Семејствата на загинатите во трагедијата во Кочани повторно на протест - Канал 5

Македонија

Семејствата на загинатите во трагедијата во Кочани повторно на протест

Семејствата на загинатите во Пулс на уште еден протест за правда на нивните најмили, прв откако се одбележаа 40те дена од трагичната смрт на оние кои загинаа.

Семејствата на загинатите во трагедијата во Кочани повторно на протест

Силнио дожд не ги поколеба да се соберат во голем број, со слики во рацете од оние кои ги загубиле да ги испратат своите пораки до надлежните.

Започнаа од градскиот плоштад во Кочани, па продолжија до демолираното кафуле на газдада на Пулс, а потоа, од институција, до институција побараа разрешување на трагедијата, притоа никој да не биде поштеден.

Велат, семејствата не им ги зацрнила несреќата, туку корупцијата на системот, во која и Кочани со години се "давело".

Пред Општина изразија револт кон институционалното работење, продолжија кон МВР за како што кажаа, да посочат дека реакцијата им била задоцнета, а завршија пред Основниот суд Кочани барајќи отчет за сработеното и неселективна правда“,

Најострите пораки дојдоа токму од таму.

Инаку, од обвинителство посочија дека веќе се прибираат контактите од семејствата на настраданите за да им се посочат правата во постапката и за вклучување во истата со нивно испитување.

Процесот на испитување на оштетените се предвидува да започне од почетокот на мај, за што ќе следи дополнително известување, имајќи го предвид големиот број оштетени и засегнати лица кои ќе бидат испитани.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужасни несреќи во Унгарија: Осум лица загинаа

Најмалку осум лица загинаа во две сообраќајни несреќи што се случија на автопатот „М1“ во Унгарија, во близина на Ѓер.

Ужасни несреќи во Унгарија: Осум лица загинаа

Утрово околу 4:30 часот, камион се судрил со градежна машина на 114-тиот километар од автопатот „М1“, објавува „Magyar nemzet“.

Возилото се запалило по судирот, а возачот на камионот починал на местото на настанот.

Кратко потоа, околу 5:15 часот наутро, минибус се судрил со камион кој беше запрен поради претходна несреќа на 113-тиот километар.

Во минибусот имало девет лица, од кои седум загинале на самото место, а двајца се повредени.

Камионот се удрил во неколку стационарни машини.

Возилото ги турнало машините една кон друга, потоа неговата кабина се запалила, а пожарот потоа се проширир на товарот.

Пожарникарите од Ѓер кои пристигнале на местото на настанот почнале да ги гаснат пламените јазици со два водни млазови, што веќе спречило понатамошно ширење на пламенот.

Во име на владата, унгарскиот премиер Петер Маѓар изрази сочувство до семејствата на жртвите.

Тој во објава на Фејсбук изјави дека жртвите се странски државјани, но не ја прецизираше нивната националност, а полицијата не одговори веднаш на прашањата од Ројтерс.

Полицијата им соопшти на медиумите дека сите жртви се возрасни мажи, дека минибусот имал молдавски регистарски таблички и дека камионот вклучен во првата несреќа исто така имал молдавски регистарски таблички.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Премиерот на Пакистан: Постигната е финалната верзија на договорот

Конфликт на Блискиот Исток – Ден 105. Шехбаз Шариф, премиерот на Пакистан, изјави дека е постигната финалната верзија на мировниот договор.

Премиерот на Пакистан: Постигната е финалната верзија на договорот

„Можеме да потврдиме дека е постигната финалната и договорена верзија на мировниот договор и дека Пакистан сега тесно соработува со двете страни за да ги финализира следните чекори“, рече тој, додавајќи ја конфузијата околу можноста за потпишување на мировен договор во Женева во недела.

„Мирот никогаш не бил поблиску отколку што е сега.“

Американскиот претседател Доналд Трамп изјави дека САД ја добиле војната во Иран и дека не им е потребна помошта од Европа.

Тагови: Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Москва: Вонземјаните одговорија на нашите молби

Вонземјаните полека, но сигурно работат на обезбедување оставка на британскиот премиер Кир Стармер, изјави специјалниот претставник на рускиот претседател за инвестиции и надворешна економска соработка, Кирил Дмитриев.

Москва: Вонземјаните одговорија на нашите молби

„Пред два дена ги замолив вонземјаните да му помогнат на човештвото да обезбеди оставка на Стармер. Се чини дека вонземјаните работат на тоа полека, но сигурно“, напиша Дмитриев на социјалната мрежа „X“, коментирајќи го медиумскиот извештај за изјавата на лидерката на Конзервативната партија, Камил Бејднок.

Во статијата, Бејднок тврди дека британските вооружени сили ја изгубиле довербата во премиерот.

Според неа, времето на Стармер истече.

Претходно, Дмитриев ги повика вонземјаните да помогнат да се убеди британскиот премиер да поднесе оставка. Според него, на Стармер треба да му се каже што луѓето мислат за него и да му се даде до знаење дека со неговата оставка може да ѝ даде надеж на западната цивилизација.

Извор: Б92

Тагови: Кир Стармер москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер