Штипската Клиничка болница се поднови со апарат за гастроскопија и колоноскопија - Канал 5

Здравје

Штипската Клиничка болница се поднови со апарат за гастроскопија и колоноскопија

Во Клиничка болница-Штип денеска беше промовиран новиот апарат за гастроскопија и колоноскопија. 

Штипската Клиничка болница се поднови со апарат за гастроскопија и колоноскопија

Директорот на Клиничка Болница Штип, Ален Ѓеорѓијев на денешната прес-конференција истакна дека овој апарат е набавен со сопствени средства, односно од буџетот на болницата, а чини над шест милиони денари. Ѓеорѓијев потенцира дека со ова се решаваат проблеми на пациентите од Штип и Брегалничкиот регион кои нема да трошат време и пари одејќи на преглед во Скопје. Според него дополнителен факт кој радува е кадровски добро опремениот оддел, кој во моментот располага со четири доктори.

-Овој апарат е набавен со сопствени средства на болницата, чини 6.100.000 денари. Но, поважниот дел е кадарот кој го имаме овде. Морам да напоменам дека сум многу горд бидејќи покрај доктор Дончевски има уште три млади доктори на овој оддел, вели Ѓеорѓијев.

Станува збор за апарат со кој ќе се прават интервенции за иследувања на желудникот и дебелото црево. Ова е нов и модерен апарат кој се става во функција на пациентите. Лекарот Сашко Михајлов вели дека секој втор или трет граѓанин над 40 годишна возраст има проблеми со желудникот или дебелото црево.

-Потребата е честа, кај секој втор или трет пациент над 45 години треба да има иследување на желудникот или дебелото црево. Дневно со апаратурата која ја имаме шест до седум пациенти може да се прегледаат, рече Михајлов.

Тој додаде дека со новиот апарат пациентите ќе добиваат поквалитетни и навремени услуги во Клиничка болница-Штип.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ерупција на вулканот Анук Кракатау: Прекинат е сообраќајот на аеродромот во Џакарта (ВИДЕО)

Меѓународниот аеродром Соекарно-Хата во Индонезија ја продолжи суспензијата на летовите до недела во 9:30 часот по локално време (02:30 GMT) поради вулканска пепел .

Ерупција на вулканот Анук Кракатау: Прекинат е сообраќајот на аеродромот во Џакарта (ВИДЕО)

Меѓународниот аеродром Соекарно-Хата во Индонезија ја продолжи суспензијата на летовите до недела во 9:30 часот по локално време (02:30 GMT) поради вулканска пепел предизвикана од тековната ерупција на вулканот Анак Кракатау, соопшти главниот аеродром во Џакарта на Инстаграм.

Прекинот на сообраќајот претходно беше планиран до 5:30 часот наутро, што влијаеше на 33 летови, вклучувајќи неколку меѓународни, соопшти индонезиското Министерство за транспорт.

Вулканот еруптира од петокот

Вулканот Анак Кракатау еруптира со денови, а вулканска пепел беше забележана на аеродромот рано во неделата, според соопштението.

Агенцијата за ублажување на катастрофи во саботата објави дека нема непосредна опасност од цунами предизвикано од вулканот.

Тагови: вулкан Џакарта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф и Кушнер пристигнаа во Киев, прв пат од почетокот на војната

Специјалните претставници на американскиот претседател, Стив Виткоф и Џаред Кушнер, денеска пристигнаа во Киев, што е нивна прва посета на Украина од почетокот на руската инвазија. 

Виткоф и Кушнер пристигнаа во Киев, прв пат од почетокот на војната

Нивното пристигнување доаѓа по значајната средба со рускиот лидер Владимир Путин во Москва.

Виткоф и Кушнер патуваа со воз од Полска, каде што претходно слетаа во Жешов. Нивната посета на Киев доаѓа во време кога Украина ја нагласува важноста на конструктивните и суштинските разговори со САД, според претседателот Володимир Зеленски.

Специјалните претставници беа во Москва вчера, каде што се сретнаа со Путин. Разговорите траеја повеќе од три часа, што укажува на сложеноста и важноста на дискусиите што се водат во контекст на сегашните геополитички тензии.

Тагови: Виткоф

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Финец пријавил дека некој пукал во неговиот Мерцедес, паркиран на Бит Пазар, најдени се два куршуми

Фински државјанин синоќа пријавил дека му е оштетено ветробранското стакло на Мерцедесот, кој бил паркиран на Бит пазар во Скопје. 

Финец пријавил дека некој пукал во неговиот Мерцедес, паркиран на Бит Пазар, најдени се два куршуми

На 05.09.2026 во 19:33 часот во СВР Скопје, А.М.(30) од Финска пријави дека околу 19:10 часот на подрачјето на Бит Пазар во Скопје, му било оштетено ветробранското стакло на неговото паркирано патничко возило „мерцедес“ со фински национални ознаки.

Тој пронашол едно зрно од огнено оружје во внатрешниот дел на возилото и едно зрно надвор од возилото.

Извршен е увид од увидна екипа на СВР Скопје и се преземаат мерки за расчистување на случајот, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер