Сериозен пропуст или провокација-песна за тн. Голема Албанија, емитувана на детски фестивал на МРТВ2 - Канал 5

Македонија

Сериозен пропуст или провокација-песна за тн. Голема Албанија, емитувана на детски фестивал на МРТВ2

Песната ја изведува 13 годишно девојче.

Сериозен пропуст или провокација-песна за тн. Голема Албанија, емитувана на детски фестивал на МРТВ2

Маичка со мапа на т.н. „Голема Албанија“ и песна насловена „Албански територии“ во која се искажуваат територијални претензии кон соседните држави меѓу кои е и Македонија го одбележа скандалозниот детски фестивал емитуван во саботата на вториот програмски канал од јавниот сервис..

Песната ја изведува 13 годишно девојче, а во нејзе пее, „летај, летај, Албанијо, летај, знамето наше се издигнува врз земјата, по што следува порака за обединување каде се вели, „ ќе дојде ден кога сите ќе бидеме заедно, затоа што сме еден народ, еден сон, една цел“.

Главниот и одговорен уредник на МРТВ2 – Мерита Гаши, не ни одговори на прашањето како е дозволено ваква изведба на МРТВ2 кој се финасира од буџетски средства на граѓаните – вели подолго време е на боледување, а поради здравствени причини не би можела да даде одговор. Неофицијално, како што дознава Канал 5, таа во среда таа ќе треба да даде објаснување за содржината на фестивалот на состанок на програмскиот совет.

Аналитичарот – Алберт Муслиу пак, во „Кавга со Иван“ вели дека провокациите треба да се избегнуваат во било каква форма, а особено одговорност имаат лицата кои се во јавниот дискурс.

-Провокативни работи треба да се избегнуваат, сме ја надминале таа фаза, нема ќар од тоа. Секој кој е во јавниот дискурс треба да биде повнимателен, затоа што тоа дава и обврска, институционална обврска како Алберт немам, ама имам интелектуална општествена и човечка. - Алберт Муслиу – Аналитичар

Од ААВМУ за Канал 5 велат дека се во тек со емитуваната програма и дека во моментов се изготвува анализа во која ќе изградат став дали е прекршен Законот за ААВМУ.

Директорот на МРТ, Маријан Цветковски, посочува дека нема ингеренции во уредничките одлуки, кои биле независни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Мусака од макарони

Во вторник (12.06.2026) во емисијата гостин ни бeше Вера Мештеровиќ.

„Гответе со Дракче“ - Мусака од макарони

Состојки за денешниот рецепт:

300 гр. мелено телешко месо

1 пакување макарони (пастицио)

1 главица кромид

1 морков

1 црвен домат

200 – 300 гр. доматно пире

300 гр. кашкавал

100 гр. пармезан

4 - 5 јајца

250 мл. млеко

маслиново масло по потреба

половина коцка путер

малку мускатно оревче

сол, бибер и др. зачини по избор

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузмановска: Криминалната ВМРО го казни претседателот на СДММ - Трајче затоа што не молчи!

Трајче е казнет затоа што не молчи.

Кузмановска: Криминалната ВМРО го казни претседателот на СДММ - Трајче затоа што не молчи!

Криминалната ВМРО и Мицкоски го прераспределија претседателот на СДММ од Штип во Берово или повеќе од 100 километри од неговото место на живеење до работното место.

Младите масовно се иселуваат а имаме обиди за замолчување на сите оние кои јавно зборуваат и избираат да не молчат.

Денеска е Трајче, а утре може да биде ској млад, секој од нас.

Од пред УЈП порачуваме, вие не го казнивте Трајче вие го казнивте правото младите слободно да мислат и слободно да зборуваат.

Но нема да молчиме, нема да не исплашите, нема да не замолчите.

Младите се против реваншизам, против, притисоци, против уцени и казни. Колку повеќе притискате, толку погласно ќе зборуваме.

Другар Трајче, со тебе сме.

Стефанија Кузмановска, потпретседателка на СДММ

Тагови: СДММ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делегација од шест македонски општини го посети и македонскиот КИЦ во Загреб

Иницијативи за културна соработка и туристичка промоција на локалните самоуправи.

Делегација од шест македонски општини го посети и македонскиот КИЦ во Загреб

Во рамките на студиската посета на Република Хрватска посветена на развојот на граѓанските енергетски заедници, делегација од шест македонски општини го посети и македонскиот Културно-информативен центар во Загреб и оствари средба со директорката Мими Ѓоргоска Илиевска.

Во состав на делегацијата беа градоначалниците на Битола, Кичево, Новаци и Демир Капија – Тони Коњановски, Александар Јовановски, Стевче Стевановски и Наталија Димитриева, секретарите на Куманово и Вевчани – Емилија Сларидис Јаневска и Зоран Радиноски, како и координаторот за енергетски проекти во Еко-свест, Жарко Конески.

Во текот на посетата се иницираа можности за продлабочување на соработката меѓу македонскиот КИЦ во Загреб и македонските општини. Посебен акцент беше ставен на промоцијата на општините како туристички дестинации преку претставување на нивното културно наследство, традиција, природни убавини и современи културни содржини, со цел зајакнување на културниот туризам и нивна поголема меѓународна видливост.

Во таа насока беа разгледани повеќе иницијативи и можности за заедничко организирање културни настани, изложби, презентации и други активности преку кои ќе се афирмираат културните и туристичките потенцијали на македонските општини пред хрватската јавност.

Македонскиот КИЦ во Загреб изразува благодарност до делегацијата што, и покрај својата студиска посета, одвои време да го посети КИЦ-от, при што ваквите средби се значајни за унапредување на взаемната соработка.

Тагови: КИЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер