Шест месеци по трагедијата од Кочани- обвинението три месеци во фаза на оценка - Канал 5

Македонија

Шест месеци по трагедијата од Кочани- обвинението три месеци во фаза на оценка

Шест месеци од трагичната несреќа во кочанската дискотека „Пулс“ и три месеци од поднесувањето на обвинението, кривичниот суд се уште нема оценка за него. 

Шест месеци по трагедијата од Кочани- обвинението три месеци во фаза на оценка

Иако уверуваат дека постапката е во завршна фаза, сепак, не прецизираат која е причината за долгото траење. Од таму велат дека примените преговори се во фаза на анализа од советот за оцена, по што треба да биде донесена одлуката.

-Станува збор за обемен обвинителен акт со голем број докази и оштетени лица, како и 39 обвинети правни и физички лица и судот ги презема сите Законски обврски за навремена оцена со доследно почитување на правата на странките. – велат од Судот.

За дел од правниците пак, ваквиот тек на настаните не е изненадување. Долгиот процес за оценка на обвинението според адвокатот Јанаки Митровски е пред се, поради бројот на обвинети, но и истрагата која опфаќа дејствија од 2012 година.

-Лаичката јавност сигурно дека се чувствува како да стои во место работата поради проток на шест месеци. Но, и претходно, не само јас туку и повеќето кривичари предупредувавме дека така широка истрага кон толку многу лица со враќање назад до 2012 година со дејствија кои тешко можат да се поврзат со пожарот ќе доведе токму до ова, до одолговлекување на постапката. / Педесетина обвинети, педестина обвинети имаат минимум педесет адвокати, некои и по два тројца, по добро утро да каже секој од нив ќе ја обремени постапката,- - Јанаки Митровски – Адвокат.

Универзитетскиот професор Гордан Калајџиев пак, вели дека според него, обвинението како што било изготвено е неодржливо.

-Нема правник што не искоментира дека ваквото обвинение како што беше стокмено практично низ истрагата за сите наназад со години да одговараат за директно учество во кривичното дело предизвикување опасност е неодржливо и ова компликување е резултат најверојатно на политичка нарачка која сега носи правни компликации. Усилено е обвинението, политички усилено и правно компликувано. Тоа што е проблем е што сега нема таков јунак сега кај судиите за тоа што сите правници го мислат дека ова обвинение не може да издржи критика да каже дека ова обвинение не може да оди на судење,- - Гордан Калајџиев – Универзитетски професор.

Во овој случај обвинети се 35 лица, а дополнително се уште трае истрагата за 27 осомничени полициски службеници и функционери. Од обвинителствоот за гонење на организиран криминал што е надлежно за нив, велат дека активно постапуваат и ги преземаат сите неопходни дејствија во рамките на своите надлежности, но кога же биде донесена јавнообвинителска одлука се уште не соопштуваат.

YouTube video

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Најголем број на странски туристи во земјава се турски државјани, по нив се граѓани на Србија

Најголем број на странски туристи во земјава се турски државјани, по нив се граѓани на Србија

Најголем број странски туристи во септември во земјава дошле од Турција - вкупно 27.933. По нив во бројност се туристите од Србија со 8.358, потоа од Германија со над 6.000 и Полска со над 4.600 туристи.

Вкупно 136.305 туристи се евидентирани во земјава во септември годинава, а од вкупниот број туристи, скоро 25 проценти биле домашни, додека 75 проценти биле странски туристи.

Споредбено со периодот јануари – септември 2025 година, вкупниот број туристи е зголемен за 3 проценти притоа, бројот на домашните туристи бележи раст од 2,8 проценти, а на странските за 3 проценти, покажуваат податоците на државниот завод за статистика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пилешка салата

Во четврток (05.11.2026) во емисијата гостин ни бeше Иван Милевски.

„Гответе со Дракче“ - Пилешка салата

Состојки за денешниот рецепт:

250 гр. пилешки стек

5 - 6 кисели краставички

100 гр. сусам

150 гр. мајонез

масло

сол, бибер и др. зачини по избор

Прилог

потпечени лепчиња и шери домати

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лашкоска во Радовиш: Со инвестиции во водната инфраструктура до побезбедна животна средина и подобри услови за граѓаните

Заменик-министерката за животна средина и просторно планирање, Ане Лашкоска, денеска престојуваше во работна посета на Општина Радовиш, каде што оствари средба со градоначалникот Љупче Почивалец

Лашкоска во Радовиш: Со инвестиции во водната инфраструктура до побезбедна животна средина и подобри услови за граѓаните

Заменик-министерката за животна средина и просторно планирање, Ане Лашкоска, денеска престојуваше во работна посета на Општина Радовиш, каде што оствари средба со градоначалникот Љупче Почивалец, на која се разговараше за реализацијата на тековните и планираните инфраструктурни проекти, како и за натамошното унапредување на соработката меѓу Министерството за животна средина и просторно планирање и локалната самоуправа во општина Радовиш.

Во рамките на посетата, заменик-министерката Лашкоска и градоначалникот Почивалец извршија увид во реализацијата на проектот за уредување на речното корито на Ораовичка Река, за кој Министерството за животна средина и просторно планирање, преку Програмите за води за 2025 и 2026 година, има обезбедено 12 милиони денари. Реализацијата на овој проект има особено значење за подобрување на заштитата од поплави, намалување на ризиците од излевање на реката и унапредување на безбедноста на населението и околните имоти.

Посебно внимание на работната средба беше посветено и на планираниот проект за изградба на водоводна, фекална и атмосферска канализациска мрежа во Урбан блок 15 во Радовиш, чија реализација е предвидена со финансиска поддршка од Министерството за животна средина и просторно планирање. Овој инфраструктурен зафат претставува важен чекор кон подобрување на комуналните услуги, обезбедување посигурно водоснабдување и поефикасно управување со отпадните и атмосферските води.

На средбата беше нагласено дека успешното спроведување на инфраструктурните проекти бара континуирана координација и партнерство меѓу централната и локалната власт, со јасно утврдени приоритети кои произлегуваат од реалните потреби на населението.

„Граѓаните не ја мерат успешноста на институциите само според вложените средства, туку според подобрувањата што ги чувствуваат во своето секојдневие. Токму затоа, секој реализиран проект, секој метар изградена водоводна или канализациска мрежа и секое уредено речно корито за нас претставуваат вложување во нивната сигурност, здравје и поквалитетен живот. Нашата цел е инвестициите во животната средина да бидат видливи преку конкретни придобивки за граѓаните и да создаваат трајни вредности за идните генерации“, истакна заменик-министерката Лашкоска.

Во таа насока, Министерството за животна средина и просторно планирање и во 2027 година ќе продолжи да ја развива соработката со Општина Радовиш, со фокус на реализацијата на приоритетните инфраструктурни проекти, одговорното управување со водните ресурси и натамошното подобрување на условите за живот на локалното население.

МЖСПП посветено работи преку континуираните инвестиции, одговорното управување со природните ресурси и партнерството со локалните самоуправи, создава долгорочни решенија за еколошките и инфраструктурните предизвици, со јасна цел – побезбедни населени места, почиста животна средина и подобар квалитет на живот за сегашните и идните генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер