Регион

Шпионска афера ја тресе Грција: Го прислушувале лидерот на опозициската ПАСОК

Конзервативниот премиер на Грција Киријакос Мицотакис изјави дека прислушувањето на лидерот на левичарската опозиција е политички неприфатлива грешка, скандал што ја потресе неговата влада.

Две оставки, вклучувајќи ја и онаа на директорот на државната разузнавачка служба (ЕЈП), во петокот ѝ нанесоа тежок удар на неговата влада, откако беше откриено дека тие служби го следеле мобилниот телефон на Никос Андролакис, европратеник и претседател на третата најголемата партија ПАСОК-КИНАЛ (социјалисти) во парламентот.

Овие две оставки се случија десет дена откако Никос Андрулакис (социјалист) го критикуваше обидот за следење на неговиот мобилен телефон преку нелегалната програма Предатор.

Постапката на EYP за следење на мобилниот телефон на Андрулакис е легална бидејќи е официјално одобрена, но е погрешна, призна премиерот во телевизиско обраќање.

„Не бев свесен за тоа“, рече тој, нарекувајќи го однесувањето на EYP политички неприфатливо и критикувајќи ги ендемските слабости во службата.

EYP е под одговорност на Кирјакос Мицотакис од неговиот избор во јули 2019 година, една од првите реформи што неговата влада почна да ги спроведува.

„Пред неколку дена бев информиран дека во септември 2021 година, кога Никос Андрулакис веќе беше европски претставник, државната разузнавачка служба почна легално да го следи неговиот мобилен телефон“, рече тој.

Тој посочи дека ова следење „траело три месеци и завршило автоматски, како што е предвидено со закон“, неколку дена по изборот на Андрулакис за претседател на ПАСОК-КИНАЛ во декември 2021 година. Мицотакис најавил и серија реформи во разузнавачката служба.

Свет

САД ставија вето на барањето на Палестинците за полноправно членство во Обединетите нации

Соединетите Американски Држави ставија вето на нацрт-резолуцијата на Советот за безбедност на ОН за „државата Палестина да биде прифатена како членка на Обединетите нации“.

Нацрт-резолуцијата претставена од Алжир, која „препорачува на Генералното собрание државата Палестина да биде примена во членството на ОН“, доби 12 гласа „за“, еден против и два воздржани.

За прием на една земја во ОН, мора прво да добие позитивна препорака од Советот за безбедност (најмалку девет од 15 гласови за него, и без вето од која било постојана членка), а потоа да биде одобрена од Генералното собрание на ОН со двотретинско мнозинство.

Во септември 2011 година, претседателот на палестинската управа, Махмуд Абас, ја покрена процедурата, барајќи „пристапување на државата Палестина во ОН“, но оттогаш постапката не е завршена. И тогаш САД ставија вето.

Во ноември 2012 година, палестинската самоуправа доби статус на „држава набљудувач која не е членка“ на ОН.

Палестинците го ажурираа своето барање за членство во ОН со писмо до Советот за безбедност на ОН на почетокот на април, укажувајќи на израелската офанзива во Газа. /МИА

Култура

Премиера на претставата „Хенгинг Араунд“ во МНТ

Во Македонскиот народен театар  вечер од 20 часот премиерно ќе биде изведена  претставата „Хенгинг Араунд“ по текст на Љупчо Јованов, во режија и адаптација на Бојан Трифуновски.

МНТ соопшти дека дејството во претставата се случува во светот на бајките, а местото и времето се ирелевантни. Главните ликови во приказната 0 (Хенгинг) и 1 (Араунд) се изгубени во светот на бајките и не се знае како влегле во овој свет, но главна цел им е да се вратат во реалноста, во нивните топли огништа.

-Можеби се Дисмас и Гестас, но пред да ги распнат, можеби некако им избегале на Римјаните и продолжиле да го живеат својот динамичен живот, овојпат празен и лишен од средба со Спасителот. Можеби патем решиле да се смират, да создадат семејство со единствена цел, да умрат во длабока старост почитувани од пријателите и сакани и жалени од најблиските. Дали нивниот карактер, судбина, ги натерала повторно да си ја пробаат среќата и да започнат нова авантура, да влезат во нова приказна..., наведува Македонскиот народен театар.

Во претставата играат Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софиа Насевска-Трифуновска и Нела Павловска.

Култура

Велигденски концерт на „Танец“

Ансамблот „Танец“ вечер во Националната опера и балет ќе го одржи велигденскиот концерт „Велигден е, Ѓурѓовден е“.

Изведени ќе бидат видеоприказните „Ѓурѓе ле, Ѓурѓе, млад Ѓурѓе, да кој ти рече да дојдеш? Мене ми рече Велигден“, „Брале се, брале сватови“, „Велигден, море Велигден, в година пак да ни дојдиш“ и „Да исчистиме гревовите, да испадиме духовите“ и кореографските постановки „Ѓурѓовденка“, „Мариовска тресеница“ и „Свадба“.

„Танец“ премиерно ќе ја изведе и најнова кореографска постановка „У ливаду“ од 2023 година.

Во рамки на програмата ќе бидат емитувани тематски видеоинтермеца, за чија изработка се користени материјали од архивите на МРТ, Институтот за фолклор „Марко Цепенков“ – Скопје, Музеј на Македонија и Кинотека на РМ.

притисни ентер