Забава

ШК Алкалоид славеше со играчите, пехарите за Николовски и Георгиев

Полувековниот јубилеј клубот ШК Алкалоид го одбележа викендот со организација на шаховски фестивал, во чии рамки се одиграа два турнира – во забрзан и во брзопотезен шах – а на кој имаше играчи од десет европски земји.

Отворањето беше збогатено со мала церемонија, на која низ поздравен говор беше потсетено дека овој клуб има 27 титули од 33 одиграни првенства во независна Македонија, како и една титула европски клупски шампион, а трипати бил и европски вицепрвак. Легендарниот македонски ракометар Кире Лазаров, кој и самиот беше клупски првак со Барселона, го повлече почесниот прв потег на турнирот во забрзан шах.

Речиси 200 играчи настапија на турнирот во забрзан шах, на кој секој играч имаше на располагање време од 10 минути за размислување, плус пет секунди за потег, а победничкиот трофеј го подигна велемајсторот Кирил Георгиев, кој ја предводеше групата играчи на врвот со 9 бода од 11 партии. ВМ Георгиев е поранешен член на ШК Алкалоид и поранешна прва табла на македонската репрезентација, а на овој турнир стигна до првото место без пораз, со седум победи и четири реми. Во последното коло, во мечот кој одлучуваше за победникот, тој го совлада изненадувањето на турнирот Матео Ефтовски од младинскиот тим ШК Мулти Есенс, кој остана на 8 бода и ја одложи сензацијата за некој иден турнир.

Второто и третото место ги освоија ИМ Христос Кралис од Грција и ИМ Ндерим Сарачи од Косово.

Предводник на групата играчи со 8,5 бода е ИМ Дејан Стојановски, кој исто како и на Европското првенство во рапид во Скопје во 2024 година беше најдобар од играчите кои настапуваат под македонското знаме, без пораз на турнирот! Зад него се ФМ Антон Златков, ФМ Лампрос Џаноулакис (Грција) и ИМ Сашо Николов (Бугарија). Зад нив, на делба од 8. до 16. место, беа играчите со по 8 бода, меѓу кои и ВМ Драган Јаќимовиќ, ИМ Филип Панчевски и Матео Ефтовски (кој ја освои специјалната награда за втор најдобропласиран играч во конкуренција, со рејтинг под 2.200 поени).

И во специјалните категории имаше освојувачи на награди од младинците на ШК Алкалоид и на ШК Мулти Есенс, за кои овие турнири беа одличен тренинг во пресрет на државните младински првенства, кои се играат идниот месец. ЖФМ Моника Жежовска беше најдобра во категоријата до 18 години кај девојките. Од другите младинци, Кирил Николовски беше втор во категоријата до 18 години, Благоја Миновски беше најдобар во категоријата за момчиња до 16 години, а Илијана Велева во категоријата за девојчиња до 14 години.

На турнирот во брзопотезен шах, кој се играше во саботата на 4 април, учествуваа 153 играчи, со темпо на игра од три минути за играч и две секунди за потег. По 13 одиграни кола, на врвот се издвои ИМ Никола Николовски со 11 бода, а зад него беа ИМ Ндерим Сарачи и ФМ Мухамет Аслани, двајцата од Косово, и ФМ Антон Златков. Од другите пласмани за издвојување се членовите на ШК Алкалоид ИМ Филип Панчевски и ВМ Роландо Кутиров, кои со освоени 9,5 бода беа на делба на петтото место, додека, пак, на делба на 8. место со по 8 бода се најдоа ВМ Звонко Станојоски, ИМ Дејан Стојановски и ВМ Драгољуб Јаќимовиќ.

ЖФМ Моника Жежовска во оваа конкуренција освои награда за најдобар играч до 18 години, а Никола Бошковски освои награда за најдобар играч во конкуренција на шахисти до 1.800 рејтинг-поени.

ШК Алкалоид продолжува со активностите во текот на целата 2026 година, а следни големи настани за клубот ќе бидат настапот на Светското екипно првенство за сениори над 50 години, кое ќе се одржи во Драч, Албанија, од 18 до 29 април, како и учеството на двајцата млади интернационални мајстори Тони Лазов и Емил Ристески на Европското поединечно првенство за 2026 во Катовице, Полска, од 6 до 20 април.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Како хеликоптерите поскапеа за 30 милиони евра: Мисајловски ја прозваа Петровска

Како за само неколку дена набавката на осумте армиски хеликоптери од италијански „Леонардо“ станала поскапа за повеќе од 30 милиони евра?

Прашањето кое со години ја следи една од најголемите набавки за модернизација на Армијата повторно се врати во фокусот, овојпат откако за договорот што го потпиша поранешната министерка за одбрана Славјанка Петровска јавно проговорија и актуелниот министер Владо Мисајловски и лидерот на СДСМ Венко Филипче.

Дополнителни прашања отвори и министерот за одбрана Владо Мисајловски во „Само интервју“ на Канал 5. Според него, непосредно пред завршувањето на постапката дошло до значително зголемување на вредноста на договорот.

„На неколку дена пред завршување на постапката и потпишување на договорот има една изјава дека цената најмногу се зголемила поради инфлација. Зборуваме за зголемување од 213,7 милиони евра до 245,9 милиони. Ова се прашања што се отворени. Јас не сум обвинител. Легитимно е прашањето како поскапел договорот?“- Владо Мисајловски.

Петровска ги отфрла обвинувањата како неточни и тврди дека одлуката за набавката на хеликоптерите била донесена уште во 2023 година, што, според неа, е документирано во Министерството за одбрана. Таа оценува дека наводите што ги изнесуваат Мисајловски и Филипче се дел од иста теза со која, се прави за да се нарушат нејзиниот углед и репутација во период кога е политички поактивна.

-Не точна е комплетно тезата и тврдењата дека договорот е вклучен спротивно на препорака на комисија и затоа постојат документи и записници во МО, коишто можат да се видат и министерот може да ги декласифицира и објави. Она што е заедничко, затоа што истата теза ја гледам и од Венко Филипче и од Владо Мисајловски. Да повторам дека тоа е човекот кој што го повикувам повеќе од година дена на ТВ. соочување , еве прилика па ги повикам двајцата на тв соочување да ги расчистам сите нејаснотии што ги имаат – вели Славјанка Петровска – Пратеник од СДСМ.

По новите обвинувања, ВМРО-ДПМНЕ денеска побара Јавното обвинителство по допрен глас да го повика Филипче и да ги провери неговите наводи за евентуални неправилности при набавката.

Од Обвинителството за “Канал 5 велат дека во моментов нема оформен предмет за набавката на хеликоптерите. Доколку надлежна комисија или друг орган при проверките утврди сомнение за кривично дело, има обврска тоа да го пријави, по што Обвинителството би можело да постапува.

Досега за случајот предемет единствено отоври Антикорипциска во 2024 година, но никогаш немаше епилог.

Македонија

Платформата која бара промени во СДСМ го доставија нивниот предлог за реформи во партијата

Неодложна и неотповиклива оставка на Венко Филипче од претседателската позиција на СДСМ, итен избор на кредибилна и независна работна група во партијата...

Неодложна и неотповиклива оставка на Венко Филипче од претседателската позиција на СДСМ, итен избор на кредибилна и независна работна група во партијата, која ќе има извршен мандат во определно време и ќе подготви темелни внатрешни реформи во најскоро време, ревизија на изборот и мандатниот статус на актуелните делегати, како и одржување на вонреден конгрес за усвојување на статутарни измени, а откако ќе завршат овие постапки СДСМ да организира фер, слободни и демократски внатрепартиски избори. Ова се главните барања на Платформата „Разговори за иднината во 12 и 5“ содржани во документ од три страни, потпишан од 17 лица, кои јавно ги објавија токму од СДСМ откако Игор Ивановски, Славјанка Петровска и Коста Начевски ги доставија до партиската архива на “Бихакќа”.

-Ти си на потег. Ако продолжиш и понатаму да ја игнорираш реалноста ќе го однесете СДСМ во драматичен пораз од кој ќе биде прашање дали некогаш ќе може да се опорави. Минимум што им должиш на чесните и посветени членови е на заминување да покажеш доблест и политичка големина и дури на своја штета да ја разбиеш широко распространетата перцепција дека не сте пазарени со вака неспособно ВМРО-ДПМНЕ со сторување или несторување да му изработите уште една победа на парламентарни избори, без разлика кога ќе се одржат, стои во документот од Платформата.

Експресно реагираа од СДСМ кои ги споделија документите од внатрепартиската иницијатива, нарекувајќи ги „Платформа ЗНАМ 2.0“. Од партијата соопштија дека и покрај тоа што писмото било означено како „доверливо“, се решиле за целосна транспарентност пред членството и граѓаните. Во барањата за оставка, вонреден конгрес и партиски реформи од Бихаќка гледаат тесни лични и бизнис-интереси на иницијаторите кои, како што велат, одат во прилог на власта и ВМРО-ДПМНЕ.

-Седумнаесет потписи против 18 илјади гласа и против целосно СДСМ. Кафеана против Статут. Шема против партија. ЗНАМ 1.0 или прва верзија ја продаде партијата. Втората бара клучеви. Нема да ги добие. Порака до Платформашите, шемаџиите, ЗНАМ 2.0 и другарите од анти-НАТО, анти-ЕУ и руската партија Левица: Партијата не е на продажба. СДСМ не се предава на аванс. За нас, СДСМ не вреди само 1,6 милиони евра, како за вас. Ние сме за Европа, за вистина и правда, реагираат од СДСМ.

Филипче го одби Планот за консолидација и структурни промени во СДСМ уште пред официјално да биде доставен до партијата. На прес-конференција вчера на поранешните партиски функционери им порача дека „ако сакаат вистински да помогнат да се вклучат во изборниот процес за Брвеница, ако не да му се тргнат од патот...

Тагови: СДСМ

Македонија

Македонија, Грција и Албанија ќе се здружат во иницијатива за впишување на Преспанското езеро на листата на УНЕСКО

Грција, Албанија и Македонија заеднички ќе работат на кандидатурата на Преспанското езеро за вклучување на листата на светско наследство на УНЕСКО.

Иницијативата првично беше покрената од грција во 2014 година, но сега во неа се вклучуваат и Албанија и Македонија, кои го делат езерото со Грција. Процесот ќе биде поддржан и од Европската унија.

Министрите за култура на трите земји — Лина Мендони од Грција, Бленди Гонџа од Албанија и Седат Сулејмани од Македонија — следниот петок ќе се сретнат во грчката општина Преспа, каде што ќе разговараат за следните чекори.

На средбата ќе присуствува и Михалис Рокас, шеф на дипломатската мисија на европската комисија во Македонија.