Доцент од Универзитетот „Гоце Делчев“ во Штип, кој раководел со Е-Индекс е уапсен под сомнежи дека за пари бришел оценки, менувал испитни поени и овозможувал упис на семестри на студенти кои не ги исполнувале условите. Сомнителните интервенции, според информациите, најчесто се однесувале на студенти од Турција, на кои, осомничениот, наводно, им нудел поинаков пат да ги исполнат академските критериуми. При претресот во неговиот дом, во полициската акција утринава, била пронајдена поголема сума на пари.

-Вршат претреси на повеќе локации во Штип и Скопје во врска со кривичните дела „злоупотреба на службената положба и овластување“ и „оштетување и неовластено навлегување во компјутерски систем“, за кои постои сомнение дека ги сторил Р.Т. – раководител на секторот за информатика на УГД во Штип. - Гоце Андреевски – Портпарол на МВР.

Од штипскиот универзитет велат дека нема да дозволат поединци да го нарушат интегритетот и трудот на институцијата. Порачаа дека имаат нулта толеранција за корупцијата и злоупотребата во академската заедница и дека нудат неограничена соработка на истражните органи за брзо и целосно расчистување на случајот.

„Како јавна високообразовна институција ја уверуваме јавноста дека остануваме посветени на транспарентноста, отвореноста и институционалниот интегритет. УГД нема да дозволи каков било сомнеж да го наруши трудот и вредноста на дипломите на илјадниците чесни студенти и вработени. Институционалниот интегритет и довербата на нашите студенти се пред се’. – Универзитет Гоце Делчев.

Дали и какви мерки за обебзедување ќе бидат побарани за вработениот ќе се знае откако ќе завршат претресите и распитот...

Ова е втор ваков случај само за неколку месеци, откако во Јуни беше уапсена оти на студент од Туриција му побарал 300 евра за шестка оти не знаел доволно. Студентот тогаш ја пријави, и во договор со полицијата по неколку дена и однел обележани пари во канцеларија. Откако ги примила парите, набргу беше фатена од полицијата, а против нејзе е поднесена кривична пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Младите сакаат повеќе практично учење за проверка на информации, подобро разбирање на начинот на кој функционираат социјалните мрежи и алгоритмите, како и повеќе можности нивните искуства од дигиталната средина директно да бидат слушнати од институциите.

Ова се дел од пораките од денешната дебата во Собранието „Што гледаш, кому веруваш? – Младите, информациите и дезинформациските кампањи“, на која средношколци од седум училишта од Скопје, Липково, Велес и Прилеп разговараа со пратениците за тоа како младите се информираат, кому му веруваат и со какви предизвици се соочуваат во современата дигитална средина. Настанот беше организиран во соработка со Институтот за комуникациски студии (ИКС), преку Парламентарниот институт и Клубот за младински прашања и политики.

Отворајќи го настанот, претседателот на Собранието, Африм Гаши, истакна дека медиумската писменост денес е клучна вештина за демократскиот развој и иднината на младите генерации. Обраќајќи им се на средношколците, тој порача дека промените во светот, системот и општеството започнуваат со целосна информираност и свесност. „Не можеме да промениме нешто за кое не сме целосно свесни, а целосна свесност стекнуваме единствено преку целосното информирање. Собранието, во оваа насока, има важна улога. Како дом на сите граѓани и институција во која тие се претставени, тоа треба да биде пример за транспарентност, аргументирана дебата и отчетност“, рече Гаши.

Н.Е. Маја Сивањанам, амбасадорка на Обединетото Кралство во Република Македонија, нагласи дека градењето отпорност кон дезинформации и манипулации со информациите не е одговорност на една институција или поединец, туку бара пристап на целото општество. „Целта не е на младите да им се кажува кому да веруваат, туку да се слушнат нивните искуства и да се разбере што треба да се менува во образованието и јавните политики за тие да можат критички и информирано да донесуваат одлуки“, порача амбасадорката Сивањанам.

Драгана Бојковска, пратеничка и претседателка на Клубот за младински прашања и политики, истакна дека ваквите дебати во законодавниот дом се важни и за младите и за пратениците, бидејќи овозможуваат подобро разбирање на потребите и предизвиците на младите, кои треба да бидат земени предвид при креирањето на идните политики.

Во продолжение на дебатата, средношколците, заедно со пратениците Љупчо Пренџов и Соња Мираковска, дебатираа за влијанието на социјалните мрежи, алгоритмите, инфлуенсерите и содржините создадени со вештачка интелигенција. Меѓу прашањата што ги отворија младите беа потребата од повеќе практични вештини за проверка на информации, подобро разбирање на дигиталните платформи, повеќе простор за дебата и критичко размислување во училиштата и почеста директна комуникација со институциите.

На крајот, Бојковска ги претстави заклучоците и посочи дека денешниот настан е практичен пример за примената на принципот „секој има своја улога“ во градењето критичка и отпорна младина. Таа нагласи дека ова е прв настан од ваков формат со кој Собранието се приклучува кон одбележувањето на Деновите на медиумската писменост и најави организирање и на други вакви активности.

Меѓу другите заклучоци од дебатата беше истакната отвореноста на Собранието, да ги слушне истражувањата и аргументите за тоа кои чекори треба да ги преземат носителите на одлуки за да се изгради младина, но и образовен систем што ќе одговорат на современите предизвици на дигиталната ера и вештачката интелигенција, како и подготвеноста за воспоставување директна соработка со учениците. На учениците им беше претставено и работењето на Клубот за младински прашања и политики, како и можностите за вклучување во неговата работа, при што беше истакнато дека тие се секогаш добредојдени да споделуваат нови идеи и предлози и директно да комуницираат со пратениците од нивните градови.

Предлозите и заклучоците од дебатата ќе бидат систематизирани и доставени до пратениците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Предмет на разговорот беа оперативните и техничките аспекти на пристапниот процес, можностите за забрзување на европската интеграција и конкретните механизми за напредок во услови на политички блокади.

Сиљановска-Давкова ја истакна потребата од разгледување на расположливите институционални и правни инструменти на Унијата, со цел да се идентификуваат конкретни чекори што ќе овозможат придвижување на процесот врз основа на реформските постигнувања и исполнетите критериуми, независно од билатералните блокади од страна на земјите членки.

За неа, важно е техничката подготвеност и спроведените реформи да добијат соодветно вреднување, а европската перспектива да се претвори во предвидлив процес со јасни чекори и мерливи резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.