Сексуалната привлечност не настанува во спалната, на блискоста и желбата влијаат и начинот на кој партнерот се однесува во текот на денот, вниманието што си го даваат еден на друг, но и атмосферата што му претходи на интимниот чин. Понекогаш е доволен само еден погрешен потег за желбата потполно да се угаси.

Ова се најчестите грешки што би требало да ги избегнувате.

Недостаток на предигра

Ова не е само физичка подготовка за интимниот чин, туку и начин на поврзување на партнерите.

Кога некој брза или целосно ја прескокне предиграта, другата страна може да има чувство дека фокусот е на самиот чин, а не на заедничкото искуство. Нежните допири, бакнежите, гушкањето и малото внимание често имаат големо влијание врз чувството на блискост и пожелност.

Лоша хигиена

Привлечноста може веднаш да ја снема доколку партнерот не води сметка за личната хигиена. Непријатниот мирис на телото, неизмиените заби, потта или неуредноста може комплетно да го уништат моментот. Туширањето, свежата облека и основната грижа за хигиената не се само прашање на изглед, туку и знак на почит кон личноста со која ја делите интимноста.

Расправија непосредно пред сексот

Партнерите тешко е се опуштаат и препуштаат на блискоста ако помеѓу нив постои лутина и нерешени проблеми. Критиката, подигањето на тонот и меѓусебното обвинување целосно ја гаси желбата. Емоционалната поврзаност е дел од сексуалната привлечност, па искрениот разговор и смирување на тензиите често мора да претходат на интимата.

Користење на мобилниот телефон

Проверувањето на пораки, социјални мрежи или електронска пошта од работа во моментот кога вниманието би требало да биде насочено кон партнерот може да остави впечаток на незаинтересираност. Едноставен гест, како оставање на телефонот, покажува дека заедничкиот момент е важен и допринесува кон чувството на поврзаност.

Притисок и брзање

Желбата треба да биде обострана и да не делува како обврска. Инсистирањето, наговарањето или брзањето на партнерката кога не е расположена може да има сосема спротивен ефект и дополнително да ги оддалечи партнерите. Трпението, разбирањето и почитувањето на чувствата создаваат атмосфера во која двајцата партнери се чувствуваат пријатно.

Неспретен почеток на интимноста

Начинот на кој партнерот ја почнува блискоста може многу да влијае на расположението. Несоодветните шеги, грубите зборови или директните барања без романтика одбиваат многу жени. Наместо тоа, допирот, комплиментот, бакнежот или искрената желба често создаваат подобра атмосфера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.