Во живо

последно ажурирање пред 3 месеци

Фудбал

Шпанија е нов светски фудбалски шампион, бранителот на тронот Аргентина победена со 1-0

По вторпат во историјата, шпанските фудбалери ја освоија титулата светски шампион.

пред 3 месеци00:38

Претседателот на САД Доналд Трамп во друштво на првиот човек на ФИФА Џани Инфатнино на новите светски шампиони Шпанците им го врачи најдрагоцениот пехар во фудбалот оној наменет за освојувачот на тронот.

Шпанецот Кубарси е најдобриот млад фудбалер на Мундијалот. Неговиот соигрч на голот Унаи Симон очекувано е најдобриот голман на првенството. Најдобар фудбалер на 23 Мундијал е капитенот на Шпанија, Родри.

пред 3 месеци00:27

Шпанија со вечерашната победа влезе во друштвото на Франција и Уругвај селекции кои во историјата на Мундијалите имаат освоено по две светски титули.

Аргентина останува на три титули, за Аргентиците ова е четврто загубено финале на Шампионатите.

пред 3 месеци00:18

Аргентинците го завршија натпреварот без ниту еден удар рамките од голот на Унаи Симон.

Гаучосите патија само два удара, од кои првиот беше дури во 116-тата минута од натпреварот, а вториот во последните секунди од надополнувањето на второт продолжение.

пред 3 месеци00:11

Светската фудбалска федерација ФИФА на Шпанија веќе и ја честиташе новата титула.

пред 3 месеци00:07

Шпанија по големото финале во Њу Џерси како и во 2010 година ги обедини евопската и светската круна.

По повеќе од два часа вистински спектакл и вистинска американска спортска манифестација на преполниот стадион Метлајф во Њу Џерси со настапи на светски фудбалски ѕвезди како Мадона, Шакира, Џастин Бибер ... светот го доби новиот фудбалски светски шампион .

пред 3 месеци00:02

Светот има нов фудбалски владетел, Шпанија е освојувач на победничкиот пехар од 23 Светско првенство кое скоро 40 дена се играше во САд, Канада и Мексико. Во големото финале црвената форуја го победи бранителот на тронот Аргентина дури по продолженија со 1-0.

Шпанците по пауза од 16 години и Мундијалот во Јужна Африка во своето второ големо финале се искачи на фудбалскиот трон на Светот, и по втор пат во историјата стигна до светска круна.

Меси не успеа да го повтори успехот на Пеле и Бразил и да ја одведе својата Аргентина до одбрана на титулата светски шампион. Во премиерното мундиалско финале меѓу шампионите на Европа и Аргентина сосема заслужено Шпанија ја освои втората тутла бидејќи целиот турнир избраниците на Де ла Фуенти одиграа скоро без грешка и имаа импозантна статистика од 14 постигнати и само еден примен гол.

Голот вреден титула за Шпанија е дело на Феран Торес постигнат во 106 мунута по одличната повретна топка со глава на Нико Вилијамс .

пред 3 месеци23:45

Во првата минута од второто продолжение скршен е бедемот на Аргентина. Феран Торес одлично реагираше на додавањето на Нико Вилијамс Шпанија води против Аргентина со 1-0 со гол во 106 минута.

пред 3 месеци23:42

Мируваат мрежите и по првите 15 минути продолженија на финалето во Њу Џерси.

Најголемата шанса за гол во продолженијата ја имаше Шпанецот Мерино кој биеше со глава но неговиот удар заврши крај стативана од голот.

Инаку ова е петтото од последните 6 мундијалски финалиња во кое победникот се решава по продолженија или пенали.

пред 3 месеци23:29

6 минута од првото продолженија гол на младиот Шпанец, Нико Вилијамс, Словенецот Винчиќ свири фаул над голманот на Аргентина Мартинез, голот е поништен нема реакција ниту од ВАР собата иако има материјал за тоа.

пред 3 месеци23:24

Шпанската фудбалска репрезентација е новиот светски шампион.

Големото финале на 23 Светско фудбалско првенство меѓу Аргентина и Шпанија замина во продолженија по регуларните 90 минути без голови.

Одбранбениот бедем на актуелниот светски шампион Аргенитна ги издржа сите напади на најдобриот европски тим Шпанија.

Фудбалерите на црвената фуија во регуларите 90 минути ја имаа конролата и поседнот на играта но не успеаја да го совладаат вечерва одличниот Мартинез на голот на Аргентина.

Шпанските фудбалери упатија дури 15 шутеви кон голот на противникот но ниту еден не заврши во мрежата на Мартинез.

Бранителот на тронот ниту еднаш не го загрози голот на Симон.

Во продолженијата гаучосите по заслуженото исклучување на Енцо Ферандез играат со човек помалку.

Ова инаку првото мундијалско финале во кое играат актуените континетални шампиони на Европа и Јужна Америка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ева Лонгорија укажува на проблем со кој се соочуваат милиони жени

По повод Денот на еднакви плати за жените од латиноамериканско потекло, кој се одбележува на 8 октомври, актерката и режисерка Ева Лонгорија преку социјалните мрежи го сврте вниманието кон јазот во платите во САД.

Во својата објава, таа истакна дека жените од латиноамериканско потекло во просек заработуваат само 53 центи за секој долар што го заработуваат белите мажи кои не се од латиноамериканско потекло.

