Ова се ставовите на директорката на Институтот за европска политика Симонида Кацарска и на првиот човек на Иститутот за деморкатија Марко Тршановски, кои сметаат дека за било каква промена на веќе превземените обврски за членство во Унијата ќе биде потребно зелено светло од и од Бугарија и дека тоа според моменталните односи меѓу двете земји е невозможно.

„Очекувам дека Комисијата ќе го повтори тоа што се очекува од нас и она што е веќе договорено.. Промената на Уставот е дел од заклучоците на ЕС како дополнителен услов, тука секогаш може да се најдат различни мислења во однос на тоа како ќе се интерпретира, меѓутоа треба да бидеме свесни дека со било што од таа одложена примена треба целосно да се согласи и Бугарија, што не е случај досега“. – Симонида Кацарска, директор на ЕПИ.

„Овде не станува збор за промена на преговарачката рамка како што првично ВМРО-ДПМНЕ заговараше што е исклучително тешка и речиси невозможна мисија. Со измена на протоколите дури и без истата вакавта формулација на уставна промена на внесување на Бугарите во уставот е сосема можно да биде прифатлива само доколку бугарската страна има разбирање и делумно да биде убедувана од страна на европските челници. Секако дека многу поширока дипломатска офанзива барем на клучните земји членки каде што се носат одлуките и помалку конфротирачка комуникација со Бугарија може да вложи со некаков плод“. - Марко Тршановски, директор на Институт за демократија.

И двајцата велат дека фокусот на средбите сепак ќе бидат реформите..

Изјавите веројатно ќе бидат со фокус на Планот за раст и реформските агенди. И со оглед на тоа што ова е најголемот план од Комисијта на кој што ќе се посветиме во наредните барем три до четири години и кој не е врзан со формалниот напредок во евроинтегративниот процес.

„Не треба да заборавиме дека тоа е примарниот фокус, бидејќи и реформската агенда е многу значајна за нас и за сите други држави од регионот. Средствата се и те како значајни и не треба да ја ставаме во втор план во контекст на другите прашања кои нас како држава не мачат“.

-да видиме како ќе биде оценет. – Симонида Кацарска, директор на ЕПИ.

По прифаќањето на францускиот предлог, Македонија во јули 2022 година заедно со Албанија ја одржа првата меѓувладината конференција со која беше означен стартот на преговорите за членство, но за разлика од соседите, следниот чекор за земјава – отворањето на поглавајата, е условен со внесувањето на Бугарите во Уставот.