Свет

Шест години држел жена како сексуална робинка- обвинет е познат фудбалски агент

Поранешниот фудбалски супер агент Џонатан Барнет, познат по својата улога во огромниот трансфер на Гарет Бејл во Реал Мадрид, се соочува со сериозни обвинувања за сексуално и психолошко злоставување, според тужбата поднесена во калифорнискиот суд.

Според граѓанската тужба, Австралијка, идентификувана како Џејн Доу, го обвинила Барнет дека ја држела како сексуална робинка, постојано ја силувал и ја мачел помеѓу 2017 и 2023 година. Таа наводно го дава својот прв јавен исказ за настаните во судските документи.

Според тужбата, Барнет наводно се заканувал дека ќе ги убие членовите на нејзиното семејство, поради што, според нејзиниот адвокат, таа продолжува да живее во постојан страв. Барнет, 75, е исто така под кривична истрага во Обединетото Кралство по истите обвиненија.

Обвинетиот ги негира сите обвинувања и ја води правната битка во Централниот окружен суд во Калифорнија.

Во тужбата се тврди дека Барнет имал целосна контрола врз животот на жената, принудувајќи ја да ги следи строгите правила, да се вклучува во комерцијални сексуални активности и да се самоповредува. Таа, исто така, тврди дека тој ја принудил да бара други жени во Лос Анџелес за кои вели дека би се вклучиле во слични активности.

Жената понатаму тврди дека Барнет има снимки и фотографии од тоа како е принудена да изврши она што таа го нарекува „понижувачки и дехуманизирачки дејствија“, како и материјал што бил создаден по наводните физички напади.

Наводните пораки на WhatsApp меѓу неа и Барнет беа доставени како дел од судските докази, вклучувајќи една во која тој напишал, според тужбата, „Мојата робинка денеска беше одлична“.

Во тужбата, исто така, се наведуваат Агенцијата за креативни уметници (CAA) и нејзината поранешна подружница CAA Stellar како ко-обвинети. Тужителот тврди дека агентот Барнет ја искористил својата позиција за да ја претвори агенцијата во средство за трговија со ранливи жени. CAA ги негира сите обвиненија и вели дека нема деловни односи со тужителот.

И Барнет и CAA признаваат дека постоел личен однос меѓу Барнет и жената за време на периодот, но негираат какво било кривично дело. Тие, исто така, ја оспоруваат надлежноста на американскиот суд, велејќи дека повеќето од средбите се случиле во Лондон.

Барнет го ангажираше познатиот холивудски адвокат Мартин Сингер и претходно изјави дека очекува да биде целосно ослободен од сите обвиненија.

Тагови: агенти робинка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Плутон го губи статусот на планета

Плутон беше една од деветте планети во Сончевиот систем во текот на 20-тиот век. Иако е откриен во 1930 година, за неговото постоење се претпоставувало и претходно.

На овој ден во 2006 година, Меѓународната астрономска унија го прекласификуваше Плутон само како џуџеста планета и го редефинираше бројот на планети во Сончевиот систем.

Плутон бил откриен во опсерваторија во Аризона. Клајд Томбо поминал една година во потрага по претпоставената деветта планета. Децении претходно, Персивал Ловел го предложил постоењето на деветта планета – која ја нарекол „Планета X“ – но не успеал да ја открие. По 14 месеци потрага, Томбо конечно го забележал големото небесно тело. Името му го дала Венеција Барни, млада девојка од Англија.

По откривањето на „Планета X“, таа предложила таа да го носи името на римскиот бог на подземниот свет. Нејзиниот дедо бил член на академската заедница, која го прифатила новото име, исто како и самиот Томбо. Дополнителна причина за изборот била тоа што првите две букви од името се совпаѓале со иницијалите на Персивал Ловел.

Планетата веднаш беше прифатена како деветта планета во Сончевиот систем, иако нејзиниот дијаметар изнесува само 2.377 километри – што ја прави помала од Земјината Месечина. Тоа беше значајно откритие, а Плутон стана симбол на мистериите во оддалечените предели на Сончевиот систем.

На почетокот на 21-от век, астрономите открија бројни објекти во Кајперовиот појас – регион од Сончевиот систем што се наоѓа зад орбитата на Нептун – од кои некои беа дури и поголеми од Плутон.

Ова откритие поттикна преиспитување на статусот на Плутон како планета. Ширум светот се водеа дебати за Плутон, кои кулминираа на 24 август 2006 година, за време на состанокот на Меѓународната астрономска унија во Прага. Таму беше утврдено дека планета е небесно тело што кружи околу Сонцето, поседува доволна маса за да добие сферичен облик и ја има „исчистено“ својата орбита од други објекти.

Плутон не го исполни овој последен критериум; следствено на тоа, тој беше прекласифициран во џуџеста планета, а од тој ден, Сончевиот систем официјално се состои од само осум планети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Младите до 16 години да не користат социјални мрежи- нов предлог закон во Нов Зеланд

Пратениците во парламентот во Нов Зеланд ќе го разгледува поднесениот предлог закон за забрана на користење социјални мрежи за помлади од 16 години.

Предлогот ќе ги обврзе платформите на социјалните мрежи да преземат разумни мерки за проверка на возраста на корисниците. Меѓу можните алатки се користење на веќе достапни податоци за корисничките сметки, технологија за препознавање лица и документи за дигитален идентитет.

За непочитување на обврските, платформите би можеле да бидат казнети со глоба до десет проценти од нивните глобални приходи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.