Жените имигранти се соочуваат со уште полоша ситуација

Лонгорија објасни дека оваа бројка се однесува на сите вработени жени од латиноамериканско потекло, вклучително и на оние што работат сезонски или со скратено работно време. Покрај објавата, таа сподели и своја фотографија на која носи бела маица со слоган за зајакнување на жените, како и неколку инфографици што го илустрираат јазот во заработката.

View this post on Instagram

A post shared by Eva Longoria Baston (@evalongoria)

Според еден од инфографиците, жените имигранти се во уште понеповолна положба, бидејќи заработуваат само 43 центи за секој долар што го заработуваат мажите земени за статистичка споредба. Лонгорија исто така објави фотографија од група жени кои протестираат за своите права и држат транспаренти.

Тагови: Ева Лонгорија

Шоу биз

Ријана откри дека во „сефот“ чува купишта нова музика, дури 170 необјавени песни

Се чини дека Ријана цело време чувала голем дел од својата музика за себе.

38-годишната пејачка откри за време на преносот во живо на TikTok за нејзиниот бренд Fenty Beauty на 7 октомври дека има околу 170 необјавени песни, објави Пипл. Ова им даде на обожавателите увид во тоа колку музика собрала за време на нејзината долга пауза од објавување на целосен албум.

Зборувајќи за нејзината необјавена работа, Ријана рече:

„Ако има 10 производи во сеф, тогаш имам најмалку 17 сефови.“

Откритието доаѓа додека обожавателите продолжуваат со нетрпение да го очекуваат нејзиниот деветти студиски албум, кој треба да го наследи ANTI од 2016 година. Долгата пауза на Ријана од сцената е една од најгледаните и најочекуваните во историјата на поп музиката. Нејзиниот последен студиски албум донесе хитови како Work, Needed Me и Love on the Brain.

Сепак, пејачката јасно стави до знаење дека не ја оставила целосно музиката зад себе. Во август, нејзиниот партнер, раперот A$AP Rocky (38), потврди за време на гостувањето во „Шоуто на Џејсон Ли“ дека Ријана се вратила во студиото и работи на нов материјал. Кога го прашале дали е виновен за нејзината долга пауза, раперот одговорил:

„Никако. Таа е во студиото во моментов. Да, го кажав тоа. Извини, бејби.“

Потоа додаде:

„Човече, таа работи. Готви нешто, не се шегувам. Човече, ова ќе ме доведе во неволја.“

Ријана претходно зборуваше за плановите за нејзиниот деветти албум. Минатата година, таа за Harper’s Bazaar изјави дека конечно го „открила кодот“ за музичката насока на целиот проект. Таа рече:

„Ова време поминато подалеку од музиката мора да има влијание врз она што сите ќе го слушнат следно. Мора да вреди. Мора да биде важно. Морам да им покажам дека вредеше да се чека. Не можам само да издадам нешто просечно.“

Таа, исто така, наговести дека звукот на албумот нема да биде она што публиката го очекува:

„Нема да биде ништо што некој го очекува. И нема да биде комерцијален или радио-пријателски. Ќе биде токму таму каде што мојата уметност заслужува да биде токму сега.“

Во годините по ANTI, Ријана беше посветена на градење на својата модна и козметичка империја преку нејзините брендови Fenty Beauty и Savage X Fenty. Таа триумфално се врати на сцената во 2023 година со настап на полувремето на Super Bowl LVII, каде што изведе голем број од своите најголеми хитови, а исто така откри дека е бремена со своето второ дете.

Ријана и Асап Роки го добија својот прв син, RZA, во 2022 година, по што следеше нивниот син Рајот во 2023 година, а нивната ќерка Роки се роди во 2025 година.

Тагови: Ријана

Технологија

Безос: „Можеме да стигнеме до Месечината за три дена“

Во Вашингтон се кројат големи планови – САД имаат намера не само да се вратат на Месечината, туку овој пат и да останат таму.

Сопственикот на „Амазон“, Џеф Безос, кој е и основач на компанијата за вселенски летови „Блу Ориџин“, неодамна зборуваше за американските медиуми за патувањата до Месечината.

„Овој пат одиме на Месечината за да останеме“, изјави Безос, додавајќи дека тоа нема да биде „само уште една мисија од која се враќате дома“.

„Ќе изградиме вистинска, одржлива база од која ќе можеме да ја истражуваме Месечината и да откриваме интересни работи“, додаде Безос.

"The Moon is a gift." @JeffBezos on building a Moon base: "NASA is really focused on the Moon now." "I've been focused on the Moon for a really long time and have been saying, 'Let's do the Moon and then do Mars.'" "It's kind of step by step, but do the Moon first." Via @CNBC @andrewrsorkin @blueorigin @NASAMoonBase
— Jawwwn (@jawwwn_) October 8, 2026

Тој истакна дека мисијата на Месечината во 1969 година барала инвестиција од околу 3% од БДП на САД и наведе дека „луѓето ќе можат да летаат до Месечината уште во 2028 година“.

„Мораме да ја победиме Кина во ова и верувам дека ќе успееме“, рече Безос.

Тој исто така го изрази своето уверување дека Месечината – до која, како што напоменува, може да се стигне за три дена – ќе послужи како клучна логистичка станица за идните човечки мисии до Марс.

Извор: Б92

Тагови: месечината Џеф Безос