Семинар за народните инструменти и песни пред почетокот на фестивалот „Пеце Атанасовски" - Канал 5

Култура

Семинар за народните инструменти и песни пред почетокот на фестивалот „Пеце Атанасовски"

Во пресрет на почетокот на 45. Фестивал на народни инструменти и песни „Пеце Атанасовски" што на 5 и 6 јули ќе се одржи во Прилеп и на Рудина кај Долнени, деновиве се одржа Семинарот за изучување на народните инструменти и песни. 

Семинар за народните инструменти и песни пред почетокот на фестивалот „Пеце Атанасовски"

Тринаесет млади учесници истражуваа, ги осознаваа инструментите и песните кои народот ги создавал низ вековите и се дел од богатото културно и фолклорно наследство на овие простори.

Оваа година семинарот е насловен „Доближувањето на младите до фолклорот", а работата е поделена на неколку етапи. Горан Василески, магистер по фолклористика и водач на семинарот, вели новост е теренско истражување во неколку села во општина Долнени каде младите се запознале со традиционалните песни и инструменти, а повозрасните им објаснувасле на младите за фестивалот, за традиционалните инструменти и песни, за обичаите, народните носии, сѐ со цел тие потемелно да навлезат во традицијата и во фолклорот.

– Посетивме неколку културно-уметнички друштва. На пример, КУД „Пенка Котеска" од Прилеп ни излезе во пресрет и присуствувавме на нивната проба, ги слушавме изворните песни од регионот Прилеп-Мариово. Денеска имавме средба со изработувачот на народни инструменти, мајсторот Љубен Јуртовски, за да видиме директно како се изработуваат гајдите, тапаните, зурлите и кавалите, изјави Василески, објаснувајќи дека на затворањето на фестивалот, во Долнени, на Рудина, в сабота семинаристите ќе настапат со она што го научија, главно, тука е „химната" на Долнени и на фестивалот – песната „Отидов село Долнени, де". Учесниоците на семинарот, младите, ќе настапат со помош на КУД „Пенка Котеска".

Василески се надева дека младите и наредните години повеќе ќе се интересираат за изворниот мелос зашто овој сменинар е единствен од ваков карактер каде не се плаќа партиципација и учесниците добиваат максимум од познавањата на изворниот мелос.

-Семинарот се одржува 10-ина години. Се трудиме да има континуитет, без разлика колкави се средствата и ќе настојуваме во иднина да продолжи оваа традиција која директно е врзана со зачувувањето на богатиот македонски изворен фолклор. Има доста млади заинтересирани, кои сакаат д го изучат фолклорот. Секако, добредојдена е помошта од државата, од Министерството за култура и од сите извори да се зачува богатиот фолклор и да се пренесе на новите генерации. Сакавме да ги анимираме Македонците во Гора, во Мала Преспа, но се зависи од финансиските средства, додаде Василески.

Младите велат дека треба да се возобнови интересот за фолклорот кој последниве години кај новите генерации стагнира. Младиот Борче Нунески, семинарист, 10 години игра во КУД „Мирче Ацев".

– Вљубеник сум во Фолклорот. Играорец сум 10 години. Сега сакам да научам да свирам на гајда. Има млади кои се интересираат, но, за жал, сѐ е во изумирање. Не знам, ама треба да се подигне љубовта спрема фолклорот, вели Нунески.

Десетгодишниот Давор Петкоски го сака фолклорот и играњето народни ора.-Имам 10 години. Одам во КУД „Мирче Ацев" во Прилеп седум години. Учествувам на овој семинар. Пееме и истражуваме народни песни. Свириме и истражуваме, вели Петкоски

Според секретарот на фестивалот „Пеце Атанасовски", Златко Лаашкоски, сѐ зависи од инетересот на државата и дека токму нивниот фестивал се труди да ги зачува традицијата, изворниот мелос.

-Во 1974 година кога почна фестивалот во Долнени имаше 100-ина гајдаџии, денеска нема ниту еден. Токму тоа е нашата мисија – да ја вратиме љубовта кон извпрниот мелос. А се надеваме овој семинар, кој стана традиција, ќе го стори тоа. Волја е на државата – ако се дотираат повеќе средства – ќе има поголема желба за зачувување на изворниот мелос. Ние сакавме на семинарот да имаме пет професори, над 30 учесници кои 10 дена ќе работат со семинаристите за изучување на народните иснтрументи и песни. Но, се зависи од средствата. Се надевам дека за ова народно културно богатство во иднина ќе има слух, објаснува Лашкоски.

Фестивалот „Пеце Атанасовски" официјално почнува утревечер со дефиле на учесниците во центарот на Прилеп, со првата вечер на изведувачите на народни инструменти и песни на плоштадот „Александрија" во центарот на Прилеп. В сабота е трибината со етномузиколози за изворниот мелос некогаш и денес, промоција на зобрник со научни трудови, а вечерта в сабота на Рудина кај Долнени, е втората фестивалска вечер, прогласувањето на најдобрите и врачувањето на наградата „Гајдата на Пеце Атанасовски" на најдобриот гајдаџија. На Фестивалот ќе учествуваат околу 350 изведувачи од сите краишта на земјава. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од палење гуми во двор избил голем пожар кај делчевско Бигла

Два големи пожари беснеат во Македонија.

