Шмит: Не треба да се даваат конкретни датуми за членството во ЕУ

Не треба да се даваат конкретни датуми за членството во ЕУ, проширувањето да продолжи со фокус на владеење на правото, вели Николас Шмит во интервју за ЕНР.

Шпицен кандидатот на европските социјалисти за претстојните европски избори, Николас Шмит, говорејќи за очекувањата на државите од Западен Балкан да станат членки на ЕУ до 2030 година смета дека не треба да се даваат конкретни термини, бидејќи на тој начин се создаваат очекувања, кои доколку од различни причини не се исполнат, потоа креираат големо незадоволство. Шмит во интервју за Европската новинска редакција (ЕНР), во која членува и МИА, нагласува дека во моментов најважно е да продолжи процесот на проширување, а на државите од регионот да им се овозможи да се реформираат согласно барањата за членство, при што фокусот треба да биде на владеењето на правото.

-Никогаш не би дал датум. Затоа што давањето датум создава очекувања и надежи. И ако не можете да го испорачате овој датум, тоа ќе создаде огромни разочарувања. Мислам дека она што е важно сега е да има процес на проширување, да продолжи процесот на зачленување, на нивно здружување, да им се даде поголема помош за да се приспособат на барањата за да станат членки на Европска унија. А фундаменталното прашање на тој пат е владеењето на правото, вели Шмит, кој е шпицен кандидат на Партијата на европските социјалисти (ПЕС) и актуелен еврокомесар за вработување и социјални права, во интервјуто за ЕНР.

Тој потенцира дека владеењето на правото е суштествено прашање и нагласи дека земјите-членки не смеат да ги затвораат очите пред таквите прекршувања.

-Значи, не, нема да дадам датум, но се надевам дека можеме да го забрзаме процесот и навистина да се справиме со предизвиците. Комисијата даде предлози за процесот на проширување, кој треба да биде подинамичен, чекор по чекор, попрогресивен. И мислам дека ова е вистинскиот начин за сите земји кандидати, кои сепак се многу различни една со друга од Украина до Црна Гора, вели Шмит.

Во однос на тоа дали има исто мислење и за Грузија, која во декември лани стана кандидатка за членство, Шмит нагласи дека треба да се земе предвид геополитичката ситуација.

-Русија јасно покажа дека не се откажува од доминацијата и од креирањето превирања и ограничувањето на суверенитетот, на нејзините соседи. Ова е сериозна работа. Тоа уште еднаш ни ја потврдува руската стратегија, вели тој и додава дека Грузија треба да биде внимателно мониторирана.

Во светло на неодамнешниот напад врз словачкиот премиер Роберт Фицо, кој е од редовите на социјалдемократите, како и врз неколкумина европратеници во Германија и за тоа дали смета дека ЕУ полека станува жртва на серозна поларизација, тој вели дека таквите процеси се случуваат изминатите години и во нивно креирање, меѓу другите учествуваат есктремно десничарски сили.

Напоменува дека физичкото насилство е природен следен чекор на ваквите сили и доколку не се спречи нивниот развој во европските општества тие се повеќе ќе ја поттикнуваат омразата.

-Политиката нема никаква врска со омразата. Како што знаете политиката треба да ја развива демократијата...Треба да има дебати, различни ставови, но ако ја трансформирате политиката во бојно поле, во војна, во некој вид на студена граѓанска војна, тогаш станува опасна, а непресметливите луѓе ја земаат здраво за готово и се фаќаат за оружје, особено помладите. И тоа особено ме загрижува во Германија, тоа влијание врз младите луѓе, кои стануваат насилни, нагласува Шмит, кој додаде дека ова е голем предизвик за демократските општества.

Во однос на очекувaњата од претстојните европски избори и за тоа дали очекува да освојат ист број пратеници, кој во момент изнесува 139 во над 700 члениот ЕП, вели дека задржувањето на сегашната бројка ќе го сметаат за добар резултат, но сепак сметаат дека ќе освојат повеќе мандати.

Шмит, кој е кандидат на ПЕС за иден претседател на ЕК, смета дека доколку не бидат прва политичка сила во идниот состав на ЕП, сигурно ќе бидат втора и нагласува дека социјалдемократите треба да го имаат следниот претседател на Комисијата. Други можни позиции кон кои целат се и претседател на Европскиот совет или претседател на ЕП.

Самото номинирање шпицен кандидат не значи и дека Шмит ќе остане во трката за претседател на Еврокомисијата и по изборите. На претходните избори во 2019 година таков беше случај со Европската народна партија (ЕПП), чиј шпицен кандидат беше Манфред Вебер, но на крајот функцијата ја доби неговата сонародничка и сопартијка, актуелната претседателка на ЕК, Урсула фон дер Лајен.

Одржана третата средница на Штабот за заштита и спасување на општина Илинден

Беа дадени и препораки за спречување на настанување и отстранување на последиците од природни непогоди и други несреќи.

Во просториите на Општина Илинден се одржа третата седница на Штабот за заштита и спасување на општина Илинден со која раководеше командантот, градоначалникот Александар Георгиевски, а покрај членовите на Штабот, присуствуваа и претставници од јавните претпријатија од Општината, како и претставници од ОКТА, Макпетрол и ПО Петровец, како и претставник од Општинскиот противпожарен сојуз на Илинден.

