Шкода го најави новиот спортски Enyaq (ФОТО) - Канал 5

Автомобилизам

Шкода го најави новиот спортски Enyaq (ФОТО)

Škoda штотуку ги претстави новите врвни RS модели, комплетирајќи ја спортската линија со освежениот Enyaq.

Шкода го најави новиот спортски Enyaq (ФОТО)

Новите Škoda Enyaq RS и Škoda Enyaq Coupé RS, заедно со моделот Elroq RS, стануваат најбрзите сериски модели на чешкиот производител, како во однос на забрзувањето, така и во однос на брзината на полнење.

Шкода на одличен начин воведува електрификација во својата гама на возила. Новиот Enyaq RS пристигна опремен со два електрични мотори кои заедно развиваат моќност од 250 kW и погон на сите тркала, новите RS модели забрзуваат од 0 до 100 km/h за само 5,4 секунди. Високонапонската батерија поддржува полнење со моќност до 185 kW, а како нова карактеристика е додадена можноста за двонасочно полнење со еднонасочна струја.

Динамично и практично

„Со моделите Enyaq RS и Enyaq Coupé RS, ги направивме врвните верзии на новото семејство Enyaq уште подинамични, одржувајќи високо ниво на удобност и практичност за секојдневна употреба“, нагласува Јоханес Нефт, член на Управниот одбор на Škoda Auto задолжен за технички развој.

Во меморандумот од производителот се истакнува дека новите RS модели доаѓаат со голем број подобрувања, вклучувајќи прогресивен систем за управување и ревидирана спортска суспензија со оптимизирани поставки на амортизерите. Опционалниот DCC (Динамичка контрола на шасијата) овозможува прилагодување од екстремно спортско до многу удобно возење, додека оптимизираната аеродинамика обезбедува помала потрошувачка и поголем опсег.

Тркала од 21 инч

Визуелно, моделите RS се издвојуваат со препознатливи детали во сјајна црна боја и ексклузивни алуминиумски бандажи со големина до 21 инч. Достапни се две специјални опции за избор на дизајн за ентериерот, RS Lounge и RS Suite. Стандардната опрема вклучува спортска суспензија, најновите LED Matrix фарови и електрично прилагодливо седиште за возачот со функција за меморија и масажа.

Новите модели Enyaq RS поставуваат нов стандард во сегментот на спортски електрични возила, комбинирајќи динамични перформанси со практичност и напредна технологија што ги задоволува потребите дури и на најпребирливите возачи.

Сè уште чекаме цена

Новиот Enyaq RS наскоро ќе биде достапен за нарачка. Неговата цена сè уште не е дефинирана, но треба да биде позната во рок од една недела. Сигурно е само дека ќе оди над 52.000 евра, бидејќи моментално најдобро опремената варијанта Sportline во конфигураторот започнува од 49.300 евра.

Тагови: Шкода спортски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер