Шпанска вечер на „Охридско лето“ со харфистот Гзавије Де Местр и Луцеро Тена на кастањети - Канал 5

Култура

Шпанска вечер на „Охридско лето“ со харфистот Гзавије Де Местр и Луцеро Тена на кастањети

Во рамки на Шпанската вечер на „Охридско лето“ вљубениците во класичната музике вечерва ќе можат да го проследат концертот на францускиот харфист Гзавије Де Местр и Луцеро Тена на кастањети.

Шпанска вечер на „Охридско лето“ со харфистот Гзавије Де Местр и Луцеро Тена на кастањети

Гзавије де Местр е еден од водечките харфисти на денешницата и исклучително надарен и креативен музичар. Како виртуоз на харфата придонесува кон збогатување на репертоарот за овој инструмент, нарачувајќи нови дела од современите композитори, но и создавајќи транскрипции за харфа од веќе постоечкиот инструментален репертоар. Редовно настапува со водечките оркестри во светот како симфониските оркестри во Чикаго, Монтреал, Бирмингем, оркестрите на Шведското и Финското радио, оркестрите во Лос Анџелес, Лондон, Санкт Петербург, Осло, Париз, Цирих, како и оркестри во Кина, Сао Паоло и Салцбург, работејќи со диригенти како Сер Андре Превин, Сер Сајмон Ратл, Рикардо Мути, Даниеле Гати, Филип Жордан, Бертранд де Били, Андрес Орзоко Естрада, Даниел Хардинг, Сузана Малки ...

Како рецитален уметник гостува на најреномираните светски фестивали, а како камерен музичар соработува со етаблирани уметници како тенорот Роландо Вилазон, легендата на кастањети Лусеро Тера, Дајана Дамрау, Арабела Стајнбахер, Даниел Милер Шот, Баиба Скриде, Мојца Ердман и др.

Од 2008 година Де Местр снима ексклузивно за „Сони мјузик“ и неговиот прв албум е посветен на музиката на Клод Дебиси. Потоа следат „Омажот на Хајдн“ (2009), „Арањез“ (2010), „Ноќи во Венеција“ (2012), „ В`лтава“ (2015), како и соработката со „Лес Артс Флорисантс“ и Вилјам Кристи (2016). Во 2017 година снима албум со Лусеро Тена насловен „Шпанска серенада“, а потоа овие уметници заминуваат на светска турнеја промовирајќи ја музиката од албумот. Во 2020 година снима заедно со тенорот Роландо Вилазон, а неговиот последен албум ги вклучува Концертот за харфа и оркестар од Рајнхолд Глиер, како и заборавениот концерт за харфа од Александар Мосолов заедно со Симфонискиот оркестар на ВДР Келн под диригентство на Натали Штуцман. Од 2001 година предава на Високата школа за музика во Хамбург, а свири на харфа изработена од Лајон и Хили.

Лусеро Тена е пионерка на концептот „солистка на кастањети“, препознатлива по нејзиниот специфичен стил на интерпретација, од италијанскиот печат наречена „Пaганини на кастањетите“.

Таа концертно настапува на сите пет континенти под диригентските палки на Лорин Мазел, Мстислав Ростропович, Рафаел Фрубек де Бургос, Хесус Лопес Кобос и многу други, а настапува и со престижните светски оркестри. Нејзините неодамнешни ангажмани ја вклучуваат операта во Хановер, фестивалите во Нант, Токио и Варшава, концерти под диригентство на Пласидо Доминго во Филхармонијата во Берлин и Миланската „Ла Скала“ во 2017 година, како и настапи со сите значајни оркестри во Шпанија.

Во 2017 година заедно со Гзавије де Местре го издава ЦД-то „Шпанска серенада“ и истото го промовираат на турнеја низ светот. Во 2018 година настапува на „Холивуд Боул“ со Пласидо Доминго, на фестивалите МИТО и во Равена во Италија заедно со Гзавије де Местре и дебитира во „Филхармонијата“ во Париз. Ангажманите кои ја очекуваат се рецитали со Гзавије де Местре во Германија, Франција, Кина и Јапонија, како и на фестивалот „Шлезвиг-Холштајн“, настапи на шпанските летни фестивали, како и солистички настапи во шпанските театри и оперски куќи.

Концертот ќе се одржи во црквата „Света Софија“ од 21 часот.

Тагови: Охридско лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тигрицата Умит се врати во дивината, нова надеж за загрозен вид (ВИДЕО)

Тигар е пуштен во дивината. Само по себе, ова можеби не би била толку возбудлива вест ако не беше фактот дека станува збор за женка од загрозениот Амурски тигар која е вратена во дивината на Казахстан.

Тигрицата Умит се врати во дивината, нова надеж за загрозен вид (ВИДЕО)

Животното, по име Умит (Надеж), е пуштено во природниот резерват Иле-Балхаш во регионот Алмати, каде што луѓето целосно ги истребија овие прекрасни предатори пред неколку децении. Резерватот е основан со една цел - да стане дом за овие големи животни.

Уникатниот проект за враќање на тигрите во нивното историско живеалиште го води Министерството за екологија на Казахстан во соработка со рускиот Центар за Амурски тигри.

Тигрицата Умит е втората женка што пристигна во областа. Првата беше пуштена пред две години откако пристигна од Холандија. Таа пристигна во резерватот со мажјак, а парот е сè уште во голем ограден простор и сè уште не е целосно слободен во природа.

Умит, сепак, е поинаква приказна. Таа пристигна од територијата Хабаровск на рускиот Далечен Исток. Таа беше придружувана од мажјак по име Амур, како и две младенчиња - Туран и Усури. Сите тие се дел од популацијата на амурски тигри од Русија и беа веднаш ослободени.

Амурскиот тигар, познат и како сибирски тигар, е најголемиот предатор мачка во светот. Возрасните мажјаци можат да тежат повеќе од 300 килограми и да достигнат должина од речиси три метри. Овој исклучително издржлив предатор може да преживее температури и до минус 40 степени Целзиусови благодарение на густото крзно и дебелиот слој маснотии на стомакот.

Во текот на изминатиот век, луѓето речиси целосно го истребија овој вид во дивината поради ловокрадство и уништување на шумите. Затоа, секој нов тигар пуштен во дивината е голем чекор кон опстанокот на едно од најзагрозените животни на планетата.

Целта на еден голем проект во Казахстан е да се создаде самоодржлива популација од 100 до 120 тигри во текот на следната деценија.

Извор: Б92

Тагови: тигар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политички превирања во Унгарија: Тиса бара итен избор на нов претседател

Парламентарната група Тиса поднесе иницијатива Унгарскиот парламент да избере нов претседател на Републиката на вонредна седница на 11 август, во согласност со уставните рокови.

Политички превирања во Унгарија: Тиса бара итен избор на нов претседател

Парламентарната група Тиса денес поднесе иницијатива Унгарското национално собрание да избере нов претседател на Републиката на вонредна седница во вторник, 11 август.

Предлогот предвидува изборот на шеф на државата да биде вклучен како додаток на дневниот ред на вонредната седница на парламентот, закажана за 10 и 11 август, објави унгарскиот портал Индекс.

Според образложението на иницијативата, новиот претседател на Републиката треба да биде избран во вторник, 11 август, односно во рокот пропишан со унгарскиот Устав. Иницијативата ја поднесе шефицата на пратеничката група Тиса, Андреа Ана Бујдосо, а покрај лидерот на партијата, Петер Маѓар, ја потпишаа уште 42 пратеници.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Скандал во Хрватска: Запалено српско знаме (ВИДЕО)

На хрватскиот портал Индекс се појави видео клип, доставен од читатели, на кој се гледа група млади мажи како палат српско знаме во пресрет на прославата на операцијата „Олуја“.

Скандал во Хрватска: Запалено српско знаме (ВИДЕО)

Според Индекс, во пресрет на годишнината од таа акција во Хрватска, две лица се искачиле на надвозник во близина на Оточац и запалиле српско знаме.

На видеото се прикажани две лица облечени во црно, со покриени глави. Тие се искачиле на оградата на надвозникот, поставиле српско знаме, а потоа го запалиле.

До нив е закачен транспарент на кој пишува: „Фала им за сè, ние сме слободни луѓе, Олуја '95“.

Тагови: Олуја Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер