Шоу биз

Шок во Холивуд! Познат актер и режисер пронајден мртов со сопругата – полицијата се сомнева во убиство

Полицијата во Лос Анџелес соопшти дека добила пријава за пронајдени мртви луѓе во домот на Роб Рајнер, познат холивудски режисер, актер и продуцент, кој покрај бројните награди и легендарната филмографија, е номиниран и за Оскар.

Портпаролот на семејството потврди дека починатите се Рајнер и неговата сопруга Мишел. Полицијата се сомнева во убиство.

Портпаролот на семејството Рајнер доцна во неделата изјави дека Мишел и Роб Рајнер починале, опишувајќи ја загубата како „трагична“ и барајќи приватност додека роднините тагуваат.

„Со длабока тага ја објавуваме трагичната смрт на Мишел и Роб Рајнер. Скршени сме од оваа ненадејна загуба и ве молиме за приватност во овој неверојатно тежок период“, изјави портпаролот.

Според Си-Ен-Ен, повикувајќи се на полициски извор, член на семејството на Рајнер пронашол две лица мртви во куќата.

Во моментов нема информации за причината за смртта, изјави истиот извор. Детективите за убиства од Полициската управа на Лос Анџелес се на местото на настанот и истражуваат домот на холивудскиот режисер Роб Рајнер, потврди полициски извор за Си-Ен-Ен.

Противпожарната служба на Лос Анџелес добила повик за медицинска итна помош во 15:38 часот по локално време и пронашла 78-годишен маж и 67-годишна жена мртви на местото на настанот, изјави портпарол на одделот.

Иако повеќето медиуми се селективни во начинот на кој пристапуваат кон темата и се внимателни во врска со информациите што ги објавуваат, потпирајќи се на полициски извори и официјални изјави, списанието „Пипл“ објавува тврдења дека холивудската двојка била убиена од нивниот син Ник Рајнер.

Тие цитираат „неколку извори кои разговарале со семејството“ без понатамошно објаснување.

Ник Рајнер (32) е испрашуван од полицијата, но засега не е обвинет, ниту полицијата сакала воопшто да коментира за наводите на списанието „Пипл“, додека повеќето медиуми исто така избегнуваат да ги споменуваат овие инсинуации.

Рајнер е познат како режисер на култни филмови како што се „Кога Хари ја запозна Сали“, „Неколку добри луѓе“, „Мизерија“, „Невестата принцеза“, „Остани покрај мене“... Како актер, се појавил во дури 90 различни продукции.

Тагови: Холивуд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Национален дата центар е и обврска од реформската агенда, сега Филипче се противи и на европски проекти

СДС и Венко Филипче секојдневно критикуваат кога е во прашање развој на индустријата поврзана со дата центри.

Индустрија која е иднина, индустрија која се развива во светот, но Филипче од само нему познати причини се противи.

Во оваа прилика да му објасниме и на Филипче и на неговиот другар Зоран Заев кој се уште очигледно му дава насоки за работа.

Македонија веќе има дата цента во Прилеп. Но, тој не е основен, туку секундарен што значи во случај на евентуален сајбер напад на системот на поединечна институција, таму се чуваат податоците кај секундарниот. Сега секоја институција наоѓа начин како ќе ги чува своите податоци. Затоа на Македонија и треба основен, примарен, национален дата систем за чување на сите податоци од сите институции.

Македонија како држава има проект во делот на реформската агенда со ЕУ за изградба на национален дата центар. Притоа ЕУ обезбедува финансии и финансиска помош, а Македонија има обврска да изгради основен, примарен национален дата центар.

Ова е начин да се заштитат податоците на државните институции од евентуални сајбер напади, односно податоците да бидат сигурни.

Ова е тоа за што СДС се противи, а само да потсетиме во време на нивната влада имаше напад на системот на ФЗО и граѓаните не можеа да ги остварат своите права, не можеше да се исплаќа породилно, да се прави поврат на средства за лекови и слично.

Оттука евидентно е дека СДС се противи на развој на индустрија која значи заштита на лични податоци на секој поединец, заштита на државни податоци, рече Миле Лефков, член на ИК и пратеник на ВМРО-ДПМНЕ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Покрај кејот во Охрид е пронајдена неексплодирана бомба

На 28.08.2026 во 15.33 часот, во СВР Охрид е пријавено дека во водите на Охридското езеро во близина на кеј „Македонија“, пронајдена е неексплодирана бомба.

Местото е обезбедено од страна на полициски службеници по што, бомбата е безбедно подигната од страна на преставник од Дирекција за заштита и спасување, за натамошна постапка, соопштуваат од СВР Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штерјова: Мицкоски ги штити Стоилковиќ и Кирановиќ за величењето на Младиќ, што е следно?

Мицкоски го штити својот пулен во Владата, Иван Стоилковиќ, како и директорот на Агенцијата за правата на заедниците, Далибор Китановиќ.

Од никого не бара одговорност за величењето на воениот злосторник Ратко Младиќ.

Мицкоски не го споменува Стоилковиќ, не го повикува на одговорност, на Китановиќ му остава простор, да го повлечел јавно искажаниот став за Ратко Младиќ или да си поднесе оставка.

Наместо кривично да одговараат и давајцата, согласно член 407 од Кривичниот законик поради „Одобрување или оправдување на геноцид, злосторства против човечноста или воени злосторства“.

Нема тука простор за негово одлучување или различно толкување.

Луѓе како Стоилковиќ и Китановиќ со такви ставови не треба и не смее да бида вршители на каква било јавна функција во Владата.

Дали Мицкоски се согласува со својот министер Иван Стоилковиќ?

Дали Ратко Младиќ е и негов генерал?

Ако Мицкоски не се согласува со Стоилковиќ и Китановиќ, тогаш нека ги осуди нивните ставови и нека ги разреши.

Ова е дел од поширока агенда, сценарио на Вучиуќ која Мицкоски ја спроведува и за која СДСМ предупредува.

Создавање тензии, поделби меѓу граѓаните, етнички провокации и поделби, операција „Талог“.

Медиумите се подготвени. Латас, човек на српските служби, води кампањи по методот на Гебелс, навреди, поделби, постојано повторување на ист навредлив термин за да се дехуманизира политичкиот противник.

Стоилковиќ навредува пратеници во Собранието, го велича Ратко Младиќ.

Се е дел од иста кампања. Ова е свесна политика на Мицкоски и неговата криминална група – да ја држат Македонија далеку од ЕУ, во изолација а поблиску до авторитарни сили и источни влијанија.

Прашањето е што е следно? Што друго имаат подготвено?, рече Кети Штерјова од СДСМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.