Забава

Шок-откритие, органската црна чоколада е поопасна од млечната

Дали органските производи се поопасни од обичните?

Според резултатите од новата студија спроведена на Универзитетот Џорџ Вашингтон, многу производи од какао содржат загрижувачки нивоа на токсични тешки метали.

Истражувачите од овој универзитет анализирале 72 намирници на база на какао во текот на осум години, вклучувајќи ја и темната чоколада, која често се смета за здрава. Резултатите покажале дека 43% од производите содржеле олово над дозволеното, додека 35% ги надминале дозволените граници на кадмиум.

Проверени 72 производи

Посебен шок за истражувачите бил фактот што чоколадата на база на органско какао има повеќе олово и кадмиум отколку неорганските производи. Не е јасно дали загадувањето со тешки метали може да потекнува од почвата или од самиот процес на производство на чоколадата.

Иако една порција од овие производи од какао можеби не претставува значителен ризик по здравјето, консумирањето поголеми количини може да биде штетно.

– Сите сакаме чоколада, но важно е да уживаме умерено, како и со другите намирници кои содржат тешки метали, вклучувајќи ги и големите риби како туната и неизмиениот кафеав ориз – изјавила Лајт Фрејм, водач на истражувањето.

Со тимот, таа проверила дури 72 производи на база на какао. Како што истакнува Фрејм, практично е невозможно да се избегнат тешките метали во храната, па затоа е важно да внимавате што и колку јадете.

Сериозни последици

Изложувањето на олово може да предизвика сериозни здравствени последици, како што се висок крвен притисок, проблеми со мозокот, бубрезите и репродуктивните органи.

Симптомите на труење со олово го вклучуваат следново:

главоболка

болка во стомакот

запек

болки во мускулите и зглобовите

проблеми со спиењето

замор

нервоза и пад на либидото.

Од друга страна, труењето со кадмиум може да резултира со следниве симптоми:

треперење

треска

болки во мускулите

хроничната изложеност може да доведе до болести на бубрезите, коските и белите дробови.

Претходна студија спроведена од „Consumer Reports“ откри присуство на кадмиум и олово во 28 вида темна чоколада.

Сепак, една студија на Универзитетот Тулејн покажа дека само еден бренд кој произведува темна чоколада ги надминува меѓународните граници за кадмиум, така што само четири чоколадни плочки имаат ниво на кадмиум што може да претставува ризик за малите деца.

Научниците велат дека консумирањето чоколадни преливи е апсолутно безбедно, без разлика дали станува збор за темна или обична млечна чоколада.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Канада прв осминафиналист

Ко-домаќинот на 23 светски фудбалски шампионат Канада е во осминафиналето!

Канадските фудбалери се првите учесници во осминафиналето на Светското првенство, откако на отворањето на нокаут фазата на Мундијалот ја елиминираа Јужна Африка со резултат 1:0 (0:0).

Еден од домаќините на Светското првенство оствари историски успех со гол во судиското продолжение, постигнат од Стивен Јусташи.

Во битката за четвртфиналето, екипата на Џеси Марч ќе игра против подобриот тим од дуелот Холандија-Мароко, кој ќе се игра ноќта помеѓу понеделник и вторник од 03:00 часот.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Литванскиот министер за надоврешни работи во посета на Македонија

Министерот за надворешни работи, Тимчо Муцунски денеска во министерството ќе има средба со министерот за надворешни работи Литванија Кестутис Будрис.

Во фокусот на разговорите ќе бидат унапредувањето на билатералните односи меѓу двете земји, соработката во рамките на НАТО, како и поддршката од Литванија за европската интеграција на Македонија.

Во рамките на посетата е предвидена тет-а-тет средба со министерот Муцунски, по што ќе следи заедничка прес-конференција..

Тагови: МНР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Пожар на островот Вис во Хрватска

Голем пожар на отворено избувна на островот Вис синоќа околу 22:30 часот.

Огнот зафати борова шума и ниска вегетација во областа на Комижа, долж патот кон Подхумље, објави веб-страницата „Firefighters 193“.

Сите расположиви противпожарни сили од оперативното подрачје Вис веднаш биле испратени на местото на настанот. Во интервенцијата учествуваат пожарникари од противпожарните одделенија на Комижа и Вис.

Противпожарната одделенија на Комижа распореди девет возила и 35 пожарникари, а противпожарната одделенија на Вис распореди шест возила и исто така 35 пожарникари, со што вкупно на местото на настанот се наоѓаат 15 возила и 70 пожарникари.

Пожарот е сè уште активен, а неговото гаснење го отежнуваат сувата вегетација и ширењето на пожарот на отворен простор.

Иако немаше силен ветер во текот на ноќта, пожарот се прошири брзо во првите часови поради екстремно сувата почва.

Од утрово на терен се и три авиони канадари, додека четвртиот авион пристигнува и ќе биде вклучен во гаснењето на пожарот.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.