Од палење гуми во двор избил голем пожар кај делчевско Бигла

Пожарот во делчевското село Бигла кој изби откако неодговорно лице утрово околу 10 часот палело гуми во својот дом, па ја зафатил блиската борова шума, е ставен под контрола, а нов пожар попладнево има во околината на Пехчево, кон Бугарска граница. Првиот човек на ЦУК вели дека во справувањето од пламените јазици во Бигла се употребени сите расположливи ресурси: трите ер-трактори, тешка механизација, а ангажирани се локалните пожрникари, доброволци и месно население, со цел да се спречи загрозување на домовите. Од страна на градоначалникот веднаш биле ангажирани просторните сили на Делчево, а на терен се и пожарникари од градот. Побарана е помош и од соседните противпожарни единици.

Пожарот во Палиград на планината Китка се уште е активен, селото е безбедно но поради тешко пристапниот терен, гаснењето е комплексно.

Големиот пожар кој што синоќа се закануваше на мариовско бонче, а денеска еден крак повторно се разгоре, е конечно изгаснат.

Инаку доброволните пожарникари од Битола и Кочани сведочеа од терен за тешката битка со пламените јазици кај Бонче, а според сведоштвата од терен, нивната интервенција била пресудна селото да биде спасено од огнената стихија.

Во Бонче исто така екипи на итната помош интервенирале на терен, едно лице вдишало чад справувајќи се со огнената стихија..

Состојбата со пожарите е ислучително лоша, Ангелов апелира до граѓаните особено да бидат внимателни..

Денеска Македонија бележи 20 шумски пожари. Дел од нив ставени под контрола. Екипи на ДСЗ остануваат на терен да дежураат пожарите да не се активираат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Огромна заплена на кокаин во Шпанија, уапсен Хрват

Шпанската полиција заплени околу 1,5 тони кокаин во градот А Побра до Карамињал, на брегот на северната покраина Галиција, а меѓу тројцата уапсени е и хрватски државјанин, објави локалниот весник „Ла Воз де Галиција“.

Огромна заплена на кокаин во Шпанија, уапсен Хрват

Кокаинот е пронајден во објект на имот недалеку од морето, каде што, според резултатите од досегашната истрага, бил привремено складиран.

Галиција е важна рута за шверц на кокаин

Галицискиот брег, познат по своите карпести заливи, е една од важните области за влез на кокаин во Шпанија преку Атлантскиот Океан од Јужна Америка.

Во последниве години, истражителите ја забележаа и соработката на локалните криминални групи со лица од земјите од поранешна Југославија, вклучувајќи ја Црна Гора, Србија и Хрватска, и сега се обидуваат да откријат дали некоја од групите од таа област е вклучена во случајот.

Полицијата со часови го претресуваше имотот и пловилата

Полицијата со часови го претресуваше имотот во саботата, а за време на операцијата провери и неколку пловила.

Меѓу уапсените е и Р. Р. Г., член од втора генерација на криминалниот клан Ос Фанчос, кој е присутен во областа А Побре со децении, објави весникот.

На Хрватот му се припишува улогата на надгледувач

Истражителите ја припишуваат улогата на надгледувач на неименуван хрватски државјанин.

Станува збор за лице испратено од една од криминалните организации вклучени во шверцот за да ја надгледува операцијата и да ги заштити своите интереси. Според полициските информации, неговата задача е, меѓу другото, да ја контролира испораката и количината на дрога и да провери дали се исполнети договорените услови.

Сè уште се бара бродот што се користел за транспорт на дрогата

Истражителите сè уште се обидуваат да утврдат кој брод го транспортирал кокаинот до брегот. Бродот што се користел за истоварување сè уште не е пронајден, додека се претпоставува дека дрогата пристигнала на локацијата непосредно пред полициската операција.

За време на претресот, полицијата отстранила бали што содржат кокаин од објектот. Истражителите проценуваат дека тежината е околу 1.500 килограми.

Извор: Индекс.хр

Тагови: кокаин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АА: Реакцијата на ВЛЕН за трагедијата во Тетово е уште еден доказ за нивното политичко лицемерие

ВЛЕН денес, наводно, откри дека трагедијата во Тетово бара институционална одговорност и дека на јавноста „ѝ се должи одговор“.

АА: Реакцијата на ВЛЕН за трагедијата во Тетово е уште еден доказ за нивното политичко лицемерие

Но, пред ВЛЕН да морализира за одговорноста и правдата, треба да им одговори на граѓаните: Каде бевте вие тогаш?

Двајца од денешните лидери на ВЛЕН, Изет Меџити и Биљал Касами, беа дел од власта за која денес се преправаат дека немале никаква поврзаност.

Покрај тоа, Изет Меџити во тоа време беше потпретседател на ДУИ. Затоа, денес да се излезе и да се користи оваа трагедија за напади врз другите, притоа заборавајќи ја улогата и политичката одговорност на луѓето што денес го предводат ВЛЕН, е најчист пример за политичко лицемерие.

Четиринаесет човечки животи не смеат да бидат средство за политичка пропаганда, ниту оружје во партиската пресметка. Семејствата на жртвите ги заслужуваат вистината и правдата. А правдата не може да се бара само за политичкиот противник, а да се заборава кога одговорноста ги засега луѓето што денес го предводат ВЛЕН.

Затоа, пред ВЛЕН да го впери прстот кон другите, нека им одговори на граѓаните:

Каде беа Изет Меџити и Биљал Касами?

Каква политичка одговорност презедоа тогаш?

Што побараа да се расветли во случајот?

И зошто денес се однесуваат како оваа историја да нема никаква поврзаност со нив?

Да се бара правда е обврска. Но, да се бара правда со бришење на сопствената политичка и институционална улога од историјата е невидено лицемерие.

АА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер