На почетокот на настанот, пред бројните вљубеници во уметноста, се обратија македонскиот амбасадор во Хрватска, Н.Е. Драган Ѓурчевски, директорката на македонскиот КИЦ во Загреб, Мими Ѓоргоска Илиевска, како и авторката на изложбата, Ивана Настеска и членовите на Дуо Скупи, Јета Старова Мехмети и Ермаљ Мехмети.

Во своето обраќање, амбасадорот Драган Ѓурчевски ја истакна важноста на културната дипломатија за зајакнување на пријателските односи и продлабочување на соработката меѓу двете земји, нагласувајќи ја улогата на културата во поврзувањето и афирмацијата на националните културни вредности.

Директорката на македонскиот КИЦ во Загреб, Мими Ѓоргоска Илиевска претставувајќи ги уметниците и нивното творештво се осврна на изложбата „Сцени од ателјето“, истакнувајќи дека „преку специфичната чувствителност на акварелот, неговата непредвидливост и слободата што ја нуди, Ивана Настеска успева да го претвори секојдневното во уметничко доживување и да нè потсети дека убавината често се крие во деталите што ги забележуваме само кога ќе застанеме и навистина ќе погледнеме“. Исто така, во своето обраќање, таа ја потенцираше творечката вредност на „Дуо Скупи“ кои преку истражувањето на звучните можности на флејтата и виолината и долгогодишната заедничка работа градат препознатлив камерно-музички израз.

На отварањето на изложбата Ивана Настеска истакна дека: „ателјето не е само простор во кој се создава уметност, туку и место на тишина, набљудување и разговор со бојата. Токму во таа внимателна средба меѓу уметникот и светот околу него се раѓаат сцените што ги претставувам“.

По отварањето на изложбата посебна атмосфера на вечерта донесе концертот на „Дуо Скупи“, во кој беа поврзани класичната традиција, современото творештво и богатството на македонската и балканската музичка традиција. Внимателно осмислениот репертоар што ги поврзува различните музички епохи и стилови, виртуозната изведба, професионалност, стилска зрелост и длабоко разбирање на камерното музицирање беа наградени со долготрајни аплаузи и бис од публиката.

Настанот се реализираше како дел од годишната програма на македонскиот културно-информативен центар во Загреб, со поддршка на Министерството за култура и туризам на Република Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Локалната самоуправа започна со подготовка на новиот стратешки плански документ од областа на животната средина, во кој ќе се идентификуваат актуелните еколошки предизвици и ќе се понудат решенија за нивно надминување.

„Општина Центар спроведува анкета со која граѓаните можат да ги дадат своите мислења за еколошките проблеми и предлозите за подобрување на животната средина. Вашите одговори се важни за да ги утврдиме приоритетите и да ги насочиме идните активности кон подобри услови за живеење во Општина Центар“, порача градоначалникот Герасимовски.

Анкетата е анонимна, а може да ја пополните на линк: Вклучи се во изработката на новиот Локален Еколошки Акционен План (ЛЕАП 3) за Општина Центар-Скопје | Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во фокусот на разговорите беа билатералната соработка, европската перспектива на нашата земја и поддршката од Франција на нашиот европски пат.

Министерот Муцунски ја истакна цврстата посветеност на Владата на реформските процеси и полноправното членство во Европската Унија, како и потребата од забрзување на процесот на европска интеграција.

На средбата беа разменети мислења и за актуелните регионални случувања и за улогата на нашата земја како одговорен и конструктивен партнер во регионот и пошироко во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.