Шеф на српска дипломатија: Потребен ни е дијалог на највисоко политичко ниво со САД - Канал 5

Балкан

Шеф на српска дипломатија: Потребен ни е дијалог на највисоко политичко ниво со САД

-Деновиве во Вашингтон лобираме за позицијата на Србија во западниот дел на меѓународната заедница, разговараме со нашите пријатели како да ги зајакнеме нашите економски, политички, безбедносни и сеопфатни односи, изјави Ѓуриќ.

Шеф на српска дипломатија: Потребен ни е дијалог на највисоко политичко ниво со САД

Српскиот министер за надворешни работи Марко Ѓуриќ, кој престојува во Вашингтон, изјави дека присуството на Србија на самитот на НАТО не значи промена на политичкиот курс, туку дека е важно Белград да има свој претставник на овој настан бидејќи тоа му е во интерес, јави дописникот на МИА од Белград.

-Деновиве во Вашингтон лобираме за позицијата на Србија во западниот дел на меѓународната заедница, разговараме со нашите пријатели како да ги зајакнеме нашите економски, политички, безбедносни и сеопфатни односи, изјави Ѓуриќ.

Тој додаде дека имал можност накратко да разговара со американскиот државен секретар Ентони Блинкен и дека го поканил да ја посети Србија.

-Потребен ни е дијалог на највисоко политичко ниво со САД, не само за да продолжиме со растот и развојот на нашата економија, бидејќи Америка е партнер број еден во однос на услугите во областа на високата технологија, туку ни треба соработка и во оние прашања околу кои не се согласуваме, како што е прашањето за статусот на Косово и Метохија, кое не може да се реши на позитивен начин, без активен ангажман, не на официјално и редовно ниво, туку на највисоко политичко ниво во САД, рече Ѓуриќ.

На новинарско прашање дали има реакција од Москва за учеството на Србија на Самитот на НАТО, Ѓуриќ рече дека Србија е во Вашингтон како независна, воено неутрална земја, партнер, која „е членка на Партнерството за мир неколку децении и која ја води својата надворешна политика почитувајќи ги различните актери во меѓународната заедница“.

Ѓуриќ додаде дека Србија продолжува да „притиска кон почеток на стратешки дијалог меѓу Србија и САД“. -Верувам дека ова е важна институционална форма за унапредување на односите меѓу нашите земји во иднина и сето она што сметам дека е интерес на Србија, кога станува збор за позиционирањето на Србија во овој дел од светот, корегирање можеби на некои негативни слики од минатото кои се формираа во некои децении кои за среќа се зад нас, и проектирање на нова слика за Србија како земја која се развива на мудар начин, земја која става огромен фокус не само на нејзиниот економски развој, но и како земја која сака да создаде еден вид општество на својата територија што ќе ја направи навистина добро место за живеење за сите луѓе кои живеат во нашата земја. Значи, тотално „ребрендирање“ и промена на имиџот на Србија, но врз основа на вистински настани и реални факти, изјави срспкиот министер за надворешни работи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриено зошто портпаролката на Трамп беше отпуштена по само пет дена

Закарија беше отпуштена од функцијата портпаролка на Белата куќа по само пет дена на работа.

Откриено зошто портпаролката на Трамп беше отпуштена по само пет дена

Кејти Закарија беше отпуштена од функцијата портпаролка на Белата куќа по само пет дена на работа, по критиките за нејзиното прво интервју со новинарите и прашањата за нејзиното прикажување како адвокат, иако не го положила правосудниот испит, објавува „CBS News“.

Службеник изјави за „CBS“ дека Закарија била невообичаено изолирана во текот на неделата и не ги извршувала своите должности како портпаролка на очекуваниот начин.

„Никој не мислеше дека ќе остане доволно долго за да биде вклучена во вистинското донесување одлуки“, рече помошник на Белата куќа.

Закарија, која беше избрана од американскиот претседател Доналд Трамп да ја замени Каролин Левит, се најде под оган по нејзиниот прв и единствен брифинг во Белата куќа во вторник, за време на кој таа читаше подготвени изјави околу десет минути, а потоа одговараше на прашања од новинари од три медиуми.

Прашањата за нејзините професионални квалификации привлекоа дополнително внимание.

Закарија дипломирала на Правниот факултет на Универзитетот Пепердин, но не го положила правосудниот испит во Калифорнија во 2011 година, тврдење што го изнела.

Таа ги негираше тврдењата дека се претставила како адвокат, велејќи дека никогаш не тврдела дека има лиценца за практикување адвокатура.

Според извори запознаени со дискусиите, се очекува Закарија наскоро да заземе друга позиција во администрацијата на американскиот претседател Доналд Трамп.

Во петокот, Трамп за нејзината позиција рече дека ја советувал да размисли дали сака да продолжи како прес-секретар во Белата куќа.

„Тие беа толку груби кон неа“, рече Трамп, осврнувајќи се на медиумите, додавајќи дека ѝ рекол да ја преиспита својата одлука, со оглед на нејзиното семејство и притисокот под кој се наоѓаше.

Пократок мандат од Скарамучи

Закарија му се заблагодари на Трамп и ја изрази својата поддршка за американскиот претседател во објава на социјалните мрежи.

„Беше чест да работам за него“, напиша таа.

Белата куќа сè уште не објавила кој ќе ја наследи како прес-секретар во Белата куќа.

Нејзиното заминување потсетуваше на краткиот мандат на Ентони Скарамучи, кој помина само 11 дена како директор за комуникации во Белата куќа за време на првиот мандат на Трамп, потсетува американскиот телевизиски канал.

„Рекордите се тука за да се соборат, но јас не уживам во страдањето на другите“, напиша Скарамучи на социјалната мрежа „X“.

Извор: Б92

Тагови: Доналд Трамп Кејти Закарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Microsoft“ ги изненади сите со својот најмал „Xbox“ контролер

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери ​​со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Паника во Русија: Шпионски авион кружел со часови во близина на границата

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер