Штипската болница се поднови со ново амбулантно возило - Канал 5

Здравје

Штипската болница се поднови со ново амбулантно возило

Штипската клиничка болница по неколку децении обезбеди амбулатно возило од сопствени средства.

Штипската болница се поднови со ново амбулантно возило

Штипската клиничка болница по неколку децении обезбеди амбулатно возило од сопствени средства. Директорот на Клиничка болница-Штип, Ален Ѓеорѓијев вели дека претходно возилата биле обезбедувани по пат на донации.

-Со ова возило и со претходните четири, кои ги имаме набавено, а кои се добиени по пат на донации сериозно ги зголемивме перформансите на возниот парк, што е многу важен и во нормални околности и во текот на двете години со пандемијата со Ковид-19 уште повеќе доби на значење, поради зголемената мобилност на пациентите кои ги имавме во тој период. Со ова уште еднаш докажавме дека сме на курсот за зголемување на квалитетот на здравствените услуги во Клиничка болница-Штип, вели Ѓеорѓијев.

Новото возило чини два милиони денари, а Ѓеорѓијев вели дека и годинава имале план да набават ново возило, но поради енергетската и економската криза ќе почека за наредната година. Посочи дека во изминатите пет години извршена е санација на системот за парно греење, потоа обезбедена квалитетна храна за пациентите, набавка на нова апаратура за сите одделенија и навремено сервисирање на скапата опрема.

Прашан за високите сметки за електрична енергија, Ѓеорѓиев вели дека во текот на јануари им бил раскинат договорот со добавувачот, а во февруари добиле повисока сметка за пет пати споредено со февруари 2021 година. Новата сметка за февруари е четири милиони, а во февруари лани болницата за струја платила 700.000 денари.

-За среќа од 1 април можам да кажам дека веќе го завршивме тендерот и веќе сме кај нов добавувач за електрична енергија и се надевам дека веќе априлската сметка ќе биде во понормални граници. Сметам дека ќе имаме две повисоки сметки за струја и ќе успееме на некој начин да се справиме со проблемите кои ги прават високите сметки за струја, вели Ѓеорѓијев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Шокантен инцидент во Италија: Ученик избоде наставничка

Се обидел да го пренесува нападот во живо на социјалните мрежи.

Шокантен инцидент во Италија: Ученик избоде наставничка

Според неименувани извори, ученик во средно училиште во римската населба Ченточеле денес испрскал наставничка во лицето со спреј-бибер, а потоа ја избодел.

Наставничката добила итна медицинска помош. Иако нејзиниот живот не е во опасност, таа претрпела шок, наведуваат изворите, а пренесува агенцијата „ANSA“.

Напаѓачот, 13-годишно момче, се обидел да го пренесува нападот во живо преку својот мобилен телефон, користејќи ја апликацијата „Телеграм“.

Според изворите, друг ученик го спречил нападот.

Извор: Б92

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: „Шарен детски свет“ ќе го краси дворниот ѕид на градинката „Орце Николов“ во Карпош 4

Во детската градинка „Орце Николов“ во Карпош 4 започна изработката на муралот „Шарен детски свет“, со кој просторот наменет за најмладите ќе добие нов, креативен и весел изглед.

О. Карпош: „Шарен детски свет“ ќе го краси дворниот ѕид на градинката „Орце Николов“ во Карпош 4

Автор на муралот е уметникот Драган Китановски – Драш, кој преку својата уметност ќе го збогати просторот каде што секојдневно растат, играат и учат најмладите жители на Карпош.

Во реализацијата на иницијативата денеска се приклучи и градоначалникот на

Општина Карпош, Сотир Лукровски, кој на ѕидот ќе остави свој личен белег преку сопствена креација посветена на децата. Муралот има за цел да внесе повеќе боја, креативност и позитивна енергија во просторот на градинката, создавајќи пријатна и инспиративна средина за најмладите.

Општина Карпош продолжува со иницијативи за разубавување на јавните и детските простори, создавајќи средина во која децата растат со повеќе боја, креативност и радост.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

„Звуците на културата во Ѓорче 2026“ вечерва со богата програма за сите генерации

По досегашната програма исполнета со мјузикл, хип-хоп фестивал, театарска претстава, кино-проекции и содржини за најмладите, „Денови на Општина Ѓорче Петров 2026“ продолжуваат вечерва со нови настани во рамките на „Звуците на културата во Ѓорче 2026.

„Звуците на културата во Ѓорче 2026“ вечерва со богата програма за сите генерации

Програмата ќе се одвива на Корзото, кај амфитеатарот и во Реонскиот парк, со музика, улични изведби, балет, хорско пеење, базар и детски работилници за посетители од различни генерации.

Вечерва, на 18 септември, програмата на Корзото и кај амфитеатарот започнува во 18:00 часот со „Баскерфест“. Во 18:30 часот ќе настапи „Ребис“ – балетско студио, а во 19:00 часот хорот „Фрида“.

Во рамките на „На Базар“, посетителите ќе можат да разгледаат што нудат поставените штандови, додека за најмладите ќе бидат организирани детски работилници.

Музичката програма на „Октоберфест“ ќе се одржи во Реонскиот парк. Во 20:00 часот ќе настапат „Суперхикс“, во 21:30 часот „Пауза за ракија“, а вечерта ќе ја заокружи DJ Галоски, со настап од 23:00 часот.

Програмата продолжува и во сабота, на 19 септември, во Реонскиот парк. The Crew ќе настапат во 19:00 часот, по што во 21:00 часот следува концертот на „Ареа“. Во 22:30 часот ќе настапат „Куку Леле“, а програмата ќе ја затворат трубачите „Левис“, со почеток во 23:30 часот.

Преку различните културни и музички содржини, „Звуците на културата во Ѓорче 2026“ ја збогатуваат програмата на „Денови на Општина Ѓорче Петров 2026“ и создаваат простор за дружење и забава за сите генерации.

Настаните се во организација на Општина Ѓорче Петров.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер