Шекспировиот „Отело“ - нова премиера на Турски театар-Скопје - Канал 5

Култура

Шекспировиот „Отело“ - нова премиера на Турски театар-Скопје

Турски театар-Скопје утревечер на малата сцена во „Театар Комедија“ премиерно ќе ја изведе претставата „Отело“ од Шекспир во режија на Дејан Пројковски, кој со овој ансамбл има неколку соработки почнувајќи од првата пред десетина години кога ја постави „Гилгамеш“.

Шекспировиот „Отело“ - нова премиера на Турски театар-Скопје

На прес-конференција денеска режисерот рече дека трагедијата „Отело“ е продолжение на лабораторијата за антички театар од неговата претходна претстава во овој театар - „Прометеј“. И овојпат се работи за театар на движења - шестемина актери играат во вода во мал базен, така што претставата се занимава и со издржливоста на актерското тело, а соработник во градењето на специфичните сценски движења, како и во „Прометеј“, повторно му е кореографката Олга Панго.

- Создадовме претстава која е жестока, сурова и радикална и сето тоа е содржано во актерската игра. Нашата „Отело“ во основа го има актерот. Водата во која се случува претставата е метафора на раѓањето, обидот за миење на гревовите, самата вода е и брачна постела, водата во која се извршуваат убиствата, стигнувајќи на крајот до дождот кој можеби се и солзите на Дездемона, рече Пројковски, додавајќи - водата ја носи и пораката дека најголемото зло во човекот и најголемиот отров во неговиот организам е мислата, таа ги создава конструкциите во главата.

Панго додаде дека имале макотрпен процес на подготовка зашто просторот во кој играат е вода при што телото, како што рече, е максимално искористено. - Актерите на едно лизгаво, неприродно тло до максимум се обидоа да ги дадат своите физички и играчки способности. Мислам дека со Пројковски повторно направивме еден чекор напред и ги турнавме границите за да внесеме новитет во македонскиот театар, истакна Панго.

Актерот Џенап Самет, кој го игра насловниот лик, рече дека имале прекрасен и претежок процес во речиси три месеци подготовка. - Успеавме да направиме лабораторија и да излеземе од некои наши граници и од она што мислевме дека е нашиот максимум, рече Самет.

Во улогата на Јаго ќе настапи актерот Селпин Керим кој го играше Прометеј во претставата на Пројковски, а претходно и во „Ромео и Јулија“. Рече дека со нетрпение ја чекал нивната нова соработка и дека новиот заеднички проект го прави да се чувствува привилегирано.

Ликот на Дездемона ќе го игра актерката Сузан Акбелге, Осман Али ќе настапи како Касио, Зубејде Али, која играше и во „Ромео и Јулија“ на Пројковски, ќе настапи како Емилија, и Неат Али во улогата на Родриго. Музиката за претставата е на Горан Трајкоски, сценограф е Татјана Христоска-Блажевска, а костимограф е Тања Кларис.

Како што рече Пројковски, таа направила костими за сегашноста, за ова време и простор, без историски контекст. - Претставата се обидува да го живее мигот, а бидејќи се игра во вода - прва и најважна работа е костимите да се удобни, рече режисерот.

Директорот на Турски театар-Скопје Атила Клинче истакна дека антологиски стануваат претставите на Пројковски кој петти пат режира во нивниот театар, а во однос на новитетите што овој режисер ги прави токму на нивната сцена, рече дека Турскиот театар колку е традиционален, толку е и модерен и авангарден.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Мора да имаме демократски капацитет, ако сакаме да ја имаме довербата

Претседателот на ВМРО-ДПМНЕ и премиер, Христијан Мицкоски , се обрати на трибината на Унијата на жени на ВМРО-ДПМНЕ.

Мицкоски: Мора да имаме демократски капацитет, ако сакаме да ја имаме довербата

Мицкоски се обрати на настанот по повод 15 септември - Меѓународниот ден на демократијата во организација на Унијата на жени на ВМРО-ДПМНЕ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Граѓаните воодушевени: Работници асфалтирале погрешна улица, ја сфатиле грешката по 350 метри

Во Илмајоки, во финската покраина Јужна Остроботнија, дел од патот бил асфалтиран по грешка, иако работата на тој дел воопшто не била планирана.

Граѓаните воодушевени: Работници асфалтирале погрешна улица, ја сфатиле грешката по 350 метри

Изведувачот ја забележал грешката дури откако бил отстранет стариот асфалт и ја известил општината за тоа, пишува Yle.fi. Сепак, било одлучено да се заврши работата, и тоа по малку пониска цена од првично договорената.

Новиот асфалт бил нанесен на улицата Ојанперантие, во близина на центарот на Илмајоки, во должина од нешто повеќе од 350 метри.

Техничката комисија одлучила да ги покрие трошоците, кои изнесуваат околу 30.000 евра, од средства наменети за проекти за подобрување на безбедноста во сообраќајот. Овој непланиран дополнителен трошок нема да ја загрози имплементацијата на другите делници чие асфалтирање веќе било планирано во програмата.

Општина Илмајоки изјавила за Yle.fi дека грешката, меѓу другото, се должи на промената на името на улицата.

Веста за случајот го привлече вниманието на медиумите кон неколку стотици метри пат во мирна станбена област, што го натера техничкиот директор на општина Илмајоки, Паво Перела, да се обрати до јавноста, велејќи дека делницата привлекла позитивно внимание кон општината.

„Сега имаме улица која е национално многу важна поради својот асфалт“, се пошегува тој, коментирајќи го интересот на медиумите.

Перела, сепак, не верува дека она што се случило била грешка во вистинската смисла на зборот. Тој вели дека станува збор за забуна или еден вид позитивна случајност, но во никој случај не било ништо лошо.

„Ова е ситуација во која сите добиваат. Жителите, општината, а можеби дури и изведувачот кој ја направил забуната, имале корист“, рече Перела.

Мамихентије, улицата која првично требаше да се асфалтира, исто така доби нова асфалтирана површина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се трага по 129 луѓе од превртениот ферибот во Индонезија, најмалку шестмина загинаа (ВИДЕО)

Индонезиските власти ја засилија потрагата по 129 лица кои се водат како исчезнати откако траект се преврте во бури во Јаванското Море во неделата. Најмалку шест лица загинаа во несреќата.

Се трага по 129 луѓе од превртениот ферибот во Индонезија, најмалку шестмина загинаа (ВИДЕО)

Тракетот „Вирго Транспорт 8“ превезувал повеќе од 240 лица кога капетанот издал повик за помош, велејќи дека бродот се навалува во бурно море со бранови високи до три метри поради силни бури. Траектот пловел од Сурабаја, покраина Источна Јава, до Банџармасин, покраина Јужен Калимантан, на островот Борнео.

Контактот со траектот бил изгубен околу 2 часот наутро во неделата, а властите биле известени околу два часа подоцна дека бродот се превртел во водите на Масалембо, во Јаванското Море, на околу 92 милји (148 километри) од Банџармасин, објави Асошиејтед Прес.

Снимките објавени од Националната агенција за пребарување и спасување во неделата го покажаа превртениот ферибот како плови во бурно море додека хеликоптер го бараше исчезнатиот човек.

Нуркачи и подводни дронови во потрага

Во понеделник, во потрагата беа вклучени 17 бродови и авиони, со околу 655 припадници на војската, полицијата и другите служби, изјави Мохамед Сијафи, раководител на Националната агенција за пребарување и спасување.

Властите, исто така, распоредија специјализирани подводни тимови, како и подводни термални дронови управувани од морнарицата, за да го засилат пребарувањето и да го забрзаат пребарувањето и евакуацијата на жртвите.

„Сè уште се надеваме дека ќе најдеме повеќе преживеани“, рече Сијафи за време на видео брифинг.

Спасувачките екипи, со помош на блиските реморкери и други бродови што минуваа низ областа, спасија 108 лица во неделата, додека шест тела беа пронајдени.

Според податоците од бродот, фериботот превезувал 243 лица - 213 патници и 30 членови на екипажот, иако во Индонезија е вообичаено вистинскиот број на патници да се разликува од официјалните бројки. Фериботот долг 119 метри, изграден во Јапонија во 1987 година, превезувал и 89 возила.

Причината за несреќата сè уште не е утврдена.

Преживеаните опишуваат моменти на ужас

Еден преживеан, Ахмад Сауди, рече дека фериботот изгледал преполн и дека многу патници морале да спијат во ходниците и заедничките простории бидејќи кабините биле полни.

Сауди, возач на автобус кој патувал со возилото што го превезувал, се сетил на моментот кога фериботот одеднаш почнал да се навалува, предизвикувајќи паника кај патниците додека силните бранови се удирале во бродот.

Патниците првично се обиделе да се држат за блиските предмети, но потоа почнале да се движат кон повисоката страна на бродот бидејќи навалувањето се зголемило. Сауди шпекулирал дека фериботот можеби бил неурамнотежен од камиони натоварени од едната страна.

„Жените во кабините од економска класа веројатно не преживеале бидејќи фериботот се навалувал толку брзо“, рече Сауди.

Тој рече дека немало аларм или предупредување до патниците за тоа што се случува, па затоа многумина во кабините можеби немале доволно време да излезат.

Друг преживеан, Фаисал, рече дека тој и уште 14 патници се држеле за делот од превртениот ферибот што бил над водата.

„Кога бродот почна да се навалува, луѓето паничеа и истрчаа кон горната палуба, но фериботот на крајот целосно се преврте. Ние 14-те бевме заробени таму“, рече тој.

Групата, додека чекаше спасување и се бореше со исцрпеност и силни бранови, постојано го рецитираше исламскиот повик за молитва, или езан. Фајсал подоцна беше однесен од бранот до чамец за спасување, што, според него, му помогнало да преживее.

Индонезија е архипелаг од повеќе од 17.000 острови, што ги прави фериботите едно од најчестите средства за транспорт. Несреќите се случуваат редовно, делумно поради лошото спроведување на безбедносните стандарди.

Тагови: индонезија ферибот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер