Сеута бара помош од Шпанија за над 1.000 малолетници без придружба - Канал 5

Свет

Сеута бара помош од Шпанија за над 1.000 малолетници без придружба

Шпанската енклава Сеута, која сè уште се опоравува од приливот од 72.000 мигранти кои пристигнаа на нејзините брегови за една недела, бара стотици малолетници без придружба да бидат преместени низ европскиот дел од земјата, соопштија локалните лидери.

Сеута бара помош од Шпанија за над 1.000 малолетници без придружба

Иако огромното мнозинство мигранти се вратиле во Мароко, околу 1.100 малолетници без придружба кои пристигнале пред и за време на приливот и не можат брзо да бидат депортирани, остануваат во енклавата, според локалната самоуправа.

Многумина спијат во привремено сместување во магацини или на улиците бидејќи прифатните центри се преполни.

Политичка тензија околу обврската за грижа за малолетници

Иако регионалните влади мора да им помогнат на преоптоварените територии во време на вонредна состојба, тензиите растат меѓу конзервативната Народна партија (ПП) и крајно десничарската партија Вокс, кои заеднички управуваат со четирите региони, околу тоа дали треба да се придржуваат кон законот.

Шефот на Вокс рече дека „ниту едно евро“ од шпанските пари не треба да оди кај малолетни мигранти.

Дури и ако регионите ги прифатат, експертите предупредуваат дека процесот на идентификација и преместување може да трае со месеци и ќе бара индивидуални интервјуа, извештаи и контакти со земјите на потекло.

„Бараме помош и поддршка“, изјави шефот на локалната самоуправа во Сеута, Хуан Хесус Вивас, за шпанската телевизија RTVE. „Ова е апсолутно неодржлива ситуација“, додаде тој.

Реформата на законот предвидува рок од 15 дена за трансфер

Според реформата на законот за имиграција од 2025 година, откако мигрантите ги преплавија прифатните центри на Канарските Острови, малолетниците без придружба треба да бидат преместени од преоптоварените територии во рок од 15 дена од првичната обработка.

Поради несогласување со оваа политика, Вокс ги напушти петте регионални коалициски влади што ги предводеше во 2024 година заедно со Народната партија, која го поддржа планот на социјалистичката влада за преместување на 400 малолетници од Канарските Острови на Иберискиот Полуостров.

Влијание врз односите со земјите од Европската Унија

Од почетокот на реформата, 719 малолетници се префрлени од Канарските Острови, според владини бројки од април 2026 година, а повеќе од 400 малолетници кои пристигнале во Сеута се преместени во други покраини.

Проблемот би можел да ги оштети и односите на Шпанија со европските земји управувани од конзервативци, како што е Италија, која го суспендираше Шенгенскиот договор за слободно движење на луѓе со Шпанија еден месец по приливот на мигранти во Сеута.

Извор: Индекс.хр

Тагови: Шпанија Сеута

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската влада започнува голема воена кампања за повторно освојување на сите области во земјата контролирани од Хутите

Јеменската влада, поддржана од Саудиска Арабија и меѓународно призната, соопшти дека започнува голема воена кампања за повторно освојување на сите области во земјата контролирани од Хутите, поддржани од Иран.

Јеменската влада започнува голема воена кампања за повторно освојување на сите области во земјата контролирани од Хутите

Вооружените сили на владата ќе продолжат со офанзивата „сè додека земјата не се ослободи од стисокот на терористичката милиција“, изјави јеменскиот претседател Рашад Ал-Алими во телевизиско обраќање.

Портпарол на војската подоцна ги повика Хутите да го положат оружјето.

Хутите, го држат главниот град на Јемен, Сана, и огромни делови од северозападот, каде што живее поголемиот дел од населението, од 2014 година. Тие досега издржаа серија напади во текот на годините од страна на Саудиска Арабија, Емиратите и нивните западни сојузници, и го осовременија своето оружје со помош на Иран.

Движењето минатиот месец започна изненадувачка офанзива со која го освои стратешкиот теснец Баб Ел-Мандеб,на Црвеното море за само неколку недели, давајќи им на Хутите нова предност над меѓународната поморска рута.Тој напредок, исто така, отвори нов фронт во пошироката американско-израелска војна започната во февруари против Иран кои вклучуваа задушување на транспортот на нафта низ Ормутскиот теснец.,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црногорскиот претседател донесе тениски рекет во Ватикан, Папата: Ѓоковиќ е Србин

Црногорскиот претседател Јаков Милатовиќ викендов билпримен во аудиенција кај папата Лав XIV за време на неговата официјална посета на Светата Столица.

Црногорскиот претседател донесе тениски рекет во Ватикан, Папата: Ѓоковиќ е Србин

„Папата Лав XIV би бил првиот папа во историјата што би ја посетил Црна Гора. За време на разговорите било потврдено пријателството меѓу Црна Гора и Светата Столица, како и заедничката посветеност на мирот, меѓусебното почитување и достоинството на секое човечко суштество“, соопштија од Кабинетот на претседателот на Црна Гора.

Милатовиќ истакна дека оваа година се одбележуваат 140 години од Конкордатот меѓу Кнежевството Црна Гора и Светата Столица, 20 години од воспоставувањето дипломатски односи и 15 години од потпишувањето на Основниот договор. За време на средбата, посебно внимание било посветено на натамошното зајакнување на соработката, вклучително и на отворањето на Апостолска нунцијатура во Подгорица.

На крајот од средбата, претседателот Милатовиќ му подарил на папата специјално изработен тениски рекет со црногорски државни симболи, рачно изработен филигран инспириран од добротската чипка и репродукција од првата страница на Конкордатот меѓу Кнежевството Црна Гора и Светата столица од 1886 година.

Милатовиќ му подарил тениски рекет на папата поради неговата страст кон тенисот.

При врачувањето на подарокот, тој го споменал тенисерот Новак Ѓоковиќ. „Тој се изјаснува како Србин“, одговори папата. „Тој исто така е многу наклонет кон Црна Гора“, одговорил Милатовиќ.

Тагови: Папата Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер