Шестиот „Анимакс Скопје фест“ од 1 до 4 декември во Кинотека на Македонија - Канал 5

Култура

Шестиот „Анимакс Скопје фест“ од 1 до 4 декември во Кинотека на Македонија

Педесетина анимирани филмови од 28 држави од светот ќе бидат прикажани на шестото издание на Меѓународниот фестивал за анимиран филм „Анимакс Скопје Фест“, кој од 1 до 4 декември годинава ќе се одржува во Кинотека на Македонија. Мотото на фестивалот е „За нагоре“.

Шестиот „Анимакс Скопје фест“ од 1 до 4 декември во Кинотека на Македонија
Директорот на фестивалот Кузман Кузмановски на денешната прес-конференција информира дека годинава пристигнале вкупно 1.527 филмови од 85 држави од светот.

- Од нив, успеавме да одвоиме 43 филмови за возрасни, кои ќе се борат за наградите Златна, Сребрена и Бронзена тула и 11 филмови за деца. Осум се од професионалци направени за деца, а останатите се направени од деца за деца. Акцент и оваа година ставаме на детската програма бидејќи сметаме дека тука се врши соодветна „регрутација“ на идните аниматори, рече Кузмановски.

Ева Камчевска, Диме Ратајковски и главниот селектор Благоја Куновски-Доре, ги избраа 43 куси филмови во официјалната конкуренција за награда и 11 филмови за детската програма.

Тој информира дека има две работилници посветени за децата. Првата е стрип работилница, која ќе се одржи утре, од 17.30 часот со менторите Здравко Гиров и Давор Драмиќанин. Дарија Копиец, аниматорка од Полска ќе одржи тридневна работилница за деца. Таа како техника ќе ја употреби стоп анимацијата, а ќе работи со пластелин. Предвидена е уште една работилница „Слатка материја“ со Николас Бролт, аниматор од Канада, кој прави фигури со леење шеќер. Тој ќе ја земе специјалната награда Гран при што ја доделува Град Скопје за најдобар анимиран филм во рамки на фестивалот.

На последниот дел од фестивалот ќе бидат доделени наградите Златна, Сребрена и Бронзена тула, а за нив ќе одлучува меѓународна жири-комисија составено од Дарија Копиец, Масимилиано Нардули од Рим, програмски директор и селектор на неколку европски филмски фестивали и Жарко Иванов, аниматор од Македонија. Ќе биде доделена и наградата Злтана тула за најдобар детски анимиран филм, а за победникот ќе гласаат децата во четири фестивалски дена.

Македонски претставник во официјалната програма е анимираниот филм „Акт“ на Ацо Станковски. Според Кузмановски, филмот е сериозен кандидат за награда бидејќи прави убава анимација, еден преглед на актот како вечна инспирација на сите автори и како одраз на убавото, божественото.

В сабота, во арт-кафето „Концепт 37“ ќе биде промовиран и зборникот „Опсесија. Перверзија. Бунтовност. Изопачени соништа на централно-европската анимација“ од Михал Бобровски од Полска.

Фестивалот е поддржан од Агенцијата за филм, Град Скопје и Кинотека на Македонија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Судот кој го осуди Тачи, поведе постапка за надомест на штета на жртвите на теророт на лидерите на ОВК

Специјализираните судски совети, кои вчера ги осудија Хашим Тачи и тројцата лидери на ОВК на вкупно 81 година затвор, одлучија да спроведат постапка за обештетување на жртвите во случајот против Хашим Тачи, Кадри Весељи, Реџеп Селими и Јакуп Красниќи.

Судот кој го осуди Тачи, поведе постапка за надомест на штета на жртвите на теророт на лидерите на ОВК

Специјализираните судски совети, кои вчера ги осудија Хашим Тачи и тројцата лидери на ОВК на вкупно 81 година затвор, одлучија да спроведат постапка за обештетување на жртвите во случајот против Хашим Тачи, Кадри Весељи, Реџеп Селими и Јакуп Красниќи, по објавувањето на пресудата на 16 септември, пишува Индекс онлајн.

Според наредбата на Судскиот совет II, постапката ќе се спроведе пред Специјализираните судски совети и, доколку одбраната не поднесе приговори, жртвите нема да бидат упатени да бараат обештетување преку граѓански тужби во судовите.

Според законската рамка, кога обвинетиот ќе биде прогласен за виновен, судскиот совет може да издаде наредба директно против осуденото лице, утврдувајќи соодветна обештетување за жртвите, поединечно или колективно.

Судскиот совет оцени дека не би било соодветно жртвите да бидат упатени во граѓанска постапка.

Во наредбата се наведува дека граѓанските судови во таканареченото Косово, според Советот, не обезбедуваат „ефикасен и реалистичен“ начин жртвите од овој случај да бараат обештетување за злосторствата за кои обвинетите се прогласени за виновни.

Советот, меѓу другото, го зеде предвид фактот дека на учесниците во постапката - жртвите - им е загарантирана анонимност во однос на јавноста.

Во своето образложение, Советот, исто така, оцени дека упатувањето на жртвите до судовите на таканареченото Косово може да ги загрози мерките за заштита утврдени од Специјализираните комори и негативно да влијае на нивното право на обештетување. Според Советот, Специјализираните комори се најсоодветниот форум за утврдување на обештетувањето што произлегува од кривичните дела за кои се изречени казни.

Сепак, овој чекор сè уште не е конечен. На одбраната ѝ беше дадена можност да поднесе приговори на одлуката жртвите да не се упатуваат до судовите на таканареченото Косово до вторник, 22 септември 2026 година. Претставниците на жртвите и Специјализираното обвинителство (ЗЈО) можат да одговорат на приговорите до 25 септември. Доколку не се поднесат приговори, Советот ќе продолжи со постапката за надомест на штета.

Судскиот совет, исто така, постави рокови за поднесување на докази. Претставниците на жртвите треба да го известат Советот до 22 септември за какви било промени во доказите што имаат намера да ги презентираат. Доколку се држат до претходно објавениот план, трите експертски извештаи од д-р Стефан Лерц, извештајот за можните форми на колективна штета и изјавите на жртвите треба да бидат доставени до 7 октомври 2026 година.

Тимовите на одбраната, исто така, треба да известат до 22 септември дали имаат намера да презентираат докази во постапката за штета.

Во меѓувреме, на претставниците на жртвите им е наредено да поднесат конкретно барање за штета до 14 октомври 2026 година. ЗПС и тимовите на одбраната ќе имаат рок до 4 ноември 2026 година да одговорат на барањето.

Во диспозитивот на наредбата, Судскиот совет II потврдува дека ќе ја спроведе постапката за штета и дека ќе издаде наредба за штета во согласност со член 22(8) и Правило 168, под услов одбраната да не се спротивстави.

Наредбата е издадена на 16 септември 2026 година во Хаг од страна на Судскиот совет II, со кој претседава судијата Чарлс Л. Смит III.

Тагови: ОВК Хашим Тачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанев: Сменета единицата за борба против дрогата во Куманово

Директорот на Бирото за јавна безбедност, Александар Јанев, денеска (17.09.2026) оствари работна посета на Секторот за внатрешни работи Куманово.

Јанев: Сменета единицата за борба против дрогата во Куманово

Директорот на Бирото за јавна безбедност, Александар Јанев, денеска (17.09.2026) оствари работна посета на Секторот за внатрешни работи Куманово, каде што во фокусот беа безбедносната состојба и борбата против нелегалната трговија и дистрибуција на дрога и психотропни супстанции на подрачјето на Куманово, Кратово и Крива Паланка.

По 11 недели од формирањето на Работниот тим за борба против дрогата, констатирани се недоволни резултати. Поради тоа, на предлог на директорот Јанев, со одобрение од министерот за внатрешни работи Панче Тошковски, распуштена е регионалната организациска единица во рамки на криминалистичката полиција при Секторот за внатрешни работи Куманово, задолжена за борба против трговијата со дрога.

Сите членови на единицата се разрешени и упатени на други работни места, а на нивно место се поставени нови полициски службеници.

„Во борбата против криминалот нема простор за работа само на хартија. Потребни се конкретни акции, откриени сторители, запленета дрога и разбиени криминални мрежи. Кога резултатите изостануваат, следува одговорност – без изговори и привилегии“, порача Јанев.

Тој најави дека ќе продолжат одлучните чекори секаде каде што ќе биде констатирано неработење или отсуство на резултати, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски на проштална средба со Лосон: Потврдена соработката во борбата против организираниот криминал и илегалната миграција

Проштална средба на министерот Тошковски со британскиот амбасадор Метју Лосон: Потврдена соработката во борбата против организираниот криминал и илегалната миграција.

Тошковски на проштална средба со Лосон: Потврдена соработката во борбата против организираниот криминал и илегалната миграција

Министерот за внатрешни работи Панче Тошковски денеска (17.09.2026) оствари проштална средба со амбасадорот на Обединетото Кралство на Велика Британија и Северна Ирска во Македонија, Н.Е. Метју Лосон, по повод завршувањето на неговиот дипломатски мандат во земјава.

На средбата беше изразено заемно задоволство од досегашната конструктивна соработка меѓу двете држави, со посебен осврт на партнерството во областа на безбедноста и борбата против криминалот.

Соговорниците ја истакнаа важноста на зајакнувањето на институционалните капацитети и координираниот одговор на заедничките безбедносни предизвици, особено во справувањето со илегалната миграција и организираниот криминал, кои по својата природа ги надминуваат националните граници и бараат тесна меѓународна соработка.

Министерот Тошковски му се заблагодари на амбасадорот Лосон за неговиот придонес во унапредувањето на билатералните односи и соработката со Министерството за внатрешни работи, посакувајќи му успех во понатамошниот професионален ангажман.

На крајот од средбата, двајцата соговорници изразија очекување дека воспоставеното партнерство ќе продолжи да се развива и со новиот британски амбасадор, кој треба да ја преземе функцијата во средината на октомври 2026 година, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер