Забава

Шампионот Иван Радев:Ултрамартонот не е само трчање и трчање, тоа е и љубовта кон природата

На македонската јавност и е познат по освоеното прво место на „Охрид ултра-трејл“, а минатиот месец учествуваше и на трка во Италија.

Мора да се сака трчењето, природата, но и да се ужива во тоа. Ова е рецептот за успехот и да се поминат над 100 километри, вели за МИА ултрамаратонецот Иван Радев. Дваесет и осумгодишниот Радев од Штип е невработен лекар и шампион во ултрамаратон. На македонската јавност и е познат по освоеното прво место на „Охрид ултра-трејл“, а минатиот месец учествуваше и на трка во Италија. Помина 120 километри со 6.000 метри искачување во Кортина д’Ампецо.

Радев смета дека убавината во овој спорт е во едноставноста и достапноста. Секој, секаде, во секое време може да излезе надвор и да трча, без разлика дали е на рид, планина или на патека покрај кеј. Неговата приказна со ултрамаратонот почнува пред четири до пет години.

- За трчање се определив како услов да намалам од вишокот килограми, што е нешто што го прават многу луѓе. Се сеќавам дека тоа беше период во кој конечно ги откажав цигарите, па како несакан ефект, за краток период, качив и доста килограми и решението го побарав во трчањето. Почетоците ми беа скромни, буквално исти како и на секој друг почетник во било кој спорт. Иако претходно тренирав ракомет од мои 12 години, се до 20-21, сепак трчањето како нов предизвик ми беше навистина тешко на почетокот, вели Радев.

Посочува дека првото трчање му било на патеката покрај реката Брегалница, каде што штипјани пешачат, трчаат, возат велосипед, а спортистите тренираат. На почетокот трчал од два до три километри и тоа со паузи, што, како што вели, било и очекувано за неговата физичка состојба.

-Со тек на време, трчањата од два-три километри стануваа се почести, подолги и побрзи. Па не помина многу време пред да се пријавам и на првата официјална трка, а тоа беше полумаратон 21 километар во Струмица. Претходно немав никогаш истрчано толку долга патека, па да бидам искрен, малку бев и исплашен дали ќе успеам да ја завршам трката. За среќа, се помина во најдобар ред и тој полумаратон ми ја ги отвори вратите кон трчањето уште повеќе, по што следеше период со експериментирање со различни тренинзи, планирање на тренинзи на неделно ниво, следење на прогрес, рече Радев.

Скромен, со насмевка која шири позитивна енергија кон соговорникот, а токму, вели, преку овој спорт запознал и многу пријатели од сите возрасти, бидејќи на ултрамаратоните почесто среќава луѓе над 40 години, поретки се помладите на кои ултрамаратоните им се пасија.

На Радев вистинска опсесија му е треил или планинско трчање. Планинското трчање офаќа широк спектар на различни дисциплини, како на пример: вертикален километар, скајранинг, скајултра и ултрамаратони.

- Она што јас всушност најмногу го сакам е трчањето на ултрамаратони, односно трчање во планина дистанци над 42.2 километри. Патеката од 42 километри и 195 метри е маратон, таа е во чест на војникот кој трчал од Маратон до Атина за да ја објави победата на Грците над Персијците, се над тоа е -ултрамаратон. Најчести дистанци кои се среќават на трките се 50, 80, 100, 120, 160, па и повеќе. Но, тоа не е само трчање и трчање, тоа е и љубовта кон природата, која љубов заедно со трчањето „без крај“ се главните причини кои, на некој начин, ме насочија да тежнеам кон трчање на долги патеки, потенцира Радев.

Во разговорот за МИА вели дека учеството на ултрамаратоните бара и многу финансии, затоа и на годишно ниво си има зацртано да учествува на три ултрамаратони. Трката на падините на планината Галичица е досега најголем успех за Радев. Петтото издание на настанот оваа година беше составено од четири трки во планинско трчање кои започнаа од различни локации од националниот парк Галичица, а сите завршија на Градскиот плоштад во Охрид.

-Секоја трка е различна. Теренот по којшто трчам е различен, Алпите се многу поразлични од наша Галичица и Пирин, додава Радев.

Тој ја истрча патеката во Охрид прв со време од 14 часа, 36 минути и 17 секунди. Најдолгата дистанца, што го носи и името на настанот, ги минува ниските делови на Галичица до Свети Наум, од каде остро се качува до највисоките делови на Стара Галичица.

- Станува збор за планинска трка во должина од 107 километри со висинско искачување од 5.000 метри. Патеката е планинска, технички терен, доста предизвикувачки, ние во Штип немаме нешто приближно со тоа, така што станува збор за технички терен во планински услови, со многу искачувања, многу спуштање, главно, тешко, вели Радев.

Тој открива дека има многу предизвици и убавини во учеството на ултрамаратоните, но и блиски средби со диви животни. Една таква средба очи во очи имал и со мечка. Во прв момент бил шокиран, за среќа од оваа средба со мечката нема последици. Радев е целосно предаден на трчањето кое за него претставува начин како да се рекреира, да се релаксира, но и да инвестира во сопствената психофизичка благосостојба.

-Престојувањето во природа и физичката активност ме прават подобар човек и тоа се главните причини зашто, всушност, секојдневните трчања по штипските ридови од два до три часа не ми претставуваат проблем, туку задоволство, рече Радев.

Овој млад човек не се предава, бидејќи, како што вели, без разлика дали на наредниот натпревар ќе заврши прв или последен, тој пак ќе излезе да трча следниот ден.

- Едноставно, главна мотивација не ми претставува пласманот, туку процесот. Трчањето е во огромен подем кај нас во Македонија, како трчањето на рамно, така и планинското трчање. Секоја година има се повеќе трки, се повеќе трчачи и тоа ме прави особено среќен. Тоа е спорт кој не познава никакви граници. Не постојат старосни, полови, тежински или било какви граници. Постојат луѓе кои буквално ги поместуваат границите на она што претходно сме го сметале за невозможно во поглед на спремноста и издржливоста на човечкиот организам. На трките на кои учествувам, често ќе видете повозрасни трчачи од 40-50 па и над 60 години кои не само што не трчат „колку да се каже“, туку голем број од нив се исто толку брзи како и некој на моја возраст, што доволно кажува дека човечкото тело е едноставно фасцинантно, додава Радев.

Ултрамаратонецот Радев е невработен лекар, бара работа на неговата струка, но, нагласува, во неговиот роден град нема многу огласи за вработување. Се пријавил на последниот за вработување во Клиничка болница-Штип. Во моментов, е на став да живее и работи во Штип, засега трпение има, но доколку наскоро не се вработи на струката логично е оти решението ќе го бара во Скопје или надвор од границите на земјата. Плановите пак за трчањето се знаат, тој интензивно се подготвува за ултрамаратонот во септември на Пирин во соседна Бугарија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Гранит Џака е осуден поради лажен сертификат за ковид вакцина

На капитенот на швајцарската фудбалска репрезентација, Гранит Џака, му е изречена условна парична казна од 150.000 швајцарски франци поради набавка на лажен ковид-сертификат.

Одлуката е донесена од Јавното обвинителство во Луцерн, а Џака јавно потврди дека ја прифаќа казната и ја презема одговорноста за своите постапки.

Казната е одредена во висина од 50 дневни износи по 3.000 швајцарски франци, со условен период од две години.

Тоа значи дека фудбалерот нема да мора да ја плати сумата од 150.000 франци, под услов да не стори друго кривично дело во наредните 24 месеци. Тој веќе ги подмирил судските трошоци.

По завршувањето на постапката, швајцарскиот репрезентативец се огласи на социјалните мрежи за да ги потврди деталите од одлуката на обвинителот.

„Пред неколку недели лично се огласив овде и изјавив дека ја преземам одговорноста за мојата одлука. Стојам зад тоа. Откако дадов целосен исказ пред јавното обвинителство, обвинителот сега донесе одлука“, изјави Џака.

Потоа ја објасни казната што му беше изречена. „Со казнен налог, бев осуден за прибавување лажна потврда и добив условна парична казна во висина од 50 дневни износи по 3.000 швајцарски франци, со двегодишен пробен период. Тоа значи дека казната нема да се изврши освен ако не сторам ново кривично дело во тој период. Веќе ги платив процедуралните трошоци. Ја прифаќам одлуката и ја преземам одговорноста“, рече фудбалерот.

Тој исто така им се заблагодари на сите што го поддржуваа во изминатите неколку недели. „Ви благодарам за бројните пораки за поддршка во последните неколку недели. Тие многу ми значат“, додаде тој.

Скандалот излезе на виделина во средината на септември, кога швајцарскиот весник „Блик“ (Blick) објави дека е покрената истрага против Џака. Неколку дена подоцна, фудбалерот призна дека во 2022 година прибавил лажна ковид-потврда.

Македонија

СДСМ: Уште еден Спутник, Српска лига на далечинско, конгрес без членови

Саша Богдановиќ држи прв изборен конгрес на здружение Српска лига. Најавено уште во март. Сега, кога арамијата бара алиби за избори, сателитот добива датум.

Во Орбан–Вучиќ медиумите го продаваат како поранешен функционер на СДСМ. Градоначалник на Центар, 2017 година. Намерно се прескокнува ЗНАМ, прва верзија. Екипата што ја делеше партијата, заедно со Максо. Прво партијата. Потоа гласачите. Сега нова фирма.

Помлада верзија на Стоилковиќ. И полоша.

Неспособен оперативец, со години на услуга на српската БИА. Кога на јавноста ѝ е јасно дека министерот работи српско-руско-кинеска агенда, треба нова верзија да ги собере гласовите што Стоилковиќ ги губи.

Иста матрица како Српската лига во Србија: еден човек, членовите не се гледаат.

Лигата таму излезе од проруски ориентирани фашисти, претходно Трета Србија, име што алудира на Трет рајх.

Богдановиќ нема капацитет да ја прочита службата. Извршува.

Почетокот на годината, фалејќи го Вучиќ, СДСМ ги нарекува Усташи. Иста кампања како во Србија, каде студентите се Усташи. Иста како талогот на арамијата, по терк на Ванчо.

На мрежите се кити со Вучиќ и со однос кон Русија. Уште еден српско-руски Спутник, покрај Левица, анти-НАТО и анти-ЕУ, и покрај Платформата, ЗНАМ 2.0, за 1,6 милиони.

Уште една проруска, антизападна партија во Македонија.

Арамијата, стар руски прокси, не знае да склопи партија што барем на старт гледа кон Европа. Далечинскиот му е правен во Кремљ. Друг јазик не познава.

Полетувањето е неуспешно пред да заврши конгресот. Овој Спутник, оваа нова Лајка на Вучиќ, нема да се врати.

Сателит не е опозиција. Тоа е алиби за банда што останала без рејтинг и без пари.

Скопје, 09.10.2026

СДСМ

Автомобилизам

Во гаража го направиле најширокиот автомобил на светот- полицијата не можела да му напише казна (ВИДЕО)

Група американски ентузијасти создадоа автомобил кој ретко се гледа на патот.

Тие создадоа возило кое е широко три метри од стар Форд, кое може да достигне брзина поголема од 110 километри на час, објави Аутонет.

Кога решија да го преполови стариот Форд Фестива и да го прошират на неверојатни три метри, членовите на американскиот Јутјуб канал Prop Department имаа необична идеја. Сепак, тие не застанаа само на изградба на автомобил кој изгледа сосема поинаку од сè што среќаваме во сообраќајот. Тие исто така успеаја да добијат документација што им овозможува да го возат по јавни патишта.

Резултатот е автомобил кој е речиси широк колку што е долг, а неговиот изглед на улиците привлекува огромно внимание.

Тие користеа уште три автомобили за конверзијата.

Основата на овој необичен проект беше Форд Фестива, мал градски автомобил познат на европскиот пазар како Киа Прајд.

За да ја реализираат својата идеја, авторите набавија уште три автомобили што ги користеа за делови. Секој од нив чинеше само неколку стотици долари.

Прво, го отстранија ентериерот на возилото, а потоа ја исечоа каросеријата по должина. Дополнителни челични елементи беа инсталирани во просторот помеѓу двете половини, така што структурата ја задржа потребната цврстина.

Прилагодувањето на погонскиот систем беше особено тешко. Погонското вратило мораше да се продолжи за повеќе од еден метар за да може моторот да ја пренесува моќноста на тркалата.

Промените не го заобиколија ниту ентериерот. Контролната табла и предниот дел од автомобилот беа прилагодени на новата ширина со помош на делови изработени на 3D печатач.

Исто така, беа инсталирани дополнителен генератор за напојување, како и систем за климатизација.

Има два волани и дури 14 држачи за чаши.

Еден од најнеобичните детали се наоѓа во кабината на овој Форд.

Автомобилот има два волани поставени пред предните седишта, додека на централната конзола има дури 14 држачи за чаши.

И покрај огромната ширина и бројните модификации, возилото е способно да достигне брзина поголема од 110 километри на час.

Неговите креатори открија и дека толку широк автомобил може да има практични примени. Благодарение на големиот простор, тој е погоден за транспорт на гломазни предмети, големи купувања, па дури и дрва.

Полицијата ги запре, но тие можеа да продолжат да возат

Најголемиот предизвик не беше само да се направи автомобил широк три метри, туку да се обезбеди дека на такво возило му е дозволено да учествува во сообраќајот.

Имено, ширината на Фордот ги надминува вообичаените дозволени димензии на патничките автомобили. Затоа, неговите креатори мораа да добијат посебни дозволи за вонреден транспорт, како и соодветно осигурување.

За време на првото сериозно тестирање, кое траеше два дена, тие поминаа повеќе од 640 километри.

Полицијата ги запре неколку пати, проверувајќи ги регистарските таблички, документацијата и начинот на кој толку широко возило се движи по сообраќајната лента.

Сепак, откако утврди дека возачите ги имаат потребните документи, полицијата им дозволи да го продолжат своето патување секој пат.

Така, автомобилот создаден од стар Форд, и покрај неговите необични димензии, успеа да влезе на јавни патишта во согласност со посебните дозволи.