Со доделувањето на наградите Камера 300 во сите селекции вечерва свечено ќе биде затворено 47. ИФФК „Браќа Манаки“, а дебитантското остварување на режисерот Срѓан Јаниќијевиќ ќе ја има својата македонска премиера на затворањето на фестивалот вечерва во Битола.

„Нема да ви се верува што се случи претходно“ е политички трилер со елементи на црна комедија, во чиј фокус се борбата за вистината, слободата на новинарството и обидот да се зачуваат личниот и професионалниот интегритет во општество во кое политиката, криминалот и медиумите се длабоко испреплетени.

Сместен во корумпиран режим каде што се појавува компромитирачко видео за автократ, филмот следи двајца новинари во движење - бркани од сенките и од времето. Приказната се одвива без ред, при што времето се искривува повеќе од притисок отколку од стил -каде што вистината е морално двосмислена, а правдата е главно прашање на тајминг. Во свет, во кој, секој има тајни за криење, поседувањето на туѓата тајна претставува нова валута, со која, може да се тргува и обезбеди нечија пропаст. Меѓутоа, во играта со оган, ретко кој останува неизгорен.

Идејата за филмот е на Срѓан Јаниќијевиќ, а сценариото го потпишуваат Сашо Кокаланов и Дејан Дуковски. Главните улоги ги толкуваат Никола Ристановски и Дарја Ризова, а во актерската екипа се и Сашко Коцев, Сара Сандева и Оливер Митковски.

Директор на фотографија е Дејан Димески, монтажер е Mартин Иванов, композитор и автор на музиката е Игор Василев Новоградска, дизајнер на продукција Иван Бартлинг, костимограф Лидија Георгиева, дизајнер на филмска шминка Снежана Ангеловска Живковска, а дизајнер на звук е Дарко Спасовски.

Филмот е финансиран од Агенцијата за филм на Република Северна Македонија. Извршен продуцент е Сашо Пешев, а реализиран е во продукција на „Ново македонско видео“ и „Њу момент“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ДОМ отвора европска дебата за правила што ќе ги стават јавниот интерес, енергетската и водната сигурност во центарот на развојот на дата-центрите. По иницијатива на нашата партија, предлог-резолуцијата за регулиран развој на дата-центрите и заштита на енергијата, водните ресурси и локалните заедници е прифатена со силна поддршка од сестринските зелени партии и ќе биде ставена на гласање на претстојниот Конгрес на Европската зелена партија во Варшава.

Македонија е конкретен пример за потребата од ваква рамка. Со законските измени усвоени годинава зад затворени врати се олеснува развојот на дата-центрите и придружната енергетска инфраструктура, со поедноставен режим на урбанистичко планирање за овие објекти. Во меѓувреме, Владата најави Национален дата-центар и потврди дека разговара со шест компании за неговото финансирање, но условите и критериумите за овие инвестиции остануваат затворени за јавноста. Покрај најавениот Национален дата-центар, во земјата се отвора простор и за развој на комерцијални дата-центри, како што покажа неодамна и случајот во Пехчево, додека преговорите и одлуките се водат зад затворени врати, без транспарентност и без вклучување на стручната јавност и локалната заедница.

Предлогот на ДОМ доаѓа во време кога Европа забрзано го зголемува капацитетот на дата-центрите, а во Европскиот парламент се води интензивна дебата за развојот на оваа инфраструктура, особено со растот на вештачката интелигенција. До 2030 година потрошувачката на електрична енергија на дата-центрите во ЕУ се очекува да достигне 114 TWh, односно околу 3,2% од вкупната потрошувачка. Во септември Европската комисија предложи заедничка шема за оценување и започна консултација за минимални стандарди, кои во моментов не се обврзувачки.

Затоа, ДОМ во резолуцијата повикува на јасни, прецизни и обврзувачки европски критериуми за енергијата, водата и електроенергетската мрежа со мерливи показатели, транспарентни податоци и вклученост на локалните заедници. ДОМ бара ваквата европска рамка да биде применлива и во земјите кандидати, вклучително и Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Двајцата лидери разговарале за трговијата, технологијата, вештачката интелигенција и стратешкото ривалство меѓу двете најголеми светски економии.

Трамп на свечената вечера во Белата куќа оцени дека, и покрај различните политички системи, врските меѓу американскиот и кинескиот народ остануваат силни. Си порача дека двете големи сили треба одговорно да управуваат со разликите и да бараат простор за стабилни односи и соработка.

Trump winces during loud military flyover as Xi shows no reaction https://t.co/NbO2IG8BEC

— Molly Ploofkins (@Mollyploofkins) September 23, 2026

На вечерата, Си повика и на „нов пристап“ за Кина и САД да дејствуваат како одговорни глобални сили во светот што се менува.

Трамп му подари на Си статуа на белоглав орел и рече дека „никогаш не се сложувале подобро“.Си, пак, рече дека се надева оти „кинеските компании ќе бидат третирани праведно“.

Xi: Now, I would like to propose a toast to the health of President and Mrs. Trump… cheers. https://t.co/NPrdm878rW

— Acyn (@Acyn) September 25, 2026

Свечената вечера беше организирана во чест на кинескиот претседател и неговата сопруга Пенг Лијуан. Посетата на Си на САД трае од 23 до 25 септември и претставува негова прва посета на Белата куќа по повеќе од една деценија.

Во фокусот на разговорите се и прашањата поврзани со глобалната безбедност и меѓународните конфликти.посетата завршува денеска, а вниманието е насочено кон тоа дали подобрената политичка комуникација ќе донесе и конкретни договори меѓу Вашингтон и Пекинг.

🚨 HAPPENING NOW: President Trump decided to bring Xi Jinping out to the new HELIPAD and show him the inside of Marine One 47 is so freaking proud of that helipad 😆 It's INCREDIBLE to see how much better Xi's relationship is with Trump than it was with Obama https://t.co/qF9oXuKMfx

— Nick Sortor (@nicksortor) September 24, 2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.