Шахпсака: Прашањето за предвремено пензионирање не е отворено

 Се отвори законот за работни односи и прекинување на договорот за работа на 64 години, прашањето за предвремено пензионирање не е отворено.

Законот за откуп на стаж и предвремено пензионирање не е отворено, во моментов се вршат измени на Законот за работни односи со кој е предвидено да завршат договорите за работа на 64 години возраст и 15 години работен стаж и на жените и на мажите, а дава можност и да се продолжува работниот стаж на здравствените работници, но не повеќе од навршување 67 години возраст.

Ова го соопшти министерката за труд и социјална политика Јагода Шахпаска, одговарајќи на новинарско прашање по пуштањето во употреба на градинка во населеното место Миладиновци.

-Не пензионираме никого предвреме, правиме измени, заедно со пратениците, кои го предложија законското решение во координација со МТСП, односно предлог измени на Законот за работни односи во кој го дефинираме траењето на договорите за работа, рече министерката.

Појасни дека со измените се предлага договорот за работа да прекинува со наполнети 64 години возраст и 15 години стаж, што ги обединува како жени така и мажи согласно уставот да се еднакви.

-Не пензионирање, туку завршување на договорот за работа што индиректно инпутира дека сите со 64 години треба да одат во пензија, рече Шахпаска.

Таа додаде дека очекувала и власт и опозиција дека ќе го поддржат ова законско решение. Но,како што истакна, токму во оние закони каде ги правиме исклучоците, а имајќи ги предвид бројот на здравствени работници што ни се неопходни, да може нивниот работен век да се продолжува година за година најмногу до 67 години, опозицијата поднела 480 амандмани.

-Во услови на пандемија кога целиот свет се бори и кога и еден здравствен работник претставува сериозен придонес, опозицијата поднесе 480 амандмани со кој овозможуваме здравствените работници да продолжат да работат заради јавниот интерес, рече Шахпаска.

Таа додаде дека тоа можноста за докуп на стаж и предвремено пензионирање е друг закон кој воопшто не е отворен.

-Продолжуваме со реформите. Станува збор за докуп на стаж и предвремено пензионирање што не е предмет на дебата, ниту е приоритетен закон. Приоритетен е законот за работни односи, а потоа ќе го отвориме прашањето за докуп на стаж и предвремено пензионирање, потенцира министерката. /МИА

На Британец му извадиле бубрези, тешки рекордни 35 килограми: Можам да дишам (ВИДЕО)

Ворен Хигс, 54, од Виндзор, Велика Британија, страда од полицистична бубрежна болест.

Тоа е наследна болест која предизвикува раст на цисти во бубрезите и може да доведе до откажување на бубрезите. Зафаќа едно лице од 1.000 и нема лек.Хигс бил опериран пред неколку месеци, а хирурзите велат дека неговите бубрези биле рекордно големи.

Имено, тежеле вкупно 35 килограми, а хирурзите му ги отстраниле двата бубрега.Се верувало дека стариот рекорд изнесувал 7,4 килограми, а тој бубрег е изваден од пациент во Индија.

Хигс се вратил во релативно нормален живот три месеци по операцијата и вели дека се чувствува многу подобро.

„Можам да дишам, можам да јадам“, вели тој, но сепак се бори со рамнотежата.

Сепак, тој редовно оди во теретана и тренира и планира да истрча 10 милји дневно.

Во Романија нема места на ооделите за интензивна нега, пациентите лежат на душеци на подот

Рекорден број на нови смртни случаи од коронавирус денеска се регистрирани во Романија, а болничкиот систем достигнал точка што нема повеќе слободни кревети на одделите за интензивна нега.

Во последните 24 часа, пријавени се повеќе од 18.800 нови инфекции со „Ковид-19“, а 574 луѓе починале. Романија е втората земја во Европа со најниска стапка на вакцинација, пишува Ројтерс.

Видеата од болниците во Букурешт покажуваат пациенти како лежат на душеци на подот или држат резервоари за кислород на преполните клупи во ходниците. Мртовечниците работат со полн капацитет.

"Нема доволно простор за сите случаи. Ако стапката на вакцинација беше 70 до 80%, сега ќе имавме десет пати помалку смртни случаи", рече Клаудио Русу, доктор во единицата за интензивна нега.

Во Романија, само 36% од возрасната популација е целосно вакцинирана, а просекот на Европската унија е 74%. Досега во октомври, едно лице на секои пет минути починува во земјата од последиците од инфекција со ковид.

Условите за избор на Мис на Франција ги шокираа кандидатките, подготвија тужба

Француските активистки за правата на жените поднесоа тужба против организаторите на изборот Мис Франција за дискриминација, пренесува порталот Франс инфо.

Групата Osez le féminisme (Осмели се за феминизмот) со три одбиени кандидатки ја обвинија Мис Франција и Ендемол за дискриминација на работа. Тие тврдат дека е неприфатливо условот за избор да е висината над 170 сантиметри, кандидатките да не се во брак и да се „претставнички на убавината“.

„Според францускиот закон, забранет е секаков вид дискриминација врз основа на возраста, моралот, физичкиот изглед и семејниот статус“, изјавила за АФП Виолан Де Филипис-Абате, адвокат на групата „Осез ле феминисме“.

Но, прашање е дали француските натпреварувачки можат да се третираат како вработени. Имено, тие потпишуваат договор, но тоа не е договор за вработување. Француските медиуми пишуваат дека тужителите сега се повикуваат на судската одлука од 2013 година, кога поранешниот кандидат за г -дин Франција ги тужел организаторите од слични причини.

притисни ентер