Шеста планинска трка „Чупино зимски вертикал 2024“ - Канал 5

Забава

Шеста планинска трка „Чупино зимски вертикал 2024“

Oд центарот на селото Блатец во близина на Виница вчера стартуваше 6-тата по ред планинска трка на пет километри „Чупино зимски вертикал 2024“  која се трчаше нагоре по стрмна планинска патека во поголем дел со снег до колена.

Шеста планинска трка „Чупино зимски вертикал 2024“

Oд центарот на селото Блатец во близина на Виница вчера стартуваше 6-тата по ред планинска трка на пет километри „Чупино зимски вертикал 2024“ која се трчаше нагоре по стрмна планинска патека во поголем дел со снег до колена, а целта беше на врвoт Чупино на планината Плачковица на 1725 метри надморска височина. Учествуваа околу 130 натпреварувачи атлетичари и планинари од земјава, како и планинари и атлетичари од Бугарија, Косово, Босна и Херцеговина, Унгарија, Полска и Велика Британија.

Првото место во машка категорија го освои Александар Спасов од Бугарија со време 45:46, второто место македонските атлетичари и планинари Златко Карчески и Златко Николов со време 48:31, а трето македонскиот атлетичар и планинар Никола Илиевски со време 51:19. Четвртти е Никола Илиевски со време 51:19, а петти Роберто Димитриевски од АК „Велес“од Велес со време 54:07.

Кај жените сите три места им припаднаа на македонските атлетичарки и планинарки - прва е Вера Урдаревска со време 1:06:18, втора е Марија Пеликон со време 1:06:32, а трета Ангела Величкова со време 1:15:15. Четвртта е Ибадете Вокри со време 1:16:23, а петта Рени Валканова со време 1:16:45.

Кај ветерани жени прва стигна Бугарката Добромира Јанева, а останатите најдобри се македонските планинари - втора е Валентина Узунова, а трета Лидија Арсовска. Кај мажите ветерани прв е Дејан Новковски, втор Душко Кантарџиев и трет Благоја Ацковски.

Дарко Атанасов од здружението „Чупино Траил“ кој шеста година го организира „Чупино зимски вертикал 2024 “ со подршка од Општина Виница и бројни спонзори за МИА информира дека целта им е да ги популаризираат планинарењето, дружењето на чист воздух во планина. Стартот започна на 700 метри надморска височина во селото Блатец, а учесниците се искачуваат со висинска разлика од 1030 метри надморска височина на врвот Чупино кој е на 1725 метри надморска височина. Тој потенцира дека за учесниците освен желба потребен им е и добар тренинг за издржливост и добра кондиција за да се искачи напорната патека по стрмен терен и снег до колена во поголемиот дел, а уште потешко е враќањето назад удолу по стрмен и лизгав терен со снег.

-Секоја година имаме се’ поголем и поголем број на учесници, на оваа трка „Чупино зимски вертикал“ Тоа е потврда дека сме ја постигнале целта да привлечеме што поголем број на учесници кои преку оваа трка ќе ја засакаат планината и дружењето во природа на чист воздух потенцира Атанасов.

Владимир Павлов неговиот колега од истото здружение „Чупино Траил“ информира дека започнале со летна трка „Чупино Траил“ во 2017 годиа во месец август, а по повод Денот на ослободување на Виница, 30 август. Но поради пандемијата се одржале само четири трки низ градските улици на Виница, а шест зимски вертикал кон врвот Чупино.

Како и во изминатите години сите учесници на планински маратон „Чупино зимски вертикал 2024“ кога на враќање се спуштија во селото Блатец добија бесплатно вегетаријанска чорба која ја подготви Борче Пешов и неговата сопруга Оливера.

Тој вели дека бесплатна вегетаријанската чорба на оваа зимска трка подготвува веќе петта година, како и на трката во Штип. Додава дека дека е многу задоволен и среќен што може да нахрани со вкусна зеленчукова чорба учесниците планинари и атлетичари исцрпени по тешкиот планински маратон.

На крајот уесниците, гостите како и домаќините во селото Блатец ги забавуваа групите The Hounds и Mod –heads.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џастин Бибер ќе настапи на финалето на Светското првенство?

Се наведува дека Џастин Бибер е во преговори да настапи на полувремето од финалето на Светското првенство.

Џастин Бибер ќе настапи на финалето на Светското првенство?

Извори од ФИФА велат дека официјалните лица размислуваат да го вклучат во спектаклот што ќе се одржи на 19 јули на стадионот „МетЛајф“ во Њу Џерси, објавува „TMZ“.

Веќе импресивен список на изведувачи

Бибер на тој начин би се придружил на веќе импресивниот список на изведувачи, кој, според најавите, ги вклучува Мадона, Шакира и популарниот јужнокорејски бенд „BTS“. Ангажирањето на канадската ѕвезда за ФИФА би имало смисла и поради неговата неодамнешна поврзаност со турнирот.

Забележан на церемонијата на отворањето

Џастин и неговата сопруга Хејли Бибер беа во центарот на вниманието на церемонијата на отворањето на Светското првенство во Инглвуд пред неколку недели. Во таа прилика, Џастин ги изненади ВИП гостите со интимен настап зад сцената, каде што ја изведе својата песна „Yukon“.

Единствен настап наместо турнеја

Можниот настап на финалето носи интересен пресврт во летото на Бибер. Неодамна беше објавено дека, и покрај шпекулациите, пејачот во моментов не планира турнеја. Сепак, еднократен настап на најголемата фудбалска сцена во светот е сосема друга приказна.

Во медиумите веќе се шпекулира дека би било интересно да се види Бибер како го завршува турнирот, особено ако репрезентацијата на САД продолжи со добрите резултати. Иако Бибер е Канаѓанец и покажа симпатии кон Мексико на церемонијата на отворањето, неговиот настап би бил во согласност со идејата за Светското првенство - собирање на целиот свет на едно место.

Извор: Б92

Тагови: Џастин Бибер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бајден го номинира Трамп за Нобелова награда?

Синот на поранешниот американски претседател, Хантер Бајден, наводно објавил на социјалните мрежи дека го номинирал американскиот претседател Доналд Трамп за Нобелова награда за мир, што некои медиуми го опишаа како „обид за провокација“.

Бајден го номинира Трамп за Нобелова награда?

Како што објави „Хафпост“, Бајден ја претставил својата објава како номинација со иронично објаснување кое се толкува како критика на претходните тврдења на Трамп дека тој ја заслужува Нобеловата награда.

Белата куќа официјално не коментираше за наводното соопштение, а некои извори блиски до администрацијата наводно реагирале со саркастичен тон.

Трамп јавно го изразува своето верување со години дека ја заслужува Нобеловата награда за мир, истакнувајќи ги неговите дипломатски иницијативи за време на неговиот мандат.

Тој, исто така, постојано ги критикуваше одлуките на Нобеловиот комитет, особено откако наградата им беше доделена на други политички лидери.

Објавата на Бајден предизвика широки реакции на социјалните мрежи, при што корисниците ја толкуваа на различни начини, од политичка сатира до обид да се привлече вниманието кон претходните изјави на Трамп за Нобеловата награда.

Нобеловиот комитет не коментираше за поединечните номинации, кои генерално се доверливи.

Тагови: Доналд Трамп Нобелова награда Хантер Бајден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Намалена довербата во рускиот претседател Путин

Довербата во рускиот претседател Владимир Путин се намали за 3,4 процентни поени за една недела, додека одобрувањето на неговата работа се намали за 3,5 процентни поени, според анкетата на руската државна агенција за истражување на јавното мислење.

Намалена довербата во рускиот претседател Путин

Податоците доаѓаат од Рускиот центар за истражување на јавното мислење, или „ВЦИОМ“, објавени од рускиот медиум „Агентство“ на 3 јули.

Медиумите објавија дека довербата во Путин не се намалила толку брзо од почетокот на руската инвазија на Украина, додека неговиот рејтинг на одобрување не се намалил со ова темпо од 2024 година.

Вкупно 73,3% од испитаниците рекле дека му веруваат на рускиот претседател, додека 22,1% рекле дека не. Една недела претходно, тие бројки беа 76,7% и 18,8%.

Во исто време, 66,9% од испитаниците рекле дека го одобруваат работењето на Путин, додека 21,3% рекле дека не го одобруваат.

Една недела претходно, тие бројки беа 70,4% и 19,7%.

Последниот пат кога рејтингот на Путин падна толку брзо беше во август 2024 година, кога тој изгуби 3,5 процентни поени за една недела, објави медиумот.

Фондацијата за јавно мислење, која соработува со Кремљ, исто така забележа влошување во својата проценка на работата на Путин. Нејзините податоци покажаа дека 70% од испитаниците рекле дека Путин добро ја врши работата на власт, што е намалување за 1 процентен поен во однос на претходната недела.

Медиумот рече дека отчитувањето од 70% е најниското ниво од почетокот на целосната инвазија на Русија врз Украина.

Анкетата од јуни 2026 година од рускиот центар Левада покажа дека рејтингот на Путин паднал за 5 процентни поени, од 79% на 74%, објави агенцијата на 2 јули.

Во извештајот, исто така, се вели дека уделот на Русите кои веруваат дека земјата се движи во вистинската насока паднал со рекордно темпо во јуни. Уделот на Руси кои не го одобруваат работењето на Путин, исто така, се зголеми од 15% на 21%, што е највисоко ниво од септември 2022 година, кога започна мобилизацијата, се вели во извештајот.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер