Штипската болница ќе постави монтажна болница за бранот од септември - Канал 5

Здравје

Штипската болница ќе постави монтажна болница за бранот од септември

 Штипското Инфективно одделение од септември се проширува. Новата мотнажна болница, која до септември ќе се отвори ќе има капацитет за дополнителни 50 пациенти.

Штипската болница ќе постави монтажна болница за бранот од септември

Директорот на Клиничка болница-Штип, Ален Ѓеорѓијев на денешната прес-конференција истакна дека петте модули, од кои секој модул има капацитет за 10 кревети, ќе се сместат меѓу детското и инфективното одделение.

– Утринава имавме состанок со градоначалникот на Општина Штип, Благој Бочварски и стручни служби од општината за да се утврди локацијата, каде да се постави монтажната болница, со цел до неа да има инсталирано и водовод и канализација. Избрана е оваа, над детското одделение и на неколку метри од Инфективниот оддел, вели Ѓеорѓијев.

Тој истакна дека медицински кадар имаат и за оваа болница, во неа ќе бидат ангажирани кардиолзи, анестезиолози, интернисти, медицински сестри и друг помошен здравствен персонал од останатите одделенија. Во моментов на Инфективното одделение се хоспитализирани вкупно 54 пациенти, од кои најмладиот пациент има 24 години, а највозрасниот има над 80 и доаѓа од Домот за стари лица во Радовиш.

Прашан каде се лекуваат оние пациенти, кои немаат Ковид-19, но им треба лекарска помош од инфектолози, а имајќи предвид дека летниот период е време и на труење со храна, Ѓеорѓијев со одговор дека веќе таквите пациенти се примаат на кожниот оддел. Мој термин се уште не е ставен во функција за пациентите во штипската Клиничка болница.

Ѓеорѓијев забележа дека доколку деновиве имаат наплив на поголем број на пациенти на Инфективното одделение во тој случај ќе се хоспитализираат во други болници, инаку засега бројката се одржува стандрадно, со тоа што одредени пациенти чекаат и контролни тестови, а шестмина пациенти се со потешка клиничка слика и се на повремена кислородна поддршка.

Потенцираше дека досега ниту еден пациент на Инфективното одделение не е ставен на респиратор, ниту пак од почетокот на пандемијата имаат вклучено некоја од овие машини, кои им се на располагање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секторот за компјутерски криминал повика 13 лица поради ширење на лажни информации за водата во Скопје

 Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице.

Секторот за компјутерски криминал повика 13 лица поради ширење на лажни информации за водата во Скопје

Министерството за внатрешни работи ја информира јавноста дека Секторот за компјутерски криминал и дигитална форензика при МВР, во врска со ширењето на лажните информации на социјалните мрежи за наводно загадување на водата за пиење во Скопје, до сега повика 13 лица на информативен разговор.

Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице. Притоа, никој од нив не посочил конкретен, потврден или веродостоен извор кој би ги поткрепил тврдењата за загадување на водата.

Секторот за компјутерски криминал и дигитална форензика ќе продолжи со прибирање и анализа на податоци со цел да се потврдат сите околности поврзани со настанот, како и начинот на кој информациите се појавиле и понатаму се ширеле во интернет просторот.

Министерството за внатрешни работи укажува дека ширењето на непроверени и неточни информации, особено кога станува збор за прашања што се однесуваат на здравјето и безбедноста на граѓаните, може да предизвика неоправдана паника и вознемиреност во јавноста.

Апелираме до граѓаните да не споделуваат информации чија точност не е проверена и да се информираат исклучиво од официјални и релевантни извори. Одговорното користење на социјалните мрежи и проверката на информациите пред нивно објавување или споделување се од суштинско значење за спречување на дезинформации и заштита на јавниот интерес.

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и предлага на Русија прекин на нападите врз цивилни цели во Црното Море

Украина испрати понуда од трета страна до Русија за двете страни да престанат да напаѓаат цивилни цели во Црното Море, изјави за Ројтерс извор запознаен со ситуацијата.

Украина и предлага на Русија прекин на нападите врз цивилни цели во Црното Море

Украина сè уште не добила одговор на својата понуда, додаде изворот.

Во последните недели, двете страни изјавија дека меѓусебните напади врз пратките со жито и инфраструктурата во виталниот воден пат би можеле значително да влијаат на светските цени на храната оваа година.

Извор: Индекс.хр

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер