Шефот на британското МИ5 предупредува: Оживеаните ИД и Ал Каеда повторно се закана за Европа - Канал 5

Свет

Шефот на британското МИ5 предупредува: Оживеаните ИД и Ал Каеда повторно се закана за Европа

Оживеаната Исламска држава и Ал Каеда повторно се закана за Обединетото Кралство и Европа, предупреди шефот на британската разузнавачка служба МИ5 во ретко јавно обраќање.

Шефот на британското МИ5 предупредува: Оживеаните ИД и Ал Каеда повторно се закана за Европа

Кен МекКалум одржа говор во Лондон во кој ја претстави променетата слика за тероризмот, кој е се повеќе зависен од младите и интернетот, објави Си-Ен-Ен.

„Повеќе од една третина од неодамнешните приоритети на МИ5 вклучуваат врски со странски терористички групи“, рече директорот на агенцијата, Кен Мекалум, истакнувајќи дека Исламската држава особено ги обновува „напорите за извоз на тероризам“.

„Повеќе од една осмина од луѓето што агенцијата ги истражува за учество во тероризам се малолетни“, истакнува британскиот разузнавач, што претставува трикратно зголемување од 2021 година.

Говорот на директорот на МИ5 доаѓа во време на серија предупредувања од Западот за зголемениот ризик од саботажа спонзорирана од државата од земји како Русија и Иран, како и додека војните во Украина и на Блискиот Исток ја разнишуваат глобалната безбедност.

Севкупно, неговата агенција спречила 43 терористички напади кои биле во завршна фаза на планирање од 2017 година. Околу три четвртини од работата на МИ5 се занимава со исламистички екстремизам, додека една четвртина се однесува на екстремно десничарски групи, рече МекКалум.

„Многу сме свесни за ризикот дека настаните на Блискиот Исток би можеле директно да предизвикаат терористички акции во Британија.

ИСИС повторно е на врвот на целната листа на агенцијата. Пет години по падот на самопрогласениот калифат на ИСИС во Ирак и Сирија, групата се трансформирала во терористичка мрежа со ќелии распространети низ целиот свет, вклучително и Африка, Блискиот Исток, Централна Азија и Југоисточна Азија.

„По неколку години добро потиснување, тие ги рестартираа своите напори за извоз на тероризам. А Ал Каеда се обидува да ги искористи конфликтите на Блискиот Исток, повикувајќи на насилни акции.

МекКалум, исто така, рече дека руската разузнавачка агенција ГРУ ја продолжува својата „постојана мисија да предизвикува хаос на британските и европските улици“, спроведувајќи операции кои вклучуваат „палење, саботажа и многу повеќе“.

Откри дека МИ5 и британската полиција одговориле на 20 терористички заговори поддржани од Иран во Велика Британија од почетокот на 2022 година.

„МИ5 има неверојатна работа пред себе. Првите 20 години од мојата кариера овде беа исполнети со терористички закани. Сега се занимаваме со тоа заедно со плановите за државни атентат и саботажа, во контекст на големата европска копнена војна“. заклучил тој.

Говорот на шефот на домашната разузнавачка служба на Британија е редок и обично се користи како можност да се информира британската јавност за природата на терористичката закана со која се соочува земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Корпусот на гардата на исламската револуција погоди танкер за нафта во Ормускиот Теснец

Поморските сили на Корпусот на гардата на исламската револуција (ИРГЦ) соопштија дека танкерот за нафта „Тренд“, кој плови под знамето на Того, бил погоден и запрен откако на него избувнал пожар додека се обидувал да помине низ Ормускиот Теснец.

Корпусот на гардата на исламската револуција погоди танкер за нафта во Ормускиот Теснец

Во соопштението објавено во четвртокот вечерта, контраадмиралот Али Азмаеи, командант во поморските сили на ИРГЦ, изјави дека танкерот се обидел да помине низ овој стратешки воден пат „по поттик и преку измама на американската војска што убива деца“.

Според ИРГЦ, танкерот се обидел да помине низ Ормускиот Теснец без дозвола, што ги натерало иранските сили да интервенираат.

„Храбрите воини на исламот и одлучните морнари од морнарицата на ИРГЦ продолжуваат цврсто да ја одржуваат контролата врз виталниот воден пат на Ормускиот Теснец и не дозволуваат ниту еден агресор да помине низ него“, се наведува во соопштението.

Морнарицата на ИРГЦ соопшти дека бродот „Тренд“ бил „погоден и запрен откако на него избувнал пожар“. Иранските сили го повторија своето предупредување дека – како што тврдат – секој обид за нелегално минување низ Ормускиот Теснец би резултирал со „ништо друго освен уништување на бродот што го прекршил правилото“.

Тагови: Иран нафта Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ на покана на Зеленски на важен состанок во Украина

Српскиот претседател, Александар Вучиќ, преку социјалните мрежи се огласи утрово во 7:00 часот од Украина со порака за граѓаните.

Вучиќ на покана на Зеленски на важен состанок во Украина

Во објавата на официјалниот профил на Вучиќ на Инстаграм се вели:

„Денес, на покана на претседателот Зеленски, присуствувам на состанок на Иницијативата за карпатска интеграција, важен проект за економско, транспортно и инфраструктурно поврзување на земјите од поширокиот карпатски регион. Сето ова го правам за дополнително да обезбедам стабилност и мир за нашите граѓани и за Србија“.

https://www.instagram.com/reel/DdaoMGcug45/?utm_source=ig_embed

Тагови: Александар Вучиќ украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов Зеланд: Не сме разговарале со ЕУ за статусот на придружен член

Нов Зеланд не водел разговори со Европската Унија за можноста да стане придружна членка, изјави денеска портпаролот на новозеландскиот министер за надворешни работи Винстон Питерс, откако ЕУ објави дека разгледува таков предлог за Канада. 

Нов Зеланд: Не сме разговарале со ЕУ за статусот на придружен член

„Немало никакви дискусии со ЕУ за тоа Нов Зеланд да стане придружна членка“, рече портпаролот, како што пренесе Ројтерс.

Претседателката на Европската комисија, Урсула фон дер Лајен, во средата изјави дека сака да ѝ ја отвори вратата на Канада да стане првата „придружна членка“ на ЕУ, во обид да се воспостават нови врски меѓу сојузниците во „отворено непријателски свет“.

Американскиот претседател Доналд Трамп ѝ се закани на ЕУ со царини доколку продолжи со предлогот за Канада, нарекувајќи ја идејата „смешна“.

Претседателката на Европскиот парламент, Роберта Мецола, вчера изјави дека Австралија и Нов Зеланд би можеле да го следат примерот на Канада во продлабочувањето на односите со ЕУ.

„Не се сомневам дека во ова ќе бидат вклучени и други земји“, рече таа во интервју за телевизиската мрежа „Еуроњуз“. „Тоа веќе го гледаме, вклучително и во однос на законодавството што го усвојуваме, каде што партнери од целиот свет – како Австралија и Нов Зеланд – ни порачуваат: сакаме да ги продлабочиме нашите односи.“

Австралискиот министер за трговија, Дон Фарел, во вторникот изјави дека Австралија е „на иста бранова должина“ со Канада во однос на напорите за воспоставување посилни врски со ЕУ.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер