Шолак, газдата на „Ѕвездите на Гранд“, N1, Нова ТВ, Total TV има долг од 4,1 милијарди евра?!?

Шолак е дел од сопствеништвото нa „Ѕвездите на Гранд“, кои според нас, незаконски ни го раскинаа договорот, и дел од ТВ платформите Тотал ТВ Македонија и EON TV, кои Канал 5 ТВ ги фати „живи“ како недозволено реемитуваат делови од нашата програма!

Тотал ТВ Македонија преку платформата EON TV , и самата EON TV International безсрамно пиратираа делови од наша програма но и некои ТВ канали во целост, за што ќе следуваат соодветни поднесоци. Канал 5 ТВ се сомнева дека како акт на ревашизам, нивната „сестринска“ компанија Гранд Продукција, тотално неосновано го раскина договорот со нас, и го продаде на друга македонска ТВ станица, која за жал не ги испочитува нашите известувања со предупредувања дека Канал 5 ТВ ќе стори се' за да ги заштити своите авторски и сродни права но и правата кои ни беа неосновано одземени.

Како што јавува хрватската истражувачка платформа SEEBIZ, сопственикот на едно чудо телевизии, весници, кабелски оператори и разни ТВ платформи е во сериозни финансиски проблеми. Нивниот текст ви го пренесуваме во целост, а во наредните денови ќе одржиме прес конференција на тема ТВ пиратерија : Како одредени могули заработуваат несразмерно богатство препродавајќи комплетни или делови од програми на ТВ канали со кои немаат никакви договори за реемитување или не ги почитуваат истите.
„ЛОНДОН - Драган Шолак продава дел од својот имот поради преголем долг, кој наводно надминува четири милијарди евра.

Голдман Сакс бил ангажиран да го продаде имотот, пишува Блумберг.

На крајот на 2020 година, вкупната загуба на Јунајтед Груп беше 73,6 милиони евра. Споредено со 2019 година, кога вкупната загуба изнесуваше 59,7 милиони евра, ова е зголемување на дефицитот за повеќе од 20 проценти. Но, тоа е само врвот на ледениот брег што ја погоди компанијата на Шолак.

На крајот на деловната 2020 година, United Group забележа потрошени речиси 4 милијарди куни ( 530 милиони евра ), доколку се земат предвид обврските за долгорочни заеми, издадени обврзници, лизинг и слични финансиски аранжмани. Вкупниот износ на долгот на Јунајтед Груп на крајот на минатата година бил 4,14 милијарди евра!

Информациите за продажбата на имотот доаѓаат само неколку дена откако една од трите најголеми рејтинг агенции во светот, Мудис, го намали кредитниот рејтинг на компанијата „Адриа Мидко“, која е основач на компанијата „Јунајтед Медиа“, која го поседува и информативниот ТВ канал N1.

Мудис го промени рејтингот од стабилен во негативен, а според потпретседателот на агенцијата Агустин Алберти, компанијата има слаба ликвидност во последните 12 месеци и ќе мора да се справи со долгот што доспева во 2024 и 2025 година.“

Дополнително SEEBIZ денес јавува и дека:
„Демантирајќи ги медиумските шпекулации дека ќе го продаде телекомуникацискиот оператор „Телемач“ поради долговите, „Јунајтед Група“ денеска ни откри како ќе оди на пренамена на дел од имотот на „Телемач“ за да ги зголеми приходите на Групацијата.
Станува збор за таканаречената монетизација на телекомуникациските кули, која минатата недела ѝ беше претставена на United Group од агенцијата Moody's како решение за нејзините финансиски предизвици, намалувајќи го кредитниот рејтинг на клучната компанија во Групацијата, Adriji Midco BV. од стабилна во негативна.

- Согласно досегашната пазарна практика, планираме да ја монетизираме нашата инфраструктура на мобилни базни станици во некои од земјите каде што работи Јунајтед Група, вклучувајќи ја и Хрватска, пренесува Јутарњи лист .

Да потсетиме, компанијата на Шолак е оптоварена со огромен долг, поради што Мудис пред неколку недели го намали својот рејтинг. Доспеваат долгови од 525 милиони евра за 2023 година и 535 милиони евра за 2024 година“

Канал 5 ТВ наскоро ќе објави серијал поврзани со овој медиумски могул, за наводни измами, за кои ние немаме докази, но пак тоа го тврдат колегите од Малта, и хрватски Национал кои работеа на т.н. случај „ Малтешки документи “ , истрага поврзана со лица за наводно затајување на данок.

Фифти Сент ќе бара самостојно старателство над синот

Американскиот рапер Фифти Сент ќе побара самостојно старателство над синот што го има со Дафне Џој, откако таа е посочна како наводна сексуална работничка во тужбата против музичарот Шон Комбс - „Диди“.

„Со оглед на најновите случувања и вести за вмешаноста на Дафне Џој во тужбата на Диди, Фифти Сент ќе бара самостојно старателство над неговиот син“, изјави извор близок до двојката за „Ју-ес викли“ (Us Weekly).

Портпаролот на Фифти рече дека нема коментар за овие наводи.

Раперот и Дафне беа во врска во 2011. и 2012 година. Тие се разделија набргу по раѓањето на нивниот син Сајр. По последните наводи, Фифти на својот интернет-простор објави фотографија од себе со пура и не многу пријателски коментар за поранешната девојка.

„Не знаев дека си сексуална работничка. Мала сексуална работничка. 'ЛОЛ'. Овие г**нарии се претворија во филм", напиша музичарот.

Според западните медиуми, во судските документи Дафне Џој е обвинета дека била вмешана како сексуална работничка, заедно со Јанг Мајами и Џејд Рејми, во наводниот синџир за секс-трговија на Диди. За нив, наводно, раперот „се фалел“ дека им плаќал „месечна стипендија“ за нивната сексуална работа./МИА

Индустриското производство во февруари зголемено за 0,3 отсто

Индустриското производство во февруари годинава во однос на истиот месец лани е поголемо за 0,3 отсто. 

Во периодот јануари – февруари 2024 година, пак, споредено со првите два месеца од 2023, растот изнесува 1,5 проценти, соопшти Државниот завод за статистика.

Гледано по сектори, индустриското производство во секторот Рударство и вадење на камен во февруари 2024 година, во однос на февруари 2023 година, бележи пораст од 5.6 %, во секторот Преработувачка индустрија бележи пораст од 0.8 %, а во секторот Снабдување со електрична енергија, гас, пареа и климатизација опаѓање од 14.5 %. Зголемувањето во секторот Преработувачка индустрија е резултат, пред сѐ, на зголеменото производство во следните оддели: Производство на прехранбени производи, Производство на текстил, Производство на хартија и производи од хартија, Производство на хемикалии и хемиски производи, Производство на основни фармацевтски производи и фармацевтски препарати, Производство на производи од гума и производи од пластични маси, Производство на електрична опрема, Производство на машини и уреди, неспоменати на друго место, Производство на моторни возила, приколки и полуприколки, Производство на останата опрема за транспорт, Производство на мебел, Останата производствена индустрија и Поправка и инсталирање на машини и опрема.

Според главните индустриски групи, производството во февруари 2024 година, во однос на февруари 2023 година, бележи пораст кај Интермедијарни производи, освен енергија за 5.9 %, Капитални производи за 4.8 % и Трајни производи за широка потрошувачка за 3.4 %, додека опаѓање бележи кај Енергија за 15.4 % и Нетрајни производи за широка потрошувачка за 5.9 %

Фетел одговори на прашањето дали се враќа во Формула 1

Себастијан Фетел го прекина молкот за гласините за неговото враќање од пензија за да го замени Луис Хамилтон во Мерцедес.

Четирикратниот светски шампион се прости од трките на крајот на 2022 година во автомобил на Астон Мартин за да помине повеќе време со семејството, но германскиот возач тогаш за можното враќање рече: „никогаш не треба да се каже никогаш“.

Откако Хамилтон во февруари објави дека ќе го напушти Мерцедес и ќе се пресели во Ферари од 2022 година, се шпекулираше дека Фетел ќе го замени, но…

-Сè уште сум заинтересиран и ги следам трките. Во моментов се случува многу - на и надвор од патеката. Но, за мене Формула 1 не е во фокусот во моментов. Кога заминував, реков дека никогаш не вели никогаш за враќањето, но намерата не ми беше да застанам и потоа да почнам повторно, изјави Фетел и со тоа ги демантираше гласините дека се враќа. /МИА

притисни ентер