Кошарка

Шпанците воведуваат револуционерно правило за да ја забрзаат кошаркарската игра

Шпанската АЦБ, втората најсилна национална кошаркарска лига во светот по НБА, следната сезона ќе тестира ново правило, кое би требало значително да ја забрза играта и да придонесе за нејзината привлечност и да го скрати вкупното времетраење на играта.

Откако топката ќе излезе надвор од теренот, судиите ширум светот мора да ја примат, а потоа да му ја префрлат на играчот кој ќе го изведе исфрлањето. Во АЦБ лигата, судиската улога во тие случаи ќе биде елиминирана, па играчите ќе можат да ја земат топката и да ја носат без да го чекаат судијата. Така, противничките тимови ќе имаат помалку време да се вратат во одбраната и да се наместат, а тимовите кои брзо и ефикасно ќе се прилагодат на ова правило ќе постигнуваат повеќе лесни поени.

Но, правилото нема да важи во текот на целиот натпревар, туку само во првите 38 минути. Во последните две, судиите повторно ќе ја преземат улогата на посредници, како што тоа го правеа и досега. Правилото ќе биде експериментално во наредната сезона, по што ќе се одлучи дали ќе се применува во иднина.

Свет

Универзитетот Колумбија го одложи рокот што им го даде на демонстрантите против војната во Газа

Американскиот универзитет Колумбија го одложи рокот, кој истекува на полноќ, што им го даде на пропалестинските студенти да го расчистат кампусот, каде што протестираат против војната во Газа.

- Преговорите напредуваа и продолжуваат според планираното, соопшти кабинетот на претседателот на Универзитетот во Њујорк Минуш Шафик, негирајќи дека била побарана полициска интервенција.

- Не нарекуваат терористи, нè нарекуваат насилници. Но единствената алатка што ја имаме е нашиот глас, рече еден од студентите на собирот.

Пропалестинските студентски демонстрации во САД, кои се проширија на неколку универзитети, почнаа на Универзитетот Колумбија во Њујорк.

Некои од најпрестижните универзитети во светот, како Харвард, Јеил и Принстон, се приклучија на студентското движење и демонстрации.

Свет

Блинкен за неколку дена во Израел, седми пат од почетокот на војната

 Американскиот државен секретар Ентони Блинкен во вторник ќе го посети Израел, седми пат по терористичкиот напад на Хамас на 7 октомври врз јужен Израел и војната што следеше како одговор на Израел во Појасот Газа.

Јавниот сервис Кан денеска јави дека Блинкен ќе дојде во Израел за да разговара за најавената операција на израелската армија во Рафа, како и за напорите да се обезбеди пауза во борбите и да се ослободат повеќе од 100 заложници кои ги држи Хамас.

Блинкен моментално е во посета на Кина.

Македонија

СДСМ ја слушна пораката од граѓаните и ја прифаќа

СДСМ ја слушна пораката од граѓаните и ја прифаќа, ние ќе продолжиме да се бориме.

СДСМ ја слушна пораката од граѓаните и ја прифаќа.

Ние ќе продолжиме да се бориме за секој граѓанин, за прогресивна и европска иднина на Македонија.

Резултатот на изборите на 8 мај сè уште не е одлучен.

Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.

Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.

Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард.

Нема откажување од иднината!

СДСМ

притисни ентер