Штипски „Стипион“ го дигитализира зонското паркирање - Канал 5

Македонија

Штипски „Стипион“ го дигитализира зонското паркирање

Штипското Јавно претпријатие „Стипион“ во новата 2026 година го дигитализира зонското паркирање.

Штипски „Стипион“ го дигитализира зонското паркирање

Директорот на ЈП „Стипион“, Панче Стефановски денеска изјави дека со помош на автоматизација и дигитализација ќе се постигне поголема функционалност во паркирањето во централното градско подрачје. Тој најави дека ќе има три зони, од кои Х зоната останува и понатаму хуманитарна, додека зоните А и Б ќе бидат поделени на шест реони, со кои ќе се ограничи зонското паркирање. Граѓаните ќе имаат можност да купуваат реонски карти или универзална карта со кои ќе може да ги користат услугите за паркирање во Штип. Се ова треба да почне да функционира од Нова Година.

-Со последните измени зонското паркирање е дополнето. Сега имаме зона А, Б и Х. Првите две зони се поделени на пет односно шест реони, со кои ќе се ограничи зонското паркирање, а со цел да се олесни движењето на возилата и да се нормализира паркирањњето во градот. Реонизацијата е успешна пракса која се применува во сите густо населени општини во нашата држава. Граѓаните ќе имаат можност со набавка на реонски карти да паркираат согласно своите потреби, рече Стефановски.

Тој додаде дека дополнително ќе се набават две еколошлки возила кои ќе бидат со камери и во движење ќе испраќаат информации за сите паркирани возила во градот. На таков начин во вистинско време ќе се знае дали возилата кои се паркирани имаат платено за услугата или не.

-Отпочната е и процедура за набавка на две нови еколошки возила на кои ќе бидат поставени камери и во движење ќе се отчитуваат регистарските таблички на паркираните возилата и ќе испраќаат податоци во реално време на специјален софтвер, кои ќе алармира дали возилата имаат или немаат наплата. Кај возилата кои не платиле за паркирање ќе биде издадени доплатен билет, за возилата кои се непрописно паркирање ќе се поставува блокатор или ќе бидат отстранети, изјави Стефановски.

На платформите на река Отиња и затворените паркинзи ќе бидат поставени околу 50 видео камери, како дополнителна фаза од „паметен град“ со цел да се регулира паркирањето во реално време и поголема безбедност на возилата кои се паркираат.

Тагови: Штип

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Никарагва одлучи да го раскине договорот од 1987 година

Министерството за надворешни работи на Никарагва објави дека земјата се повлекува од Централноамериканскиот парламент.

Никарагва одлучи да го раскине договорот од 1987 година

Како што соопшти Министерството вчера, „остварувајќи го своето суверено право“, Никарагва одлучи да го раскине договорот од 1987 година со кој беше формиран парламентот за шест централноамерикански држави, одлуката стапува на сила веднаш, пренесува Ројтерс.

Владата на Никарагва не одговори на барањето за коментар.

Овој потег уследи еден ден откако Организацијата на американските држави (ОАД) усвои резолуција со која се повикуваат властите во Никарагва да ги ослободат политичките затвореници и да ги вратат граѓанските слободи.

Никарагва ја напушти ОАД во 2023 година, тврдејќи дека оваа дипломатска организација станала инструмент на интервенционизмот на САД.

Земјата, исто така, во 2025 година објави дека ќе се повлече од Советот за човекови права на ОН, по извештајот на Обединетите нации во кој меѓународната заедница се повикува да реагира на кршењето на човековите права во земјата.

Политичка криза во Никарагва

Никарагва се наоѓа во состојба на политичка криза од април 2018 година, кога полициските сили ги задушија масовните протести, притоа загинаа повеќе од 350 луѓе, околу 2.000 беа повредени, а илјадници беа уапсени или избегаа од земјата.

Владата на Никарагва, предводена од претседателот Даниел Ортега и неговата сопруга Росарио Муриљо, минатиот јули објави дека земјата повеќе нема да одржува избори. Ортега е на власт во континуитет од 2007 година, откако претходно ја извршуваше функцијата претседател во 80-тите години на минатиот век.

Извор: Б92

Тагови: Никарагва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Трамп именуваше пратеник за затворениците: „Тој врати 65 Американци од Белорусија“

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Серафимовски: Како министерство сериозно сме засегнати за решавање на проблемите

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер