Шокантно откритие: Татко ми цел живот живеел паралелен живот, имал и друго семејство! - Канал 5

Шокантно откритие: Татко ми цел живот живеел паралелен живот, имал и друго семејство!

21 годишната Бет го открила двојниот живот на својот татко откако остварила контакт со својот полубрат на Фејсбук. Ја добила следната порака: Твојот татко е женет со мојата мајка и имаат три сина, јас сум еден од нив!

Шокантно откритие: Татко ми цел живот живеел паралелен живот, имал и друго семејство!
- Знаев дека татко ми е разведен и има деца од претходниот брак со кои не не запознал. Затоа почнав преку Фејсбук да ги барам луѓето околу моја возраст со исто презиме. Така открив се - не можев ни да сонувам дека татко ми водел двоен живот цели 28 години! - вели Бет Кавана.

Нејзиниот татко Кевин секој втор викенд отсуствувал од дома, и велел дека оди на службени патувања. Никогаш не бил со нив на Божиќ. Тој всушност одел кај другото семејство и трите сина.

Неговиот прв брак е причина поради која Кевин не се оженил со мајката на Бет, Моира. Сега е јасно зошто.

- Секогаш кога јас и сестра ми Лорен (25) ќе го поставевме прашањето тој велеше - не ни треба скапо парче хартија да ја докажеме нашата љубов!

- Целиот мој живот татко ми ме лажел мене, мајка ми и сестра ми - вели Бет.

Кевин имал семејство 3 години кога го добил првото дете со Моира - ќерката Лорен.

Кога помалата ќерка Бет дознала дека Кевин има друго семејство, тој пак бил „на службен пат“. Бет и кажала на мајка си што дознала а Моира веднаш му се јавила на Кевин за да му каже да се врати каде и да е. Но неговиот телефон бил исклучен како и секој втор викенд. Моира му пратила порака со содржина: Ја знам твојата тајна, не се враќај дома. Тој одговорил: Жал ми е, сакав да биде добро за сите а сега се ќе изгубам.

Бет раскажува дека нејзината мајка на почетокот на врската со Кевин се посомневала дека тој е женет и го оставила неколку месеци, а потоа тој дошол и ја уверувал дека е разведен. Тогаш почнала двојната лага. Бет вели дека веројатно на отсуствата на нејзиниот татко од нејзиниот живот и сомнежите кои кај неа се појавиле - да не има друга девојка, се должи депресијата од која девојчето се разболело на 16 години.

- Се чувствував како да не вредам кога тој не оставаше - вели Бет.

Нејзините браќа имаат 27,32 и 34 години. Оној со кој контактирала не сакал да се запознае со неа. Од пораките преку Фејсбук, пред да ја избрише од пријатели, Бет дознала дека и другото семејство не знаело дека Кевин води таен живот. Бет вели дека со нејзината сестра и мајка често плачат, но никогаш не биле поблиски.

- Мајка ми неодамна се разболе од рак, тој не беше тука. За среќа ја победи болеста, и нема намера ниту минута да потроши на тој човек, ќе го живее животот што и преостана - вели бет чиј татко, по откритието, ниту еднаш не се обидел да ја контактира./ извор: Дејли меил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Новак го зема микрофонот и направи „хаос“! Ѓоковиќ го запеа хитот на легендарниот Џеј

Ново шоу надовор од теренот на најтрофејниот тенисер во историјата, Новак Ѓоковиќ го испеа хитот на легендарниот Џеј и предизвика „хаос“ во еден  белградски клуб!

Видео: Новак го зема микрофонот и направи „хаос“! Ѓоковиќ го запеа хитот на легендарниот Џеј

Најдобриот тенисер на сите времиња, Новак Ѓоковиќ, го искористи престојот во Србија за да се опушти во друштво на пријатели, а потоа приреди вистинско шоу во еден познат белградски клуб, што ги воодушеви сите присутни.

Ноле уживаше во ноќното излегување, пушејќи и пеејќи, а кулминацијата на вечерта се случи кога пејачката Маријана Злопаша го забележа во публиката и го покани да ѝ се придружи на сцената.

Ѓоковиќ не се двоумеше многу! Ја прифати поканата, го зеде микрофонот и ја запеа песната „Ниедни усни не бакнуваат сами“ голем хит на легендарниот Џеј Рамадановски.

Атмосферата во тој момент го достигна својот врв, а присутните имаа можност да го видат Новак во сосема поинакво издание – наместо рекет, во рацете држеше микрофон и уживаше во музиката.

https://www.instagram.com/reel/Df_Qk2Ts0g5/?utm_source=ig_embed

Ѓоковиќ моментално е во Белград, бидејќи тениската сезона за него е завршена. Тој ќе помине уште неколку дена во својот роден град, а оваа сабота ќе ја искористи за да го прослави Свети Архангел со своето семејство. Потоа, планира да замине на одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Пентагон објави нови снимки од НЛО?

Владата на САД објави нови снимки од неидентификувани воздушни појави, забележани од американските воени сили на Блискиот Исток. 

Видео: Пентагон објави нови снимки од НЛО?

Ова претставува осма серија документи поврзани со НЛО што Пентагон ги објави оваа година.

Најновата објава содржи 43 документи и снимки, вклучувајќи три видеа забележани во 2020, 2023 и 2026 година. Сите три снимки се направени од американски воени летала или други воени платформи на Блискиот Исток.

Снимките се направени со помош на воени камери и сензори способни да детектираат објекти врз основа на топлинско зрачење. Пентагон ги класифицира овие случаи како нерешени примери на неидентификувани аномални појави, познати под акронимот UAP.

Видеото од 2020 година трае 20 секунди, снимката од 2023 година трае 13 секунди, а онаа од 2026 година трае 54 секунди. Материјалите ѝ биле доставени на американската канцеларија за истражување на неидентификувани феномени од страна на Централната команда на САД.

Американските власти сè уште немаат утврдено што точно се гледа на објавените снимки. Нивното објавување не значи дека Пентагон го потврдил постоењето на вонземски летала или каков било вид вонземска технологија.

Американската војска го користи терминот „UAP“ за појави што не можат веднаш да се идентификуваат врз основа на достапните податоци.

Ова не значи дека станува збор за вонземски летала; туку, тоа значи дека нивното потекло сè уште не е утврдено. Некои од овие појави подоцна можат да се објаснат како летала, беспилотни летала, балони, атмосферски појави или грешки во сензорите. Во други случаи, нема доволно податоци за сигурно да се утврди причината.

Американските власти продолжуваат со постепено отворање на своите архиви кои се однесуваат на неидентификувани појави. Според Пентагон, се подготвуваат нови групи документи за јавно објавување, кои чекаат процес на проверка и отстранување на нивниот доверлив статус.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Калас повикува на прекин на војната; Русија вели дека не сака да преговара со неа!

Русија изјави дека учеството на шефицата на европската дипломатија, Каја Калас, во преговорите за ставање крај на војната во Украина би можело да доведе до нивен колапс. 

Калас повикува на прекин на војната; Русија вели дека не сака да преговара со неа!

Москва се противи на нејзиното вклучување во разговорите и ја доведува во прашање нејзината способност да придонесе кон мировниот процес.

Портпаролката на руското Министерство за надворешни работи, Марија Захарова, изјави дека Калас е неприфатлива за Москва како преговарач.

Таа ја обвини поранешната естонска премиерка дека е непријателски настроена кон Русија и дека ги отфрла нејзините безбедносни барања.

„Ако некому во Брисел му е важен таков преговарач со Русија, тоа јасно ни покажува какви резултати сакаат да постигнат во дијалогот – а тоа е поткопување на какви било мировни иницијативи“, рече Захарова на прес-конференција во Москва.

Захарова додаде дека Калас би ја извршила оваа задача „со леснотија“. Со ова, таа јасно стави до знаење дека Москва не сака да преговара со актуелната висока претставничка на Европската унија за надворешни работи и безбедносна политика.

Овие руски изјави доаѓаат во момент кога европските влади се обидуваат да обезбедат официјална улога во мировните преговори меѓу Украина и Русија, кои се одвиваат со американско посредување.

Европските лидери инсистираат на тоа дека мора да учествуваат во одлуките што се однесуваат на безбедноста на континентот. Досега, Европа не беше директно вклучена во преговорите организирани од Вашингтон.

Постигнат е договор дека, во следната рунда, Европа би можела да биде претставена од Франција, Германија, Италија, Полска, Обединетото Кралство и институциите на Европската унија.

Калас претходно изјави дека Русија нема право да одлучува кој ќе ја претставува Европската унија. Таа нагласи дека не настапува во лично својство, туку како претставник на сите 27 земји-членки – без оглед на противењето на Москва кон нејзиното учество.

Москва ја обвинува Калас за непријателски став Захарова ја обвини Калас дека зазема „отворено русофобичен став“ и дека ги игнорира безбедносните интереси на Русија. Таа тврди дека шефицата на надворешната политика на ЕУ се обидува да го блокира секој договор што би ги зел предвид барањата на Москва.

Руската портпаролка изјави дека Москва е подготвена да соработува со европски претставници кои можат конструктивно да придонесат кон преговорите. Сепак, таа смета дека Калас не го исполнува овој критериум, имајќи ги предвид нејзините претходни изјави и политички ставови.

Калас беше премиерка на Естонија пред да ја преземе европската функција. Таа стана Висок претставник на ЕУ за надворешни работи во декември 2024 година, а оттогаш се залага за построги санкции против Русија и за продолжување на воената помош за Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер