Шер ги збуни фановите со искрената изјава: Никогаш не сум го сакала својот глас - Канал 5

Шоу биз

Шер ги збуни фановите со искрената изјава: Никогаш не сум го сакала својот глас

Музичката икона Шер докажа дека самата си е најлош критичар.

Шер ги збуни фановите со искрената изјава: Никогаш не сум го сакала својот глас

Легендарната пејачка откри дека никогаш не била љубител на „својата музика или нејзиниот пеачки глас“.

- Не сум обожавател на Шер, но сакам да го работам тоа што го работам - изјавила таа за магазинот Paper во интервју објавено вчера.

- Едноставно никогаш навистина не ми се допаѓаше мојот глас. Да можев да изберам, веројатно би го сменила, но немав избор - додаде таа и објасни дека мислела дека тонот на нејзиниот глас е „чуден“.

Таа вели дека „не звучи како маж, но не звучи ниту како жена“. Својот глас го смета за „нешто измеѓу“, пишува Page Six.

- Имам чуден стил, буквата Р не ја изговарам понекогаш. „Претпоставувам дека некои согласки тешко се пеат, па морам само да ги оставам отворени“, рече таа. И покрај децениската кариера на врвот на топ листите, 77-годишната Шер додаде дека не е секогаш задоволна со многу нејзини хитови.

- Направив толку многу албуми, а некои од оние за кои мислев дека се добри, не беа хитови. Од друга страна, оние за кои не бев баш возбудена беа, рече таа. Инаку Шер до крајот на годинава ќе издаде нов албум од кој е „задоволна“. Таа го снимила албумот наречен „Божиќ“ со нејзиното 37-годишно момче Александар „А.Е.“ Едвардс.

Да потсетиме, Шер се стекна со слава во шеесеттите години со нејзиниот ментор и прв сопруг Сони Боно, кого го запозна кога тој имаше 28, а таа само 16. Се разведоа во седумдесеттите, откако поднела барање за развод. По гласините дека е во врска со Едвардс, Шер преку Инстаграм потврди дека се пар. А кога еден корисник на Твитер ја истакна нивната голема разлика во години, Шер одговори со коментар: „Љубовта не знае математика“.

Во минатото Шер беше позната по врските со помлади мажи, како што е Роб Камилети, со кого се забавуваше во осумдесеттите, кога таа имаше 40, а тој 22 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кремљ: Москва нема да поставува услови за европскиот преговарачки тим

Москва нема да поставува услови за составот на европскиот преговарачки тим, изјави во саботата портпаролот на Кремљ, Дмитриј Песков. „Не можеме и не сакаме да поставуваме услови за нивниот преговарачки тим.

Кремљ: Москва нема да поставува услови за европскиот преговарачки тим

Таквиот пристап е сосема погрешен“, рече Песков.

Европската унија веќе некое време дискутира за назначување на специјален пратеник за да се обезбеди директно европско претставување во идните мировни преговори. Песков, за потсетување, на 25 октомври изјави дека Русија ќе го поддржи назначувањето на преговарач на ЕУ, под услов пратеникот искрено да работи на постигнување мирно решение.

Неколку имиња

Финскиот претседател Александар Стуб и чешкиот претседател Петр Павел се споменуваат како можни кандидати. И покрај ова, Европската унија сè уште нема ниту договорен преговарач, ниту заеднички став за тоа кога треба да започнат директните преговори.

Украинскиот претседател Володимир Зеленски изјави во саботата дека Европа мора да биде на преговарачката маса во следната рунда преговори заедно со САД, Украина и Русија. Тој исто така рече дека Украина очекува одлука од своите европски партнери за тоа кој ќе ја претставува Европа до крајот на ноември.

Извор: Индекс.хр

Тагови: кремљ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Илјадници луѓе излегоа на улиците во Португалија: „Нема да ни ги украдете домовите“

Илјадници луѓе денес излегоа на улиците во 32 градови низ Португалија, барајќи итна акција од владата за решавање на влошената криза со домувањето во земјата.

Илјадници луѓе излегоа на улиците во Португалија: „Нема да ни ги украдете домовите“

Протестите беа организирани од платформата „Каса пара вивер“ (Дом за живеење) под слоганот „Тие нема да ни го украдат правото на дом“. Митинзите се одржаа во Лисабон, Порто, Фаро, Портимао, Коимбра, Брага и други градови.

Барање за контрола на киријата и поголема заштита на станарите

Демонстрантите бараат построга контрола на киријата, поголема заштита на станарите од иселувања и поголеми инвестиции во изградба на достапни јавни станови. Тие исто така бараат повлекување на предложените измени во законот за станови за изнајмување.

Рита Силва, портпаролка на платформата „Каса пара вивер“, изјави за новинската агенција Луса дека протестите низ целата земја покажуваат дека кризата со домувањето не ги погодува само големите градови, туку цела Португалија.

Платформата, која обединува околу 100 здруженија за домување и локални организации, исто така бара построги правила за договорите за изнајмување, празните имоти, краткорочните туристички изнајмувања и сузбивање на шпекулациите со имоти.

Владата предлага измени во законот за изнајмување

Протестите се случија откако парламентот во принцип го одобри предлогот на владата за измена на законот за изнајмување. Предложените измени би овозможиле поголема флексибилност во договорите за изнајмување и би ги забрзале процедурите за иселување.

Активистите за правата на домување предупредуваат дека промените би можеле дополнително да ја ослабат заштитата на закупците во време на зголемување на кириите и намалување на достапноста на станови.

Активистите го повикуваат премиерот на разговори

На националните протести им претходеше состанок меѓу португалскиот претседател Антонио Хозе Сегура и активистите за правата на домување во петокот.

Претставниците на платформата „Каса пара вивер“ го поздравија состанокот и го повикаа премиерот Луис Монтенегро лично да се вклучи во разговори со нивното движење.

Тагови: Португалија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

51. Марш на ангелите во Кочани: Маршираме за сите невини жртви во трагедиите што ја завија Македонија во црно

Вечерва во Кочани родителите на жртвите во дискотеката „Пулс“ го одржаа 51-от Марш за ангелите.

51. Марш на ангелите во Кочани: Маршираме за сите невини жртви во трагедиите што ја завија Македонија во црно

Во дел од своите обраќања порачаа дека денеска освен за 63-те ангели кои загинаа во дискотеката, маршираат и за сите невини жртви што ја завиле Македонија во црно, како трагедиите во модуларната болница, Ласкарци, автобусот на Беса Транс. Им оддадоа почит и на жените и девојките чии животи како што посочија, насилно биле прекинати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер