Свет

Шпанската министерка за одбрана го нападна Трамп: Воена ескалација би можела да значи крај на НАТО

Шпанската министерка за одбрана Маргарита Роблес денеска изјави дека најавите на претседателот на Соединетите Американски Држави Доналд Трамп во врска со Гренланд.

Шпанската министерка за одбрана Маргарита Роблес денеска изјави дека најавите на претседателот на Соединетите Американски Држави Доналд Трамп во врска со Гренланд претставуваат опасна тенденција за поткопување на меѓународниот правен поредок и основните принципи на НАТО.

Во интервју за шпанската телевизија, Роблес предупреди дека доведувањето во прашање на суверенитетот на Гренланд, како и секое кршење на меѓународното право и основачките принципи на НАТО, е неприфатливо.

„Каков морален авторитет ќе имаме да го осудиме (рускиот претседател Владимир) Путин? Трамп сака да го преземе суверенитетот на Гренланд, кршејќи ги сите норми на меѓународното право и принципите на Алијансата. Ова е сериозна закана за меѓународниот правен поредок. Ова веќе се случило во други случаи и се случува сега“, рече Роблес.

Како што изјави, почитувањето на суверенитетот и меѓународните норми се основа на Алијансата, објавува 20 минути.

Роблес нагласи дека Шпанија е „одговорен и посветен сојузник“ на НАТО и нагласи дека Данска, како земја на која ѝ припаѓа Гренланд, треба да игра клучна улога во решавањето на ситуацијата, со приоритетно користење на дипломатските канали.

„Данска е таа што мора да повлече линија. Воената ескалација може да значи крај на Атлантската алијанса“, предупреди таа.

Роблес, исто така, ги отфрли тврдењата на Трамп за улогата на силите на НАТО во Авганистан, опишувајќи ги како неприфатливи, потсетувајќи дека повеќе од 100 шпански војници ги загубија животите за време на мисијата.

Зборувајќи за барањето на САД сојузниците да ги зголемат воените трошоци на пет проценти од БДП, Роблес изјави дека Шпанија ја достигнала целта од два проценти оваа година и ги исполнува своите обврски преку испраќање војници и опрема, како и преку инвестиции во вооружените сили и домашната воена индустрија.

Според неа, на американскиот претседател „не му се доволно информации“.

„Ако не сака да разговара со Шпанија, треба да разговара со лидерите на земјите каде што се стационирани шпански војници“, рече таа.

Во врска со војната во Украина, Роблес посочи на тешката ситуација за цивилното население, со екстремни температури и континуирани напади, и рече дека Шпанија „мора да продолжи да го поддржува Киев“.

Таа нагласи дека меѓународните мисии на Шпанија имаат за цел зачувување на мирот.

Тагови: Доналд Трамп НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Лансирањето на ракетата „Артемис II“ предизвика пореметување во атмосферата на Земјата, тврдат научниците

Научниците од Националниот универзитет Ченг Кунг во Тајван тврдат дека лансирањето на ракетата „Артемис II“ предизвикало огромни нарушувања во атмосферата на Земјата што можеле да го нарушат GPS и другите комуникации.

Тие велат дека мисијата „Артемис II“, која беше лансирана на 1 април 2026 година, за деветдневно патување околу Месечината, создала дупки во атмосферата на Земјата и предизвикала модулации на шок-акустични и гравитациски бранови, објави списанието „Скај ат Најт“.

„Горењето што го покачува апогејот предизвикало шок бранови и невидено големи нарушувања што се прошириле на 50 степени географска должина низ Северна Америка“, рекоа авторите на студијата.

Тие додадоа дека ова е прв пат една вселенска мисија да произведе три случаи на јоносферски нарушувања над истиот регион за време на последователни орбитални маневри. Фотографија: Танјуг/АП Фото/Крис О'Мира

Иако утврдиле дека самиот настан на лансирање на „Артемис II“ не предизвикал широко распространети прекини на GPS, тие забележале промени во јоносферата што потенцијално би можеле да предизвикаат проблеми за време на идните лансирања на ракети.

„Ваквите пречки би можеле да ги нарушат комуникациите на Земјата, на пример, со попречување на радио сигналите. Исто така, лансирањата на ракети би можеле да влијаат на други технологии на Земјата кои се потпираат на GPS за позиционирање, како што се автомобилите без возач и беспилотните летала“, се вели во студијата.

„Артемис II“ патуваше подалеку од Месечината од која било претходна мисија, користејќи ја гравитационата сила на Месечината за да се катапултира околу неа и да го започне своето враќање кон Земјата.

Ова беше првата мисија со екипаж на Месечината од програмата Аполо и беше клучна пресвртница во плановите на НАСА за воспоставување трајно човечко присуство на површината на Месечината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Во организација на грчката амбасада: Музички спој и традиција од целиот Медитеран пред полна сала во Скопје

Филхармонијата беше домаќин на музички спектакуларчен концерт насловен „Мозаико Медитерано“ на грчката лирска сопранистка Марија Костраки и ансамблот предводен од виолинистот Андонис Сусамоглу.

Настанот во организација на Амбасадата на Грција понуди уникатен спој на медитерански музички традиции, со посебен фокус на творбите на познатиот композитор Манос Хаѕидакис.

Пред полната голема сала и покрај големиот интерес, концертот помина во преубава атмосфера, воодушевувајќи ја публиката која уживаше во врвните изведби...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски се закани: Одговорот на Украина ќе создаде мотивација за мировните преговори

Украинскиот претседател Володимир Зеленски синоќа изјави дека, како одговор на руските напади врз енергетските објекти, Украина ги продолжува операциите против руската нафтена индустрија .

Украинскиот претседател Володимир Зеленски синоќа изјави дека, како одговор на руските напади врз енергетските објекти, Украина ги продолжува операциите против руската нафтена индустрија и дека понатамошните одговори, односно целите за напади со долг дострел, веќе се утврдени.

„Благодарен сум на секоја единица за нивната прецизност и на сите наши одбранбени и безбедносни сили на Украина за систематската природа на украинските напади со долг дострел. Операцијата против руската индустрија за рафинирање на нафта продолжува, како одговор на руските напади врз украинските енергетски објекти“, рече Зеленски во објава на Телеграм, пренесува Укринформ.

Зеленски додаде дека електраните, енергетските мрежи, снабдувањето со топлина, снабдувањето со вода и цивилната логистика на територијата на Украина се под постојани напади од руски беспилотни летала и ракети „Шахид“, и дека Русија не ја менува природата на своите агресивни активности и дека ги напуштила чекорите за деескалација за кои зборуваа партнерите и дека планира понатамошни напади.

Тој рече дека искуството од хуманитарната операција во градот Олешки, кој е под руска контрола, во југоисточна Украина, каде што кон крајот на октомври беше воспоставено локално примирје за неколку дена за хуманитарни активности, покажува дека ако рускиот претседател Владимир Путин одлучи да ја запре војната, може да дојде до смирување.

„Украина не треба да биде убедена дека е потребен мир што е можно поскоро. Ние го сакаме тоа. Русија треба да одлучи дека времето за војна е завршено. Нашите напади со долг дострел, нашите напади со среден дострел, како и целиот притисок од партнерите врз Русија поради оваа војна, тоа е она што создава мотивација за вистински преговори“, нагласи Зеленски.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.