Сензација на почетокот на скијачката сезона- во велеслалом победи 17- годишно девојче

Скијачката Алис Робинсон од Нов Зеланд , која има само 17 години е најголемото изненадување на денешниот Светски куп во велеслалом на отоврањето на сезоната во австрискиот центар Селден.

Робинсон оствари вкупно време од 2: 17,36 минути во двете возења, надминувајќи ја најдобрата светска женска скијачка Микаела Шифрин за шест стотинки, која заостануваше за 14 стотинки по првото возење.

На Робинсон во второто возење и беше доволно и 14-то време , а Шифрин имаше дури 18-ти резултат . На најниското место на подиумот се искачи Французинката Теса Ворли, која заостана за 36 стотинки зад победничката од Нов Зеланд.

Алис Робинсон, како актуелна јуниорска шампионка во слалом, го сврте вниманието кон себе во финалето на Светскиот куп минатата сезона, кога заврши на второто место во Андора.

Втората сензација на отворањето на новата сезона е 25-годишната Норвежанка Марија Тереза ​​Твиберг, која заврши на шестото место со почетен број 58, откако во своето прво возење имаше 26-ти резултат.

За жал, отворањето не помина без голем пад. Австриецот Бернадет Шилд мораше да биде транспортиран со хеликоптер поради повреда на левото колено.

Едукативни работилници за најдобри практики за рана детекција на рак на дојка

Едукативните работилници опфаќаат повеќе аспекти на дијагностиката.

Министерството за здравство информира дека во рамки на проектот Health info, кој е дел од ИНТЕРЕГ ИПА Програмата за прекугранична соработка меѓу Грција и Република Македонија 2014-2020, во текот на изминатите две недели се спроведоа едукативни работилници за специјалисти радиолози и радиотехничари, со цел обезбедување напреден тренинг за најдобри практики во врска со испитувања и рана детекција на рак на дојка.

Едукативните работилници опфаќаат повеќе аспекти на дијагностиката, меѓу кои: значењето на техничкиот квалитет на мамографијата, улогата на ултразвукот во скринингот, протоколот за скрининг, техниките на снимање за рано откривање на рак на дојка, како и значењето на раната дијагноза како најважен фактор во успешното лекување на ова заболување.

Учесниците на работилниците се доктори специјалисти по радиологија и радиoлошки техничари од Клиничката болница Битола и Општата болница со проширена дејност Гевгелија, а едукатори се квалификувани и искусни доктори специјалисти по радиологија и радиолошки технолози од Градската општа болница „8 Септември" и Универзитетскиот институт за радиологија . Покрај теоретски дел, работилниците се состојат и од практична работа во наведените институции.

Во рамки на проектот се набавени нов дигитален мамограф и ехо апарат во вкупна вредност од 140.000 евра, наменети за Клиничката болница Битола и Општата болница со проширена дејност Гевгелија, со кои веќе се спроведува пилот проект за скрининг на канцер на дојка (мамографија и ехо на дојка), како и скрининг на канцер на грло на матка (гинеколошки преглед, ехо и ПАП тест). На овој начин се добива можност за интегрирање на информациските системи меѓу овие болници и неколку здравствени институции во Грција, а воедно се унапредува комуникацијата со здравствените институции во Грција.

Инаку, овој проект се финансира од страна на Европската Унија која обезбедува 85% од финансиските средства,додека 15% од средствата се национално учество.

Целта на проектот е подобрување на системот на здравствена заштита во пограничните региони на двете земји (битолскиот и гевгелискиот регион), преку воспоставување на иновативен модел – унифициран електронски систем за размена на информации помеѓу двете земји.

Фокусот е да се опфати потешко достапната популација, како што се жени на возраст од 35-60 годиниво помалите рурални општиниво пограничниот регион со Грција,со цел да се адресираат нивните потреби,и истите да се вклучатво квалитетна превентивна програма за скрининг на канцер на дојка и канцер на грло на матка.

Раната детекција на овие болести овозможува поставување рана дијагноза и навремен и ефикасен третман, што во крајна линија има за цел намалување на стапката на морбидитетот и морталитетот предизвикани од овие болести кај наведената популација.

Општина Центар: За седум дена санкционирани се 296 непрописно паркирани возила

ЈП Паркинзи на Општина Центар и Општина Центар во соработка со Сообраќајната полиција-Скопје за седум дена санкционираа 296 непрописно паркирани возила кои го попречувале нормалното и безбедно одвивање на сообраќајот.

Во периодот од 21.09. до 27.09.2020 година, со помош на специјалните возила „Пајак“ на ЈП ПОЦ отстранети се 157 непрописно паркирани возила, а со поставување на механичко средство „Блокатор“ санкционирани се 139 возила кои биле затекнати во резидентни зони, а не биле корисници-резиденти на секторот во којшто биле паркирани.

ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.

Водата во Скопје безбедна за пиење

 Водата во Скопје е безбедна за пиење. Тоа го покажа минатонеделното испитување на 182 примероци од 38 мерни места во Скопје.

-Секторот за санитарна контрола во периодот од 21 до 25 септември зема 182 примероци за физичко-хемиска и 182 примероци за микробиолошка анализа на вода за пиење од 38 мерни места во Град Скопје. Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, велат од ЈП Водовод и канализација – Скопје.

притисни ентер