Шест работи за Никола Тесла кои можеби не сте ги знаеле - Канал 5

Шест работи за Никола Тесла кои можеби не сте ги знаеле

Големиот научник е „виновен“ за денешното масовно користење на наизменичната струја, а тој и 159 години после неговото раѓање претставува еден од најинтригантните пронаоѓачи.

Шест работи за Никола Тесла кои можеби не сте ги знаеле
Покрај иновациите, Тесла е познат и по своите говори, непатентираните идеи и приказни кои се граничат со фантазијата. Еве неколку не толку познати факти за Тесла.

- Се грижел за екологијата. Тесла повеќе пати изразувал мислење дека луѓето пребргу ги конзумираат земјините благодети. Бил заговорник на обновливите извори на енергија, а работел и на истражувања на природните извори како би се минимизирало влијанието на фосилните горива.

- Роден е во тек на невреме. Иако тој факт бил сфатен како лош предзнак, мајка му на Никола вратила на таа претпоставка со реченицата - Не тој нема да биде дете на темнината туку дете на светлината. Била во право.

- Бил хуманист. Верувал во унапредување на животот на луѓето а не во профит по пат на своите иновации. Токму поради таквите негови уверувања умрел сиромашен и во долгови, напуштен, 1943 година во еден њујоршки хотел.

- Го предвидел безжичниот интернет. Неговата фантазија го одвела далеку. При развојот на трансатланското радио, замислил систем на собрани информации кои се делат по безжичен пат помеѓу уреди кои може да ги собере во човечка дланка.

- Владата на САД ги конфискувала неговите работи. По смртта на Тесла властите ги презеле предметите и документите во негова сопственост. Иако некои работи подоцна им се предадени на семејството во Југославија, а потоа проследени во музејот во Белград, поединечни документи во САД се се уште квалификувани како тајни.

- Пател од опсесивно-компулсивно пореметување и несоница. Научникот тврдел дека дневно му се доволни само 2 часа сон, но не е јасно дали тоа било случај поради болеста или поради неговата волја. ИСто ткаа бил опседнат со бројот 3, користел 18 марамчиња (број делив со 3) за да ја исчисти масата пред вечера. /извор b92.net


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тренчевска: Тошковски одамна требаше да поднесе оставка – уште колку жртви се потребни за одговорност?

Доста е од системски жртви, насилство врз жени, фемциди. 

Тренчевска: Тошковски одамна требаше да поднесе оставка – уште колку жртви се потребни за одговорност?

Доста е од непостапувањата на Министерството за внатрешни работи, заштита на насилници, неказнивост само затоа што некој има врски со оваа криминална власт на локално или на централно ниво. Уште колку жртви се потребни за некој од власта да понесе одговорност?

Панче Тошковски има најголема политичка одговорност за потфрлување на превенцијата за непостапување на МВР и заштита на криминалците. Одамна требаше да си поднесе оставка, а не да чека. Позади секоја жртва на фемцид стојат бројни нерасчистени пријави и непостапувања. Последниот случај со насилството врз Сара од Охрид повторно потврди дека институциите не функционираат, не ја гарантираат безбедноста на жените и служат само како инструмент на власта за заштита од одговорност.

Да не беше брзата гневна реакција на граѓаните, на невладините организации, на СДСМ, ќе ја видевме старата шема на ВМРО. Жртвата во болница и страв за својот живот, а насилникот на слобода поради врски со локалните ВМРО-вски функционери. Затоа го ослободиле да си оди дома. Па откако јавноста гневно реагираше, под притисок се загрижија за себе и реагираа.

Го сменија обвинителот, сменија одлука. Одеднаш им текна на нови околности и го однесоа во притвор. Тоа не е систем. Тоа е партиска контрола која работи по наредби од горе. Има бројни примери - Биљана од Богданци, Росица од Велес, Рамајана од Шуто Оризари, Ивана и нејзината ќерка од Скопје, Сара од Охрид. Безбедноста на жените не смее да биде калкулација на ВМРО.

Мицкоски, Тошковски, Савески - бараме проширување на истрагата. Насилникот од Охрид не е сам. Има родители кои сугерирале да се ослободи од делото и да го заташкаат. Има обвинител кој не постапил. Бараме најстроги казни за насилникот и за сите соучесници кои му помагале да го прикрие делото, доказите, извештаите или ја попречувале правдата.

Бараме одговорност за сите пропусти и санкции за МВР, обвинителство, суд. Како пратеничка група на Социјалдемократскиот сојуз на Македонија и коалиционите партнери бараме итно донесување на заклучоците од надзорната расправа кои ќе овозможуваат функционалност на системот, не со укажување, не со препораки, туку со задолжување на институциите.

Итно ставање на дневен ред на измените на Законот за спречување и заштита од насилство врз жените кои стојат во фиока од август месец. Итна седница на Комисијата за еднакви можности на жените и мажите со присуство на Тошковски и Савески. Како жени нема да молчиме, туку силно ќе се спротивставиме. Нема да прифатиме во Македонија жените да живеат во страв, а насилниците да се чувствуваат недопирливи.

Државата мора да биде посилна од насилството, а институциите мора да бидат на страна на жртвите, рече Јована Тренчевска, пратеничка и потпретседателка на СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Честитка од претседателот на Уставниот суд, Костадиновски до сите граѓани по повод Денот на Уставот

Денеска, 17 ноември одбележуваме 35 години од донесувањето на Уставот.  Денеска ве повикувам сите заедно, секој еден од нас да се обврземе на вистинска посветеност кон уставните вредности.

Честитка од претседателот на Уставниот суд, Костадиновски до сите граѓани по повод Денот на Уставот

Овој значаен јубилеј е потсетник дека силата на Уставот не лежи само во неговите одредби на хартија, туку и во нашата колективна свест, одговорност и посветеност кон вредностите коишто тој ги гарантира.

Лојалноста кон Уставот е наша заедничка должност, а почитувањето на уставните вредности е чин на највисок патриотизам и љубов кон татковината.

Изградбата на правна држава во која владеат правото, правдата и еднаквоста е обврска на секоја генерација. Тоа е најдостоинствениот начин да го почитуваме заветот на нашите предци и да обезбедиме иднина за поколенијата кои доаѓаат после нас.

Да бидеме генерација која со своите дела ќе ја потврди својата верност кон Уставот и ќе придонесе за изградба на слободна, демократска и просперитетна држава.

Нека ни е честит Денот на Уставот!, се наведува во честитката на Дарко Костадиновски, претседател на Уставниот суд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Притвор за семејно насилство во Битола- ја тепал и давел својата девојка, па избегал од полициската станица кога го привеле

Основното јавно обвинителство Битола поведе постапка против едно лице за кривично дело – Телесна повреда од член 130 став 2 во врска со став 1 од Кривичниот законик.

Притвор за семејно насилство во Битола- ја тепал и давел својата девојка, па избегал од полициската станица кога го привеле

Осомничениот, на 10 ноември во неговиот дом, телесно ја повредил неговата девојка. По расправија започнал да ја дави и со тупаници и шлаканици ја удирал по главата и телото.

Јавниот обвинител до Судот достави предлог за определување мерка притвор за осомничениот, особено имајќи го предвид фактот дека тој, откако дознал дека е пријавен, избегал од полициска станица. Ова, според јавниот обвинител, укажува на неговата решеност да го избегне кривичниот прогон, што претставува ризик за непречено водење на постапката, соопштуваат од Обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер