Шефицата на дипломатијата на Гренланд по средбата со Венс и Рубио: Притисокот беше неподнослив - Канал 5

Свет

Шефицата на дипломатијата на Гренланд по средбата со Венс и Рубио: Притисокот беше неподнослив

Министерката за надворешни работи на Гренланд, Вивијан Моцфелд, едвај ги задржа солзите за време на преносот во живо на гренландската телевизија КНР веднаш по средбата со американскиот потпретседател Џеј Ди Венс

Шефицата на дипломатијата на Гренланд по средбата со Венс и Рубио: Притисокот беше неподнослив

Министерката за надворешни работи на Гренланд, Вивијан Моцфелд, едвај ги задржа солзите за време на преносот во живо на гренландската телевизија КНР веднаш по средбата со американскиот потпретседател Џеј Ди Венс и државниот секретар Марко Рубио во Белата куќа.

Видливо потресена, со раката на градите и треперење на гласот, Моцфелд зборуваше за огромниот психолошки притисок под кој била во последните денови. Како што рече, настаните што се одвиваа беа „премногу за една личност“.

„Последните неколку дена беа исклучително тешки. Притисокот постојано се зголемуваше и се подготвувавме за секое можно сценарио“, рече министерката, признавајќи дека се обидела да им го пренесе на американските претставници стравот и неизвесноста што ги зафатиле жителите на Гренланд поради честите и отворени пораки што доаѓаа од Вашингтон.

На состанокот присуствуваше и данскиот министер за надворешни работи, Ларс Леке Расмусен, кој подоцна призна дека делегацијата не успеала да ја промени позицијата на Соединетите Американски Држави.

Расмусен отворено изјави дека е јасно оти претседателот Доналд Трамп сè уште сака да го „преземе“ Гренланд. „Никогаш не очекував дека ова може да се промени во еден разговор“, рече данскиот министер за надворешни работи. Единствениот конкретен исход од состанокот, рече тој, е договор за формирање „работна група на високо ниво“ која ќе се обиде да се справи, како што рече, со „загриженостите“ на американскиот претседател. Сепак, тој нагласи дека нема гаранција дека иницијативата ќе даде резултати.

Во меѓувреме, властите на Гренланд, соочени со зголемен притисок, ја менуваат тактиката. Пораката што сè повеќе се слуша од Нуук е дека „сега не е време за коцкање“, туку за претпазливи и промислени потези.

Доналд Трамп во последните недели постојано повторуваше дека Гренланд, поради својата стратешка локација и богатството на минерални ресурси, е клучен за безбедноста на Соединетите Американски Држави. Тој тврди дека Вашингтон мора да има контрола врз островот за да ги спречи Русија или Кина да го прошират своето влијание таму. Во исто време, тој рече дека „сите опции се на маса“, што предизвика сериозни превирања и загриженост во рамките на НАТО.

Тагови: Гренланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни пожари во мариовско, Студеничани, Македонски Брод, Кичево и Могила

Изутринава во земјава има пет активни пожари во Мариово кај село Чаниште, крак кон Црна Река и крак кон село Орле, во општините Студеничани, Македонски Брод, Кичево и Могила.

Активни пожари во мариовско, Студеничани, Македонски Брод, Кичево и Могила

Пожарот во депонијата во општина делчево е ставен под контрола. А изгаснати се 31 пожар.

Центарот за управување со кризи информира дека регистрирани се вкупно 37 пожари на отворен простор, од кои пет се активни, еден е под контрола, а 31 пожар се изгаснати.

Од УХМР најауваат топло време и температури до 39 степени.

Апел од дирекцијата за заштита и спасување граѓаните да се посебно внимателни со фрлање отпуошци од цигари и работа со апарти кои предизвикуваат пожар и строго забрана за горење на стрништа..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска одлука за „училишна кошничка“

Пред стартот на учебната година, Владата денеска повторно ќе ја донесе т.н. училишна кошничка.

Денеска одлука за „училишна кошничка“

Од МОН брифираат дека планиран е состанок со трговците на големо и мало за училишен прибор, со цел да ги координираат активностите и да разговараат за цените пред почетокот на учебната година.

Лани, мерката за училишна кошничка наречена „Помалку трошоци, повеќе за вас“ важеше од 15 август до 15 септември и со неа беше договорено намалување на цените на основниот прибор и тетратките на учениците за 10-15 проценти, со што, според пресметките на владта, семејствата заштедија по околу 1.500 денари по ученик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зголемни пријави на граѓани со лажни СМС пораки за сообраќајни казни

Трендот на лажни СМС- пораки со известување за наводни сообраќајни прекршоци и казни поврзани со системот„Безбеден град“ продолжува.

Зголемни пријави на граѓани со лажни СМС пораки за сообраќајни казни

Од МВР предупредуваат граѓаните да бидат внимателни со пораките кои содржат линк каде се бара да се внесат лични или банкраски податоци и да извршат плаќања на наводна казна.. Станува збор за обид за измама и прибирање на лични податоци, објаснуваат од МВР..

Од министерството посочуваат дека официјалните смс-пораки за прекршок се испраќаат од испраќачот „MVR-SC“. Во пораката треба да биде наведена регистарската ознака на возилото, а официјалниот линк треба да води кон доменот safecountry.mvr.gov.mk...

..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер