Шекил ги загрижи фановите, објави фотографија од болнички кревет

Еден од најдобрите центри во историјата на кошарката, легендарниот Шекил О'Нил ја загрижи јавноста со последната фотографија од болница која ја објави на Твитер.

Шек објави фотографија на која лежи на болнички кревет со порака дека слуша подкаст што го водат Ерни Џонсон и Кендис Паркер.

Американските медиуми не знаат што се случило со познатиот кошаркар и засега само шпекулираат. О'Нил на Твитер објави дека треба да внимавате на пилешко на скара, па некои медиуми пишуваат дека бил отруен, а други тврдат дека го оперирал колкот. Засега сето тоа е непотврдено.

По пет години „затишје“, Преспанскиот договор повторно ја бранува јавноста

Во најтензична атмосфера меѓу Македонија и Грција од потпишувањето на Преспанскиот договор, денеска се навршуваат шест години од ставањето параф на спогодбата со која се затвори долгогодишниот спор меѓу двете земји.

Според поранешниот дипломат Ристо Никовски, Договорот е историски пораз на државата, од кој Македонија не добила ништо, освен што стана членка на НАТО. Тоа вели не е доволно бидејќи крајната цел на спогодбата не било само членство во Алијансата, туку и приклучување кон ЕУ.

„После шест години можеме отворено и јасно да констатираме дека со тој Договор ништо не добивме, а се изгубивме бидејќи со него де факто се избришани Македонците како посебен идентитет, избришана е нашата историја, јазик и се останато. Освен промената на нашето име, ништо друго не е постигнато и не е реализирано. Ништо не се спроведува, не само тие три меморандуми кои цело време се споменуваат и Македонија треба под итно да се повика на член 19 во кој јасно се наведува дека додколку има недоразбирања, а ги има, терба да се обдиеме прво да ги решиме на билатерален план, ако не бива се бара помош од генералниот секретар на ООН, а ако и тоа не помине се оди на меѓународниот суд за правда каде веќе еднаш Македонија доби брилијантна пресуда, но не ја искористи“.– Ристо Никовски, поранешен амбасадор

Односите помеѓу двете земји, иако навидум подобрени по потпишувањето на Договорот, повторно се заострија по изборите во земјава и неупотребата на уставното име од страна на претседателката Сиљановска за време на заклетвата, на што Грција речиси секојдневно жестоко реагираше. Силјановска ваквата пракса ја продолжи на сите домашни и меѓународни настапи, последен пат на Самитот за мир во Украина каде претседателката го употреби терминот „мојата земја“.

Граѓаните се поделени мислења за догвоорот од Преспа. Гледајќи од денешна перпектива дел од нив постигнатиот компромис со Грција го сметаат како неопходно решение, за дел пак не донел ништо добро.

Преспанскиот договор беше поршишан на денешен ден во 2018 -та во селото Нивици на брегот на Преспанското Езеро од грчка страна и со него се стави крај на две и пол деценискиот спор меѓу Македонија и Грција.

Состанок во ЦУК: Министерството за здравство треба да го поправи урнатиот потпорен ѕид

Градот Скопје, општина Центар, ЦУК и МВР денеска на координативен состанок се договорија дека урнатиот ѕид кај Детската клиника треба да го изгради Министерството за здравство.

Претставници од Министерството не беа присутни на состанокот, иако биле поканети. По едночасовната дискусија трите страни утврдија дека проблемот со паднатата ограда треба одделно да се решава од проблемите на улицата Белградска.

Проблемите со подземните води и отворањето на каналите за атмосферска канализација меѓусебно ќе ги решаваат Град Скопје и општина Центар, за што ќе треба да се направи дополнителна анализа околу финансиската конструкција и подземната инфраструктура. Градоначалничката Данела Арсовска не сака да избрзува со конечно решение, прво сака да ја види документацијата, а потоа ќе одлучува дали ќе бара владина поддршка за замена на атмосферската канализација.

И деканот на Градежниот факултет во Скопје, Горан Марковски апелира надлежните институции што побрзо да го решат проблемот со паднатиот потпорен ѕид. Напомена дека уште пред 15-тина години испратил писмо како загрижен за она што се случува во тој дел од градот и за стабилноста на објектите кои таму се градат во кое посочил дека голем дел од потпорните ѕидови не се испроектирани за да можат да носат таков зголемен товар.

Потпорниот ѕид падна пред една недела. Тогаш сите засегнати страни се оградија од одговорснот за негова санација.

Во Атина дводневна конференција по повод шест години од Преспанскиот договор

Потписниците на Преспанскиот договор, Зоран Заев и Алексис Ципрас, на заеднички настан во Атина ја одбележуваат годишнината од договорот.

Меѓународната конференцијата која е насловена за мир и одржлив развој е во организација на институтот Алексис Ципрас, а свечено ја отвори координаторот на грчката организација Евангелос Калпадакис и директорот на фондацијата „Заев – Едно општество за сите“ Венко Филипче.

-Единствениот начин да се надминат предизвиците и кризите, многубројните кризи на нашето време е преку мир и дипломатија. Секогаш мораме да ги имаме на ум решенијата, и покрај политичката цена. Го немаме луксузот да ги одложуваме или да одржуваме опасна стаганција ниту во Европа, ниту на меѓународната сцена. Немаме луксус за ги одложуваме решенијата за идната генерација. - Евангелос Калпадакис – Институт „Алексис Ципрас„

-Преспанскиот договор е видлив пример дека дури и најтешките недоразбирања можат да се надминат кога лидерите ќе стават приоритет на поголемото добро над се. Тоа е историски момент кога конфликтот беше транспортиран во соработка низ заедничка визија за хармонична иднина. Тоа не потсетува дека вистинското лидерство не е во држење на власта, туку во негување на доверба и градење на мостови. - Венко Филипче

Спроед најавите поранешните премиери, Заев и Ципрас ќе се обратат вечерва, а во текот на денот на панел дискусии се разговара за придобивките од договорот. Потписниците на договорот, Никола Димитров, и Никос Коѕиас заедно со еврокомесарот Јоханес Хан и медијаторот Метју Нимиц кој треба да добие и награда, најавено е да дискутираат за преговорите, спроведувањето на договорот и дали Преспа е модел за мирно решавање на споровите. На настанот најавено е и видео обраќање на генералниот секретар на ООН Антонио Гутереш. Дводневната конференција ќе содржи осум панел дискусии, две за балканот, две на регионалните случувања и улогата на меѓународните организации во промовирање на мирот, две на иднината на Европа и справувањето со екстремната десница и една за климатската криза и зелената агенда.

притисни ентер