На третата редовна седница акцентот на дискусијата беше ставен на моменталната состојба со високите температури, со цел преземање превентивни мерки за заштита од евентуални пожари и заштита од можни поплави поради нестабилност на временските услови.

Беа дадени и препораки за спречување на настанување и отстранување на последиците од природни непогоди и други несреќи.

Борел за утрешната средба Вучиќ-Курти: Дијалогот мора да доведе до оперативно решение

На маргините на состанокот на шефовите на дипломатиите во Луксембург, Борел им рече на новинарите дека сега тоа е клучно, бидејќи членките на ЕУ го разгледуваат неговиот предлог барем за постепеното укинување на санкции за Косово.

Високиот претставник на Европската унија (ЕУ) Жосеп Борел пред средбата меѓу српскиот претседател Александар Вучиќ и косовскиот премиер Албин Курти во Брисел, изјави дека „вложува напори српско-косовскиот дијалог да го доведе до оперативно решение“ за спроведување на Охридскиот договор, јави дописникот на МИА од Белград.

На маргините на состанокот на шефовите на дипломатиите во Луксембург, Борел им рече на новинарите дека сега тоа е клучно, бидејќи членките на ЕУ го разгледуваат неговиот предлог барем за постепеното укинување на санкции за Косово.

- И тоа може да создаде сценарио во кое Дијалогот, не велам дека ќе се обнови, но барем нема грубо да се прекине, соопшти високиот претставник на Унијата.

- Двајцата лидери (на Србија и на Косово) се состануваа долго време во рамките на Дијалогот и јас не сакам тој да заврши пред да го завршам мојот мандат, рече Борел.

Високиот претставник на ЕУ објасни дека Приштина и Белград „од една или друга причина не биле во можност да го спроведат тој договор“, но рече дека „сега е неопходно да се обноват состаноците на високо ниво за да се знае каде сме“.

Според најавата на ЕЕАС, Борел и Лајчак утре во Брисел прво одделно ќе разговараат со Вучиќ, а потоа со Курти, по што ќе следи заедничка средба на високите претставници на ЕУ и српскиот претседател и косовскиот премиер.

Маринакис: Постои само едно толкување на ерга омнес

Не може да биде селективно спроведувањето на меѓународното право и тоа е нешто што нема да биде толерирано од грчка страна.

Ние бараме јасно и гласно, без отстапки почитување на договореното и ова е позиција од која нема да направиме каква било отстапка, рече портпаролот на грчката Влада Павлос Маринакис на денешниот редовен брифинг со новинарите и притоа посочи дека постои само едно толкување на ерга омнес, јави дописничката на МИА од Атина.

Одговарајќи на прашањето на МИА за тоа дали Мицотакис ќе му честита на Мицкоски, сега кога и официјално новата Владата положи заклетва, Маринакис посочи дека Грција во рамките на добрососедските односи со сите земји се придржува до протоколите, но и ги повтори грчките позиции.

-Факт е генерално, без да имам конкретна информација, дека нашата земја како држава сака, се стреми кон добрососедски односи, се стреми кон добри односи со сите држави, особено кога се соседни земји, се придржува кон сите протоколи за секоја процедура, без разлика дали е изборен процес или заклетва на Влада. Но, повторувам, бидејќи постојат некои новопојавени погрешни толкување за тоа што значи ерга омнес, јасно е, нема многу толкувања има едно толкување согласно меѓународното право и во овој момент со низа формулации спротивни на меѓународното право, се чини дека новата Влада на С. Македонија не го почитува. Очекуваме да видиме дали ќе усогласи, рече Маринакис.

Паралелно го повтори она шефот на грчката дипломатија Јоргос Герапетритис го посочил на вчерашниот состанок на министрите за надворешни работи на ЕУ дека „однесувањето на Скопје од изборите и потоа е престапното однесување, спротивно на меѓународното право“, но и дека „не постои почитување на обврската за ерга омнес име на државата, како што произлезе по Договорот од Преспа“.

Во однос на можностите за прва тет-а-тет средба на премиерите на двете земји на маргините на НАТО Самитот во Вашингтон за две седмици, на прашањето на дописничката на МИА од Атина, владиниот портпарол одговори дека ако се договори такво нешто ќе биде соопштено, меѓутоа во моментов не знае нешто повеќе.

Медиумите во Грција од доцна синоќа ги пренесуваат ставовите на премиерот Христијан Мицкоски изразени во интервјуто за ТВ24, особено делот во кој ја коментира вчерашната изјава на министерот за надворешни работи на Грција и посочува дека „или не го разбира Преспанскиот договор или погрешно го чита“.

Грчки дипломатски извори за медиумите утрово брифирале дека „правните текстови не се толкуваат врз основа на претпоставената волја и желба на кој било, туку врз основа на нивното писмо и дух, а техничкиот правен термин ерга омнес, кој е јадрото на Договорот од Преспа, не е подложен на апсолутно никакво оспорување“.

притисни ентер