Сестрите Славица и Лила креираат уникатни хеклани чанти - Канал 5

Живот

Сестрите Славица и Лила креираат уникатни хеклани чанти

Младите мора да научат да прават ракотворби

Сестрите Славица и Лила креираат уникатни хеклани чанти

Децата се најголем извор на свеж ум и енергија, а за да ги поттикнеме треба и ние да им служиме како пример. Верувам дека со личен пример и мотивација можеме да направиме промена, со повеќе креативни работилници во училиштата и креативни курсеви за млади, зашто, кога ќе направиш нешто со свои раце, свое дело - на радоста ѝ нема крај, вели Славица Стоименова, креативец од чии вешти раце откако памети за себе, се раѓаат разни креации и ракотворби. Од вешта дама позната по слаткарскиот занает, денес, речиси секојдневно изработува хеклани чанти во разни бои и големини, кои никого не оставаат рамнодушен.

Љубовта кон плетењето ја носи уште од дете, а по посетата на работилници за хеклање, од неодамна се навраќа кон матичното ракотворење со иглата и конецот и буквално, ужива во креирањето убавини што ги усреќуваат другите.

- Плетев и го сакав плетењето уште од детството. Од мали нозе имав голема пасија за креативни работи и учев разни техники со кои понатаму изработував облека и слики, а подоцна, уживав и во креативната работа како слаткар. Изработував детски и свадбени торти, колачиња со интересни фигури и нацрти. Од скоро по првична идеја на мојата ќерка, се мотивирав за изработка на плетени ташни. Вака започна приказната: посетив краток курс за плетење, подоцна се усовршував гледајќи видеа на интернет, за да денес изработувам ташни речиси секој ден. Секоја ташна што е единствена, и на секоја нова се радувам како на првенче, зошто, секоја е уникат сама по себе, а е мое дело, вели Славица.

Хеклањето е техника на изработка ракотворби со трикотажен конец или макраме, 100 отсто памук, се работи со една игла и се плете на извлекување. Потекнува од традиционалните ракотворби во Арабија, Јужна Америка или Кина, кога најверојатно наместо игла се користеле прстите односно свиткан показалец, а како техника достинува популарност во Европа во 19 век. Познато е дека првата печатена шема за хеклање или штиркање се појавила во холандско списание на почетокот на 19 век. Денес повторно се реактуализира, а покрај достапните курсеви за плетење, и на интернет можат да се најдат бројни видеа со разновидни идеи за изработка.

- На почетокот изработував ташни од видеата кои ги гледав, но подоцна почнав да креирам свои модели. Ташните ги изработувам сама, а во идејата за изработки најмногу ми помага мојата ќерка и таа е личноста со која најмногу се консултирам кога бирам бои и модели, вели Славица, која со тек на времето ја пренесува својата љубов кон плетењто ташни и на сестра си.

По примерот на Славица и нејзината сестра Лила се инспирирала да ѝ се придружи во ова ново хоби. Лила научила да хекла и вели, сѐ што прави е со многу љубов. Одушевена од изработките на сестра си, уникатни и модерни, за млади девојки, и таа веќе длабоко е навлезена во тајните на креации со конецот.

- Ден по ден, ја усовршував работата, учев од неа, но и од светски примери достапни на интернет. Со многу работа, трпение и пред сѐ, љубов, успеав, иако речиси и немав некое значајно искуство со плетење. Никогаш не сум сонувала дека ќе изработувам чанти. Тоа е доказ дека доколку нешто сакаме и се вложиме, успехот е на дофат на рака, потребни се верба и посветеност, зачинети со љубов, раскажува Лила.

За една чанта да биде готова потребни се некоку денови, а некогаш може и помалку. Се работи со високо квалитетен конец, внимателно, игла по игла, за да се добие посакуваниот модел, што подоцна се украсува со рачка или синџирче, во зависност од желбата на клиентите. Чантите се изготвуваат во сите бои и големини, а најголемо задоволство за креаторките се пофалбите и позитивните коментари од задоволните купувачи.

Според Славица, интерес за рачно изработените ташни има сѐ повеќе, а со постојаната, масовна продукција и различен квалитет, луѓето сѐ повеќе го ценат рачниот труд. Не крие дека е неопходна и добра промоција, а најдобра реклама, според неа се задоволните корисници.

-Може и да се заработи од ова, хоби, како и од секоја работа, особено кога нештото го работиш со љубов. Навистина задоволството е големо да создаваш нешто уникатно и различно, со свој личен печат, во ова време на дигитална ера, вели Славица. Нејзината порака до младите е да бидат мотивирани за учење и совладување вакви или друг вид вештини на ракотворење.

Како ракотворец што целиот свој живот успешно креира со своите раце и креативност, Славица порачува младите да ги учат вештините на различни видови ракотворење. Цврсто верува дека со поттикнување и мотивација на младите можеме да направиме промена.

-Со повеќе креативни работилници во училиштата и креативни курсеви за млади или летни школи, младите можат да научат многу, да ја продолжат традицијата, да создаваат свои дела. Децата се најголем извор на свеж ум и енергија, а за да ги поттикнеме, треба и ние да им дадеме личен пример. Со повеќе читање, повеќе време во природа, низ семејни работилници и друштвени игри, со комуникација и охрабрување, сигурна сум дека ќе можеме да поттикнеме што повеќе млади да учат вештини на изработки со раце, со што истовремено ќе го развиваат и умот, порачува Славица.

За неа плетењето е јога за умот, своевидна медитација, засолниште од стресовите и пребрзата динамика на секојдневието. Затоа, повеќе и не ги брои изработките, задлабочена во она што е веќе нејзина пасија, речиси секојдневно изработува барем по една ташна, а бидејќи е голем љубител на природата и зелената боја, секогаш зелените ташни ги доживува со посебна радост што ја асоцира на мир, пролет, ново раѓање.

Порачува во животот да бидеме љубопитни и храбри за откривање и развој на личниот потенцијал, бидејќи во секој човек спие некој талент, а единствено упорноста и вербата можат да го донесат до совршенство./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Наскоро треба да се борат во кафез- сите очекуваа кавга, тие страсно се бакнуваа на соочувањето (ВИДЕО)

Борбите на познати личности од социјалните мрежи станаа популарна форма на забава, особено во Чешка и Словачка. 

Наскоро треба да се борат во кафез- сите очекуваа кавга, тие страсно се бакнуваа на соочувањето (ВИДЕО)

Еден од најпознатите организатори на вакви настани е чешката промоција Clash, која организира натпревари на инфлуенсери, ријалити ѕвезди и други јавни личности според правилата на ММА или слични боречки вештини, пишува Sportal.rs.

Меѓу основачите на организацијата е и Томаш Лин Ле Си, поранешен борец на организацијата Oktagon, кој е и едно од најпрепознатливите лица на Clash.

Бакнеж наместо борба

Следниот настан, Clash 17, ќе се одржи на 24 октомври во чешкиот град Усти над Лабем. Меѓу најавените натпревари е и оној помеѓу инфлуенсерката Тереза ​​Осладилова и Анџела Мангомба, попозната како Анџи.

Нивната конфронтација на прес-конференцијата предизвика бројни реакции. Наместо вербални провокации или физичка конфронтација, двете натпреварувачки се бакнаа пред камерите и собраните гледачи. Видеото потоа се прошири на социјалните мрежи.

Чешките медиуми објавуваат дека Осладиловска и Мангомбе се зближиле за време на снимањето на реалното шоу „Шлајска куќа“, во кое и двете учествувале. Така, нивната врска привлече дополнително внимание пред нивната пресметка.

Која е Тереза ​​Осладиловска?

Тереза ​​Осладиловска е чешка инфлуенсерка, модел и креаторка на еротска содржина, позната на социјалните мрежи под прекарот Осладинда. Таа доби поширока популарност со учеството во чешката верзија на реалното шоу „Гола привлечност“, во кое натпреварувачите избираат потенцијални партнери врз основа на нивниот гол изглед.

Таа се појави двапати во тоа шоу. Првиот пат беше меѓу кандидатите што другите учесници можеа да ги изберат, додека во вториот настап самата избра потенцијален партнер. Пред телевизиската кариера, работеше како медицинска сестра, а извесно време водеше и салон за убавина. Подоцна, таа почна да објавува еротска содржина на платформата OnlyFans.

Популарноста стекната на телевизија ѝ овозможи да се занимава со боречки вештини. Во февруари оваа година, таа го имаше своето деби на „Клеш 15“ и ја победи Доминика Хоракова со технички нокаут во втората рунда. Во интервју за чешкиот iDNES, таа откри дека немала искуство во боречките вештини пред да се приклучи на Clash.

Во меѓувреме, Осладилова почнала редовно да тренира, а зборувала и за можноста за учество во натпревари за фитнес во бикини. Борбата против Мангомба ќе биде нејзин втор настап во организацијата Clash.

Која е Анџи Мангомбе?

Анџели Мангомбе, попозната како Анџи, е чешка инфлуенсерка, претприемачка и ријалити ѕвезда родена во 1996 година. Таа станала позната на јавноста по учеството во емисиите Like House и Výměna štážek, чешката верзија на ријалити форматот Wife Swap.

Таа е вклучена во социјалните мрежи, претприемништвото и музиката, а во минатото работела и во индустријата за возрасни. Меѓу другото, настапувала како стриптизета и учествувала во еротски емисии преку интернет камери. Исто така, започнала бизнис поврзан со продажба на перики.

За разлика од Осладилова, Мангомбе има поголемо искуство во боречките вештини. Таа за прв пат се појави во организацијата „Клеш“ во 2022 година, а досега одигра пет натпревари. Имаше две победи, два порази и едно реми. Во последното појавување, во февруари оваа година, загуби од Доминика Елишерова со нокаут во првата рунда.

Анџи призна дека ѝ се допаѓа нејзината идна противничка

Интересно е што нивната врска не застана само на бакнеж за време на прес-конференцијата. Во септември, Мангомбе призна за „Чех Експрес“ дека ѝ се допаѓа Осладилова и дека може да замисли романтична врска со неа.

Таа објасни дека се запознале за време на снимањето на реалното шоу „Шлајска куќа“, каде што се предомислила за својата идна противничка. Мангомбе потоа неодамна ја раскина свршувачката со својот партнер Алберт Блажек и изјави дека не ја исклучува можноста за врска со жена.

Сепак, не е потврдено дека двајцата инфлуенсери се во врска. Нивниот дуел останува закажан за 24 октомври, кога треба да се сретнат во кафезот на „Клеш 17“.

Тагови: кафез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Неизвесни преговори за состав на владата на Шведска- сега во прв план се центристите

Претседателот на шведскиот парламент Андреас Норлен вели дека побарал од лидерката на Централната партија Елизабет Танд Рингквист да го разгледа формирањето на новата влада, давајќи ѝ рок од една недела да разговара со другите партии.

Неизвесни преговори за состав на владата на Шведска- сега во прв план се центристите

Минатомесечните избори и дадоа на левиот центар тесно мнозинство во парламентот, но иако сите четири опозициски партии ја поддржуваат лидерката на социјалдемократите Магдалена Андерсон за премиер, тие не се согласуваат околу тоа кој треба да учествува во новата влада.

Тан Рингквист сега ќе ја испита можноста за формирање центристичка алтернатива, рече Норлен на прес-конференцијата, додавајќи дека се уште не е јасно кој би станал премиер доколку успеат преговорите.

Неизвесност во преговорите

„Различни опции за формирање влада исто така се разгледуваат, иако колку што можам да кажам, ниту една од нив сè уште не покажува јасен напредок“, рече Норлен.

Танд Рингквист, чија партија го освои петтото место на изборите, рече дека ќе ги покани сите лидери на политичките партии на разговорите. Мојата намера е да придонесам за решавање на прашањето за формирање влада, а не да станам премиер“, напиша таа во објавата на социјалната мрежа Икс.

Во четвртокот, како што се очекуваше, пратениците го отфрлија предлогот на Андерсон за формирање малцинска влада. Тоа беше првото од четирите парламентарни гласа пред да мора да се распишат нови избори. Последен пат во Шведска имаше предвремени избори во 1958 година.

Танд Рингквист претходно ја покрена можноста за формирање „центристичка“ влада која ќе ги исклучи и Левичарската партија и екстремно десничарските шведски демократи.

Норлен рече дека Танд Рингквист мора да му поднесе извештај најдоцна до 26 октомври.

Тагови: влада Шведска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Несреќни туристи се најдоа среде улична војна во Париз- едвај се спасија натоварени со куфери (ВИДЕО)

Вознемирувачки снимки од насилство на улиците на градовите низ целата земја доаѓаат деновиве од Франција, каде што се судираат демонстрантите и полицијата.

Несреќни туристи се најдоа среде улична војна во Париз- едвај се спасија натоварени со куфери (ВИДЕО)

Во морето снимки од насилство и грабежи на продавници за луксузна стока, оваа од Париз, каде што две туристки се најдоа среде улична војна, привлече големо внимание на социјалните мрежи.

Имено, двете патувале во „градот на светлината“ во потрага по романса и веројатно желба да ги видат симболите на француската престолнина, како што се Ајфеловата кула и Триумфалната капија, а наместо тоа морале да си го спасат животот.

Водени топови, солзавец, маскирани бандити ги опкружиле додека се движеле низ улиците на Париз туркајќи ги своите куфери. Според сите извештаи, овие две туристки избрале погрешно време да го посетат „градот на светлината“.

Патем, Париз се смета за една од најпосетуваните туристички дестинации во светот. Помеѓу 47 и 49 милиони туристи, домашни и од целиот свет, го посетуваат овој град секоја година.

Бројот на жртви од немирите во неделата навечер кон понеделник беше голем. Според најновите бројки од француското Министерство за внатрешни работи, 2.397 лица биле уапсени, а 997 полицајци и жандармериски службеници биле повредени, од кои седум потешко, за време на националните протести поради високите трошоци за живот и влошувањето на јавните услуги.

Тагови: Париз туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер