Серија пријави за семејно насилство во Скопје, Делчево и Штип за едно деноноќие - Канал 5

Црна хроника

Серија пријави за семејно насилство во Скопје, Делчево и Штип за едно деноноќие

Во изминатото деноноќие, полициски службеници на Министерството за внатрешни работи интервенирале по повеќе пријави за семејно насилство на подрачјето на Скопје, Делчево и Штип, при што неколку лица биле лишени од слобода.

Серија пријави за семејно насилство во Скопје, Делчево и Штип за едно деноноќие

Според соопштението од МВР, вчера полициски службеници од СВР Скопје го лишиле од слобода Ѓ.К. (41) од Велес, по пријава од неговата 39-годишна вонбрачна партнерка дека истиот ден околу 08:00 часот, во семејниот дом во Скопје, физички ја нападнал со тврд предмет и ѝ го оштетил мобилниот телефон. При извршен претрес во домот била пронајдена и одземена марихуана. По целосно документирање на случајот, ќе следува соодветен поднесок.

На 10 јануари 2026 година, во 00:30 часот, во село во делчевско, полициски службеници од ОВР Делчево го лишиле од слобода В.Н. (53) од делчевско, откако неговата 53-годишна сопруга пријавила дека во семејниот дом физички ја нападнал и ѝ упатил закани. По документирањето, ќе биде поднесена соодветна пријава.

Истата ноќ, во 00:50 часот во Делчево, полициски службеници го лишиле од слобода и А.И. (48) од Делчево, по пријава од неговата сопруга дека во семејниот дом физички ја нападнал и го оштетил нејзиниот мобилен телефон. По целосно документирање, ќе следува соодветна пријава.

Во Штип, пак, вчера во 17:15 часот, 26-годишен маж пријавил во СВР Штип дека во неговиот дом, по претходна расправија бил физички нападнат од неговата девојка М.Ј. (20) од штипско. По документирањето на случајот, ќе биде поднесен соодветен поднесок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер