Технологија

Шест знаци дека можеби вашиот телефон е хакиран

Мобилните телефони станаа наше секојдневие. Многу важни податоци се наоѓаат во овоие уреди, па затоа треба да пазиме да не биде загрозена нивната безбедност.

Ова се шест најчесни знаци кои се појавуваат кога некој го хакира вашиот телефон.

Уредот се ресетира сам

Не постои нитуе една причина вашиот телефон сам да се вклучува и исклучува, доколку се е во ред. Значи, доколку вашиот уред се ресетира сам од себе, тоа може да биде знак дека телефонот ви е „заразен“ со некој вирус, или дека е хакиран.

Не можете да го усклучите

Уште еден знак дека телефонот е можеби хакиран е доколку неможете да го исклучите. Наместо да се исклучи кога ќе ја одберете таа опција, често се отвораат различни апликации, осветлувањето ќе се менува само од себе, и слично.

Брзо се загрева

Телефонот често брзо се загрева за време на полнење, но тоа не е страшно доклку се случува само тогаш. Меѓутоа, доколку уредот се прегрева кога не го користите воопшто или кога не е приклучен на полнач, тоа може да значи декабезбедноста на вашиот уред е загрозена.

Непознати броеви во повиците

Кога ќе ја погледнете листата на последни повици, дали ги препознавате сите телефонски броеви? Доколку тоа не е случај, тогаш треба да обратите внимание и да преземете мерки за да бидете сигурни дека телефонот ви е безбеден, пишува „Genmice“. Истото важи и за добивање повици од непознати странски броеви.

Висока потрошувачка на мобилен интернет

Веројатно самите знаете колку интернет имате во вашиот пакет. Сепак, не е лошо повремено да проведувате колку мобилен интернет трошите во апликацијата на својот оператор. Доколку приметите нерегуларносите, тоа може да е знак дека сте хакирани.

Непознати апликации на вашиот телефон

Често се случува на луѓето да им се појават непознати апликации на телефонот. Доколку ова ви се случи, постојат две можни причини за тоа- или имата малвер или некој ви го хакирал телефонот. Во секој случај, ни двете опции не се добри и во двата случаи вашите податоци се загрозени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Најмалку двајца загинати и 26 повредени во автобуска несреќа во Германија- се преврте туристички автобус

Туристички автобус се преврте на автопатот А96 во близина на Бухлое во Баварија рано утрово.

Во несреќата загинаа две лица, а 26 се повредени, од кои едно е во животозагрозувачка состојба.

Несреќата се случила кратко по шест часот, објавува Билд. Во автобусот со италијански регистарски таблички имало помеѓу 40 и 50 патници, членови на туристичка група од Филипините, чија дестинација засега не е позната. Портпаролката на полициската управа на Горна Баварија Северна изјави за Билд дека едно лице починало на местото на несреќата, додека другото им подлегнало на повредите недолго потоа.

Причината се утврдува

Според првичните информации, автобусот слетал од десниот раб на патот без учество на други возила, а потоа се превртел во канал. Шофершајбната била целосно уништена. Државното обвинителство ангажирало експерт за реконструкција на настанот и утврдување на причината за несреќата.

На терен има голем број спасувачи, а хеликоптер прелетал над местото на несреќата. Пожарникарите го обезбедиле превртеното возило со јажиња и дрвени потпори.

„Ги замоливме нашите колеги на терен да ја проценат ситуацијата. Засега можеме само да кажеме дека има многу повредени“, изјави портпаролката, истакнувајќи дека податоците постојано се менуваат. Идентитетот на жртвите сè уште не е објавен. На задната страна од автобусот има рекламен знак „Доверете ни ги вашите потреби за патување“.

Автопатот е затворен во двата правци

Поради несреќата, автопатот А96, кој поминува низ Бухлое и ги поврзува Минхен и Меминген, е целосно затворен за сообраќај во двата правци помеѓу раскрсниците Бухлое-Ост и Ландсберг ам Лех-Вест. Според информациите од автоклубот ADAC, се очекува прекинот да трае најмалку 11 часа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова ќе учествува на 22. Европски самит во Салцбург

Претседателката Гордана Сиљановска-Давкова од денеска престојува во работна посета на Република Австрија, по повод учеството на 22. Европски самит во Салцбург.

Предвидено е претседателката да се обрати на сесијата на тема „Дали Европа (сè уште) е глобален играч?“.

Претседателката ќе оствари средби со претседателот на Институтот на регионите на Европа, Франц Шаусбергер и со гувернерот на сојузната покраина Салцбург, Каролин Етстадлер, а ќе го посети и Глобалниот семинар во Салцбург.

За време на престојот, претседателката ќе ја посети македонската православна црковна општина „Св. Архангел Михаил“ во Халејн.

Европскиот самит во Салцбург е годишен собир во организација на Институтот на регионите на Европа. Настанот обединува водечки политичари, дипломати, експерти и бизнис лидери. Главна тема на самитот годинава е „Европа – суверен глобален играч?“, со фокус на безбедноста на континентот, економската конкурентност, демографските промени и проширувањето на ЕУ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Евакуација во Њу Џерси и прекин на електричаната енергија и авио сообраќајот- силна бура направи хаос во САД (ВИДЕО)

Силна североисточна бура што го погоди источниот брег на САД овој викенд, од Вашингтон до Мејн, предизвика откажување на повеќе од 400 летови и остави повеќе од 100.000 домови и бизниси без струја во еден момент.

Повеќе од 73.000 домови и бизниси во Конектикат, Њујорк, Масачусетс, Њу Џерси, Род Ајленд и Пенсилванија сè уште беа без струја до 21:37 часот по источно време (01:37 GMT) во саботата, според PowerOutage.com, следачот на прекини на електрична енергија.

Само Њујорк и Конектикат имаа повеќе од 20.000 згради без струја

Четири држави, Конектикат, Њујорк, Пенсилванија и Њу Џерси, имаа вкупно повеќе од 100.000 прекини на електричната енергија претходно во текот на денот.

Powerful winds and towering waves are battering the US Northeast, causing flight chaos and blackouts. Flooding has already hit areas like Atlantic City and the Jersey Shore, with officials warning of more rain to come. https://t.co/HCCbbOySHa
— Al Jazeera English (@AJEnglish) September 27, 2026

Поплави и евакуации во Њу Џерси

NJ.com објави поплави во делови од Њу Џерси, од округот Берген на север до округот Кејп Меј на јужниот врв на државата, со доброволни евакуации на некои крајбрежни локации.

Стадионот „МетЛајф“ во Ист Радерфорд објави дека концертот на рок-групата AC/DC, првично закажан за петок, е одложен до 2 октомври.

Доцнења и откажувања на летови

Според FlightAware, до 21:50 часот по источно време (01:50 GMT) во саботата, 445 летови беа откажани на аеродромите во Соединетите Американски Држави, додека 3.016 летови беа одложени.

Метеоролозите предупредуваат: Опасноста трае до понеделник

Националната метеоролошка служба на САД (NWS) соопшти дека моќната бура ќе донесе крајбрежни поплави, опасни бранови, силни ветрови и обилни дождови во регионите на Средниот Атлантик и Нова Англија до понеделник.

Гувернерите на Њујорк и Њу Џерси во петокот прогласија вонредна состојба во окрузите за кои се очекува да бидат најтешко погодени од бурата, вклучувајќи го и Њујорк Сити. Гувернерот на Конектикат го активираше центарот за итни случаи на државата.

Тагови: Њу Џерси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.