Свет

Севернокорејски војник ранет додека се обидувал да побегне во Јужна Кореја

Севернокорејски војник е ранет при обидот да побегне во Јужна Кореја преку строго контролираната Демилитаризирана зона (ДМЗ).

Севернокорејска војска пукала во војникот и го ранила додека преминувал на јужнокорејската страна од Зоната за заедничко осигурување во селото Панмун. Тој после ранувањето е пренесен во болница.

Околу 1.000 луѓе секоја година од Северна пребегнуваат во Јужна Кореја, но многу мал број се обидуваат да влезат во другата држава преку Демилитаризираната зона. Ова е четврт обид за бегство на севернокорејски војник на овој начин во последните три години, иако споменатата зона е една од најдобро чуваните појаси.

Северна и Јужна Кореја се технички во војна, бидејќи конфликтот меѓу нив во 1953 година е завршен со примирје, а не формален мировен договор.

Последниот пат, војник на овој начин успеа да побегне во 2007 година, а пред тоа во 1998 година.

Бројот на Севернокорејци кои побегнале во Јужна Кореја оваа година е помал за 13 отсто во однос на минатата година. Од јануари до август оваа година 780 Севернокорејци побегнале во Јужна Кореја, соопшти Сеул.

Овој пат е веројатно резултат на построгиот надзор и зголемувањето на безбедноста на границата. Повеќето луѓе бегаат низ Кина, која има најдолга граница со Северна Кореја и полесно е преминат отколку преку ДМЗ.

Сеул тврди дека повеќе од 30.000 Севернокорејци побегнале во Јужна Кореја од 1953 година.

Македонија

ВМРО-ДПМНЕ: ДКСК да покрене постапка против Битиќи

ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче.

По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката.

Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот.

ДКСК не смее да чека, да отвори случај и да се отвори постапка и пред другите институции.

Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност.

Време е да ја вратиме државата на народот. Македонија повторно твоја,се наведува во партиското соопштение.

Македонија

Пендаровски со порака по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака:

„Слободата на медиумите е еден од темелите на демократските вредности и е од суштинско значење за демократскиот развој на македонското општество.

Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.

Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање.

На сите медиумски работници им го честитам Светскиот ден на слобода на медиумите.“, соопштуваат од неговиот кабинет.

Македонија

СДСМ: На 8 ми мај граѓаните масовно да излезат на изборите, се одлучува за иднината на државата

Граѓаните треба масовно да излезат на изборите на 8-ми мај и да гласаат. Се одлучува за иднината на државата.

Прашањето е каква држава сакаме да изградиме?

Дали ќе следи уште една лоша реприза од тоталитарното владеење на Груевски и неговата криминална екипа, или заедно со СДСМ ќе имаме слободна, просперитетна и европска иднина.

Изборот е во рацете на граѓаните но тоа може да има сериозни негативни последици кон иднината на Македонија.

СДСМ ги повикува сите граѓани, да излезат на гласање во среда, да го заокружат бројот 1 и да гласаат ЗА, за европска иднина, за европски стандарди и вредности, за држава во која децата ќе сакаат да останат, се наведува во партиското соопштение.

притисни ентер