Забава

Шекил О’Нил откри како го намалил стомакот со посебна диета

Во едно неодамнешно интервју за GQ, Шекил О'Нил рече дека ја променил исхраната и почнал да користи елипсовидна машина за вежбање откако сфатил дека салото на стомакот минува преку панталоните.

„Се разбудив, отидов на работа, јадев што ќе ми дојде при рака. Не обрнував внимание. Еден ден погледнав надолу и си помислив: „По ѓаволите, стомакот ми е над половината“, се сеќава тој.

50-годишникот изгубил нешто повеќе од 10 килограми на почетокот на 2021 година, откако докторот го прашал дали сака наскоро да умре.

„Такво прашање ги менува работите“, истакнува тој.

Затоа почнал со строга диета. Го намалил внесот на масти и јаглехидрати и го зголемил процентот на овошје, зеленчук и протеини со малку маснотии. Јаде пет оброци дневно, а речиси секој вклучува овошје или зеленчук.

Поточно, овошјето се јаде во првите три оброци во денот. Денот започнува со овошје и мисиркини колбаси со четири до пет белки од јајца. Неговиот втор оброк е само овошје, потоа повеќе овошје и шејк или смути.

Најомилениот смути го подготвува од боровинки, банани и путер од кикирики. Тоа е многу слично на рецептот што го користел Том Брејди.

View this post on Instagram

A post shared by DR. SHAQUILLE O'NEAL Ed.D. (@shaq)

Четирикратниот НБА шампион јаде салата за четврти оброк во денот, а денот го завршува со посно пилешко, риба или стек. Најмногу сака лосос.

WebMD наведува дека околу 25 до 30 проценти од дневната исхрана на една личност треба да се состои од овошје. Јаглехидратите се исто така одлично гориво за брз енергетски тренинг, а здравите масти, како што е маслиновото масло, се клучен дел од исхраната за здравјето на срцето и имаат антиинфламаторни придобивки и антиоксиданси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Граѓаните одлучуваат за еколошките приоритети на Центар , анкета за почиста и поздрава животна средина

Општина Центар ги повикува граѓаните активно да се вклучат во изработката на новиот Локален Еколошки Акционен План (ЛЕАП 3) за периодот 2026–2032 година.

Локалната самоуправа започна со подготовка на новиот стратешки плански документ од областа на животната средина, во кој ќе се идентификуваат актуелните еколошки предизвици и ќе се понудат решенија за нивно надминување.

„Општина Центар спроведува анкета со која граѓаните можат да ги дадат своите мислења за еколошките проблеми и предлозите за подобрување на животната средина. Вашите одговори се важни за да ги утврдиме приоритетите и да ги насочиме идните активности кон подобри услови за живеење во Општина Центар“, порача градоначалникот Герасимовски.

Анкетата е анонимна, а може да ја пополните на линк: Вклучи се во изработката на новиот Локален Еколошки Акционен План (ЛЕАП 3) за Општина Центар-Скопје | Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со министерот за Европа на Франција, Бенжамин Хадад

На маргините на Самитот на лидерите на Берлинскиот процес, што се одржува во Црна Гора, министерот за надворешни работи и надворешна трговија, Тимчо Муцунски, денеска оствари средба со министерот за Европа на Франција, Бенжамин Хадад.

Во фокусот на разговорите беа билатералната соработка, европската перспектива на нашата земја и поддршката од Франција на нашиот европски пат.

Министерот Муцунски ја истакна цврстата посветеност на Владата на реформските процеси и полноправното членство во Европската Унија, како и потребата од забрзување на процесот на европска интеграција.

На средбата беа разменети мислења и за актуелните регионални случувања и за улогата на нашата земја како одговорен и конструктивен партнер во регионот и пошироко во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп најави крај на војната во Украина: „Поблиску сме од било кога “

Крајот на војната во Украина се приближува, „можеби поблиску од кога било досега“, изјави денеска американскиот претседател Доналд Трамп.

Одговарајќи на прашање од новинарите во Белата куќа за тоа како Русија го ослободила Американецот Стивен Хабард, Трамп изјави дека тоа е резултат на директни разговори со рускиот претседател Владимир Путин.

„Побарав да го ослободат Стивен Хабард, и тој сега е на пат кон дома. Не дадов ништо за возврат“, рече Трамп.

На прашањето дали е соодветно што специјалниот пратеник на САД, Стив Виткоф, го нарече Путин „хуманитарец“, Трамп одговори дека тоа било кажано „во тој конкретен контекст“ и додаде дека тој лично „не би зазел страна“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.