Угледниот професор разби некои од најраспространетите митови за здравјето, па проговори и на темата која најмногу ги интересира жените – целулитот.

Проф. д-р Дејан Чубрило е угледен професор по медицинска физиологија. Во една прилика, тој имаше свое излагање во врска со функционирањето на нашиот организам, кое е спротивно од популарните митови кои циркулираат во секојдневниот социјален живот.

Според д-р Чубрило, веќе од 30-тата година сите мора да ги променат навиките во исхраната, односно начинот на кој ја комбинираат храната.

-Некој не може да вари протеини, риба и месо, но во денешно време постојат толку многу диети кои ги применуваат познатите жени велејќи дека секој ден јадат риба, месо и салати. Но, ако немаме ензими за тоа, а тоа лесно се проверува, тогаш е залудно... Треба сами да си ги откриеме слабите точки. Дали е тоа желудникот, панкреасот, дебелото црево... Ако немате доволно ензими таму, не можете да јадете одредена храна – вели д-р Чубрило.

Интересно е што овој доктор нагласува дека умрениот стрес е прифатлив.

-Умрениот стрес е корисен, да се разбудите малку, да се раздрмате, да се поттикнете во животот! Тој што спие 10 часа и ништо не го интересира, брзо го навасуваат болести, а кој е активен и постојано има нови цели, е многу поздрав. Ако имате стресни ситуации час-два, а потоа уживате, тоа е во ред. Но, ако тоа трае со часови, тогаш е друга приказна – истакнува овој познат стручњак.

Еве што вели за слабите жени со многу целулит.

- Еве еден парадокс... Во ординација ми дојде слаба жена, дури со мала килажа за својата висина, но ми вели: „Докторе, срам ми е да ви кажам колку целулит имам...“ Тоа зависи од тој фамозен состав на протеини и аминокиселини во клетките. Тие се како сад, како едно шише во кое ќе ставите сунѓер, кој во случајов е тој протеин во клетките, и нема кој да ја привлече водата во шишето и вие сте дехидрирани... Кога мускулот не може да порасне, може да вежбате до задутре, но ништо нема да се случи бидејќи протеинот не бил внесен во системот. Поентата е, она што сте го изеле, не можете да го искористите. На пример, има луѓе кои јадат 10 јајца дневно, што е страшно... Тоа е погубно и во ковидот се покажа дека оние со голема мускулна маса најмногу му подлегнаа на ковидот. Не ви треба мускул со огромна маса, туку јак мускул, издржлив – нагласи докторот во една прилика.

Честопати се препорачува да се пие 2-3 литра вода дневно.

-Тоа е едноставно, неверојатно... Гледам жени во автобус, сите носат шишенца со вода. Зошто носите шишенца и се налевате со вода? – праша докторот.

Потоа откри што се случува со водата во телото.

- Ако клетките немаат можност да ја примат таа вода, тогаш таа стои околу клетката и дел од неа се исфрла преку урината, а дел останува околу клетката – појаснува овој стручњак.

Што е со нас кои никогаш не сме жедни?

-Тоа значи дека сме добро хидрирани и дека клетките го добиле потребното. Ако урината е светла, нема потреба да пиете вода. Следете го своето чувство за жед, тоа е знак дека сме дехидрирани. А, ако урината ви е темножолта, веднаш напијте се две чаши млада вода, и тоа од чешма. Кој сака, може да ја преврие, или може да ја филтрира и да ја остави еден час на собна температура – истакнува докторот.

Кога станува збор за оброците, д-р Чубрило не разбира зошто луѓето се прејадуваат за ручек, па јадат пита и две-три парчиња месо, па две-три салати...

- Доволно е да изедете едно парче месо и една салата. Јас сум сега најмногу за туршија, обарено цвекло, кисели краставици, ферментирано, не сфаќам кога покрај тоа ќе се најадат и зелена салата, бидејќи и таа тешко се вари – вели докторот.

Д-р Чубрило открива што попрво би избрал како најдобар оброк за вечера.

- Ќе се напијам чаша вино и ќе земам неколку бадеми и тоа е тоа. А, кога сум навистина гладен, јадам малку колку да се заситам. Навечер не ви треба ни риба, ни месо, подобро е да земете крем супа со зеленчук, или супа што ви останала од ручекот. За појадок се доволни само 4 супени лажици овесна каша. Не сфаќам зошто прават по литар шејк, па го пијат, тоа е сериозна болест! Наутро изедете едно до две јајца, а не 4-5. Ако сте многу гладни, подоцна јадете повторно по малку, но не сè одеднаш... Јајца со сланина, никако! Маст до протеин не се комбинира – заклучува проф. д-р Чубрило.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.