Свет

Северна Кореја тестираше моќен мотор за интерконтинтална ракета, јавија државните медиуми

Северна Кореја тестираше нов тип мотор на цврсто гориво за интерконтинентални ракети, објавија денеска државните медиуми.

Според медиумите, Ким Џонг Ун лично присуствувал на деветтиот и последен копнен тест на новиот мотор во Академијата за хемиски материјали во Пјонгјанг вчера.

Максималниот потисок на моторот е 1.971 килоњутни, што би било извонредно високо според меѓународните стандарди, објавија државните медиуми.

Во последниве години, Северна Кореја разви различни видови интерконтинентални ракети со доволен радиус на лет за да стигнат до копното на САД.

Ракетите на цврсто гориво се сметаат за особено сериозна закана бидејќи, за разлика од ракетите на течно гориво, тие не само што се полесни за транспорт, туку можат да се распоредат и многу побрзо.

Ким добива сè поголема дипломатска поддршка и од Москва и од Пекинг. Претходно месецов, севернокорејскиот владетел отпатува во Кина за прв пат по шест години, каде што се сретна со шефот на државата Си Џинпинг во Пекинг на разговори. Ким и Си се согласија на поблиски врски за време на нивниот состанок.

Северна Кореја, исто така, влезе во воена соработка со Русија, што е без преседан за земјата.

Според проценките на јужнокорејската тајна служба, Пјонгјанг испратил околу 13.000 војници да ја поддржат Русија во нејзината војна против Украина. За возврат, Северна Кореја добила безбедносни гаранции, девизи и наводно и воена технологија од Москва.

Тагови: Северна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Илинден додели еднократна парична помош за набавка на велосипеди

Градоначалникот на Општина Илинден, Александар Георгиевски, потпиша 67 Решенија за доделување еднократна парична помош за набавка на велосипеди.

И оваа година Општина Илинден ја реализира мерката за субвенционирање на велосипеди, со цел да се поттикне нивно почесто користење како еколошко и здраво превозно средство, како и да се промовираат здравите животни навики кај граѓаните. Преку оваа мерка, општината продолжува активно да придонесува за заштита на животната средина и намалување на загадувањето.

Мерката е дел од Програмата за финансиска поддршка на целни групи граѓани на Општина Илинден за 2026 година. По завршувањето на јавниот повик, кој траеше до 30 април, право на финансиска поддршка остварија 67 граѓани кои ги исполнија утврдените критериуми и доставија комплетна документација.

Финансиската поддршка изнесува 50 проценти од вредноста на набавениот велосипед, но не повеќе од 4.000 денари по корисник. Се известуваат граѓаните кои го оствариле правото на субвенција да ги подигнат Решенијата од архивата на Општина Илинден, со цел да се реализира исплата на одобрените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Богоев по стапките на менторот Заев си побарал мито од 2.000 евра за да намести тендер во Царина

Богоев по стапките на менторот Заев си побарал мито од 2.000 евра за да намести тендер во Царина вреден 300 илјади евра.

Богоев осомничен за местење на тендер во Царина вреден 300 илјади евра, притоа примил мито во вредност од 2.000 евра за да влијае на исходот на постапката.

Детето на Заев, Стефан Богоев продолжи по неговите стапки. Како првиот, така и другиот. Едниот бараше евро за брат му, овој за себе.

Александар Спирковски – Џемо, поранешен претседател на ОО на СДС во Прилеп, од јавно достапните информации, заедно со поранешниот потпретседател на СДС, Стефан Богоев, договарале која фирма треба да го добие тендерот за одржување на хигиена на граничните премини и терминали, а со тоа директно овозможиле правниот субјект да се стекне со противправна имотна корист во износ од над 18 милиони денари.

Но, тука не завршува приказната. Богац по стапките на Заев, си побарал и подарок за себе, а Џемо истиот му го овозможил. Затоа, поранешниот градоначалник на Карпош, Стефан Богоев, се товари и за примање на награда за противзаконито влијание, вредна околу 2.000 евра.

Почитувани,

Со тоа што е побаран притвор за поранешниот директор на Царинската управа, Стефан Богоев, јасно е дека има цврсти докази за ова кривично дело.

Богац е дете на СДС, поточно на Заев. По се изгледа одлучил да чекори по неговите стапки. Тоа е во матрицата на СДС. Криминали, тендери, афери, рекети.

Очекуваме од надлежните институции, дека овој пат ќе ги разгледаат сите докази со кои располагаат и ќе го седнат на обвинителната клупа, несудениот наследник на Заев, Стефан Богоев.

Миле Лефков, пратеник на ВМРО-ДПМНЕ

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мал авион се урна во Хрватска

Помал авион се урна во областа Медулин во Хрватска.

Во 11:25 часот, истарската полиција добила пријава за пад на помал авион во областа Медулин.

„На 4 јуни во 11:18 часот, пристигна пријава за пад на мал авион во областа Кампанож (во близина на аеродромот Медулин). Пријавата е потврдена, сите служби за итни случаи (полиција, брза помош и пожарникари) се на терен и преземаат мерки и активности во рамките на нивната надлежност“, соопшти полицијата. Според првите неофицијални информации, загинале неколку лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.