Забава

Шакира го прекина концертот, не толерира безобразие какво што трпат пејачките на Балканот

Инцидентот на сцената е забележан со мобилен телефон.

Познатата пејачка Шакира имаше настап во еден клуб во Мајами. Таа излезе на сцената во тесен, краток фустан. До самата сцена се туркаа нејзините најжестоки обожаватели за да бидат што поблиску до пејачката. На објавеното видео, Шакира почнува да танцува на еден од нејзините хитови, а потоа насред песна наеднаш застанува и го прекинува концертот. Публиката во последните редови не сфаќа што се случува.

Шакира откако го забележува безобразното однесување, со рацете ги фаќа краевите на фустанот, гневно им одговара нешто на младите момчиња покрај бината и заминува, пишува Дејли Мејл.

Не толерира безобразие

Се покажало дека за време на настапот на Шакира, некои млади момчиња го искористиле тоа што се наоѓаат веднаш до сцената, па со своите телефони се обиделе да ја снимат нејзината долна облека и меѓуножјето.

Кога сфатила што прават, пејачката збеснала и веднаш го прекинала концертот. Таа заминува во придружба на обезбедувањето во V.I.P делот од клубот, а потоа го напушта локалот бесна како рис.

Повеќе од јасно е дека ѕвезда од нејзин калибар не толерира вакви испади. Фотографирањето на долната облека на пејачките за време на концерт е широко распространето на Балканот, па одвреме-навреме се појавуваат нивни фотографии од меѓуножјето снимени на концерт. Снимката од инцидентот што ѝ се случи на Шакира во Мајами со молскавична брзина стигна на социјалните мрежи.

Следеа бројни коментари и осуди за младите лица.

- Луѓето се одвратни!

- Ова е навистина страшно! Уметниците заслужуваат почит и приватност, и на сцената и надвор од неа. Како не се срамите од ваквото однесување?

- Дали е можно Шакира да не може ни да ужива да танцува на сопствената песна? Мразам груби мажи, треба да им забранат влез во клубовите.

- Не разбирам што сакаа да постигнат со ова? Да ѝ ги снимат гаќите? Немаат ни трошка воспитување. Срамота! Вашите родители треба да се засрамат што имаат такви деца - беа само дел од коментарите за непромисленото однесување на момчето на концертот на Шакира.

Пејачката не сакаше да ја коментира оваа случка, но со демонстративното напуштање на сцената јасно стави до знаење дека не толерира вакво однесување.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

46. Марш за ангелите во Кочани: Ќе се бориме до последен момент за вистината

Родитeлите и блиски на загинатите во пожарот во квазидискотеката „Пулс“ во Кочани вчера го одржаа 46. по ред марш кој почна во Паркот на револуцијата.

Носеа транспаренти на кои пишуваше „Корумпираната држава ни ги украде децата“, како и „Ние родителите, скапо го плативме данокот на корупцијата“...

Маршираа низ трговскиот центар со кратки запирања пред зградите на УЈП и полициската станица.

Обраќање за јавност имаше пред Основниот суд, во кое реагираа на привременото отстранување од постапката на обвинителката Наташа Сарамандова, што се случи на последното рочиште на барање на адвокати на обвинетите.

Тие побараа нејзино изземање, поради, како што наведоа, пристрасно постапување при презентација на доказите со исклучување на елементи од доказите кои се од суштинско значење, а за барањето треба да одлучува државниот јавен обвинител Ненад Савески.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ужас во Струга: Мајка си ги оставила двете деца да спијат во автомобилот, додека била на работа

ОВР Струга поднесе кривична пријава против Н.С.(42) од струшко село, поради постоење основи на сомнение за сторено кривично дело „запуштање и малтретирање дете“ по чл.201, став 1 од Кривичниот законик.

Пријавената, во вечерните часови на 08/09.06.2026 година, ги оставала своите две малолетни деца да спијат во нејзиното возило додека била на работа.

Во координација со јавен обвинител, полициски службеници презеле мерки и во паркираното возило на земјен паркинг на улицата „Владо Малески“ во Струга ги затекнале децата како спијат, соопштуваат од СВР Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Возеле камиони во спротивна насока на патот Гостивар- Тетово, двајцата се уапсени

Лишени од слобода двајца возачи затоа што возеле во спротивен правец на патот Гостивар-Тетово, следуваат кривични пријави.

На 27.06.2026 во 11:30 часот на патот Гостивар- Тетово, полициски службеници од Полициската станица за безбедност на патниот сообраќај Тетово го лишија од слобода В.М. (30) од с. Боговиње, затоа што со товарно моторно возило „мерцедес“ со тетовски регистарски ознаки, се движел во спротивен правец од дозволениот правец на движење.

Исто така, на 27.06.2026 во 12:30 часот, на патот Гостивар– Тетово, кај наплатната рампа Тетово, полициски службеници го лишија од слобода и М.Д. (55) од с. Фалише, затоа што со товарно возило „фолксваген“ со тетовски регистарски ознаки, се движел во спротивен правец од дозволениот правец за движење.

Двајцата се приведени во полициска станица и по документирање на случаите, против нив ќе бидат поднесени соодветни пријави, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.