Воведувањето одредени намирници во вашата исхрана може да помогне во неговото намалување.

Д-р Раџ Дасгупта советува дека она што го јадеме може да влијае на начинот на кој телото реагира на стрес. Така, за да се олесни реакцијата д-р Дасгупта ја нагласува важноста на хранливите материи како магнезиумот и омега-3 масните киселини, кои го поддржуваат нервниот систем и го намалуваат воспалението.

Невропсихологот д-р Санам Хафез додава дека хроничниот стрес го исцрпува магнезиумот и витамините Б, додека здравата исхрана помага да се стабилизира шеќерот во крвта, да се намали воспалението и да се зачува здравјето.

Стресот често нè наведува да посегнеме по храна која дава краткорочно олеснување, но долгорочно е штетна. Белото брашно и шеќерот привремено ги зголемуваат серотонинот и допаминот, но на подолг рок предизвикуваат нестабилен шеќер во крвта, воспаленија и хранливи дефицити, објаснува Хафез. Не е неопходно целосно да се елиминира нездравата храна, но треба да се консумира умерено и да не се користи како главна алатка за ублажување на стресот, пишува Verywell Mind.

Најдобри намирници за намалување на стресот

Еве неколку намирници кои лесно може да ги вклучите во вашата исхрана и кои можат да му помогнат на вашето тело да се справи со стресот.

Темна чоколада

Богатa е со антиоксиданси и магнезиум, му помага на телото да се опушти и го подобрува расположението. „Едно мало парче може да биде одлично задоволство во стресни моменти“, вели д-р Раџ Дасгупта. Темната чоколада содржи повеќе какао и е со помалку шеќер од млечната, дополнително го зголемува нивото на серотонин.

Целозрнести житарки

Целозрнестите житарки, како овесот, се богати со хранливи материи кои го стабилизираат шеќерот во крвта, спречуваат промени во расположението и поттикнуваат смиреност. „Тие се одлични за одржување на стабилна енергија и подобрување на расположението“, вели д-р Дасгупта.

Јаткасти плодови и семиња

Бадемите, чиа семките и оревите се богати со здрави масти и магнезиум, кои го регулираат расположението. Хафиз нагласува дека консумирањето на една шака јаткасти плодови дневно, може значително да го намали ризикот од депресија.

Лиснат зеленчук

Лиснатиот зеленчук како спанаќот, кељот и блитвата се богати со магнезиум, кој помага во контролата на стресот и подобрувањето на сонот.

Масна риба

Лососот и скушата се богати со омега-3 масни киселини, кои ги намалуваат воспаленијата и нивото на кортизол. Омега-3 масните киселини го подобруваат здравјето на мозокот и расположението. „Редовното консумирање масна риба има долгорочни придобивки за менталното здравје“, објаснува Дасгупта.

Бобинки

Боровинките, малините и капините се богати со антиоксиданси кои го намалуваат воспалението, го штитат мозокот и помагаат во борбата против стресот. „Нивните хранливи материи можат да го подобрат фокусот и смиреноста“, додава Хафиз.

Билни чаеви

Билните чаеви, како камилицата и нането, не содржат кофеин и затоа не го нарушуваат сонот и не предизвикуваат нервоза. Хафез објаснува дека овие чаеви делуваат смирувачки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.