Што ѝ се случило на Ана Ивановиќ? Фотографија што ги загрижи нејзините обожаватели (фото)

Поранешната тенисерка Ана Ивановиќ го напушти тенисот и реши да се посвети на одгледување на синовите Лука (4) и Леон (3) кои ги доби во бракот со поранешниот германски фудбалски репрезентативец Бастијан Швајнштајгер

. Таа ужива во љубовта со познатиот Германец, како и во семејниот живот посветен на одгледувањето на децата, но исто така доста е активна и на социјалните мрежи, каде честопати споделува дел од семејната интимност.

Таа неодамна објави фотографија на својот профил на Инстаграм која предизвика поделени мислења. Ана на фотографијата носи сиви фармерки, црн џемпер, сив капут, а акцентот беше ставен на црната шапка со која го надополнила овој лежерен изглед.

Многу нејзини придружници прокоментираа дека тешко би ја препознале во вакво издание на улица.

Покрај позитивните коментари со поддршка од најверните фанови, имаше и такви кои сметаа дека Ивановиќ изгледала подобро некогаш, а особено кога се занималава со тенисот.

Ана и летово привлече големо внимание кога го покажа своето тело во минијатурно бикини. Меѓутоа, тоа сега не наликува на тело на жена која некогаш размислувала животот да го посвети на напорни тренинзи. Дури и многумина, да не знаат за кого се работи, би се запрашале дали некогаш спортувала, со оглед што сега ги нема извајаните мускули како некогаш. Но и покрај тоа, таа сè уште има исклучително атрактивна градба и изгледа младолико. Посебно внимание на нејзините обожаватели им привлече нејзиниот рамен стомак.

САД: Мал авион се урна во Нешвил, нема преживеани(видео)

Неколку лица загинаа во градот Нешвил, во американската сојузна држава Тенеси, кога мал авион се урна во близина на автопат, соопшти полицијата.

Како што се наведува, едномоторниот авион синоќа се урнал на тревна површина во западниот дел на градот, а потоа избил пожар во авионот.

Според полицискиот извештај, во авионот имало неколку лица и се верува дека сите загинале, а точниот број на жртви засега не е утврден, изјави портпаролот на полицијата.

На автопатот нема повредени возачи, а на терен нема оштетени возила или објекти.

Управата на аеродромот во Нешвил соопшти дека Националниот одбор за безбедност на транспортот и Федералната администрација за авијација на САД ќе спроведат истрага за инцидентот.

Димитријевиќ во симболичната петорка на колото во ВТБ лигата

ВТБ-лигата ја претстави својата идеална петорка за оваа недела. Во неа се најде и македонскиот репрезентативец Ненад Димитријевиќ.

Членот на УНИКС саботниот натпревар со Локомотив Кубан го заврши со 23 поени за 29 минути игра. УНИКС победи со 80:76.

Во петорката покрај Македонецот се и: Исаја Рис (Парма), Октавиус Елис (Уралмаш), Бојан Дубљевиќ (Зенит) и Џејмс Томпсон (Самара).

УНИКС Казан и ЦСКА Москва се на делба на првата позиција со 22 победи и шест порази.

НАТО - Индустриски ден во Македонија

Со членството на Македонија во НАТО се отвори можност за учество на македонските компании на НАТО-пазарот вреден околу 5 милијарди евра годишно. 

Министерката за одбрана Славјанка Петровска денеска ќе го отвори НАТО - Индустрискиот ден во Македонија на кој ќе учествуваат високи претставници на двете агенции на Алијансата - НАТО Агенцијата за поддршка и набавки (NSPA) и НАТО Агенцијата за комуникации и информации (NCIA). Ќе учествуваат и претставници на стопанските комори, голем број македонски компании и претставници на академската заедница.

-Покрај министерката Петровска, на отворањето на Индустрискиот ден ќе се обратат и вицепремиерот за економски прашања Фатмир Битиќи, генералната менаџерка на НАТО Агенцијата за поддршка и набавки, Стејси Камингс, и шефицата за набавки во НАТО Агенцијата за комуникации и информации, Џенифер Аптон, информира Министерството за одбрана.

Со членството на Македонија во НАТО се отвори можност за учество на македонските компании на НАТО-пазарот вреден околу 5 милијарди евра годишно. Со цел поддршка на компаниите во процесот на добивање на потребните сертификати за учество на тендерите на НАТО-пазарот, Министерството креираше Центар за поддршка на компаниите.

-Преку овој Центар се врши упис на економски оператори и се добива потврда за исполнетост на услови за учество во постапките за набавки за потребите на НАТО и земјите членки. Секоја година по членството во НАТО забележано е зголемување на интересот на македонските компании за упис во евиденцијата за економски оператори. Ако во 2021 година се впишани осум компании, а во 2022 – 11, минатата 2023 година 21 компанија биле внесени во оваа евиденција, а само во првите два месеца годинава бројот на компании е четири. Вкупно досега во евиденцијата на економски оператори впишани се 44 компании, соопшти Министерството за одбрана.

притисни ентер