште, непристојно е и Будимпешта да биде прибежиште.

Ако се бараат документи за едната, се бараат и за другиот. Ако законот важи за сите, важи и за оној што побегна со помош на тогашниот систем.

Додека Муцунски праќа остра порака до Софија, нека испрати и до Будимпешта. И нека објасни зошто документите за Груевски сè уште не се целосни.

Од СДСМ има поддршка за двете барања. И за Ива, и за Груевски.

Скопје, 30.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер